ວັນທີ 6 ພຶດສະພາ 2024, ກະຊວງປ້ອງກັນຄວາມສະຫງົບ ໄດ້ຈັດພິທີປະກາດນາຍຕໍາຫຼວດອອກພັກການຮັບອຸດໜູນບຳນານ ແລະ ຍົກຍ້າຍ-ແຕ່ງຕັ້ງນາຍຕໍາຫຼວດຂັ້ນສູງຂອງກະຊວງ ປກສ, ໂດຍການເຂົ້າຮ່ວມຂອງ ພົອ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງ ປກສ, ມີຮອງລັດຖະມົນຕີ, ຫົວໜ້າກົມໃຫຍ່, ຫ້ອງວ່າການ ແລະ ຫົວໜ້າກົມກອງອ້ອມຂ້າງກະຊວງ ເຂົ້າຮ່ວມ.
ໃນພິທີ, ພົຕ ປອ ສຸວັນນີ ສີສຸພາບມີໄຊ ຫົວໜ້າກົມໃຫຍ່ການເມືອງ ປກສ ໄດ້ຜ່ານມະຕິຕົກລົງ, ດໍາລັດ ແລະ ຂໍ້ຕົກລົງວ່າດ້ວຍການອະນຸມັດໃຫ້ນາຍຕໍາຫຼວດຂັ້ນສູງພັກການຮັບອຸດໜູນບຳນານ ຈໍານວນ 34 ສະຫາຍ. ໃນນັ້ນ, ຊັ້ນ ພົນຕີ 1 ສະ ຫາຍ, ພົນຈັດຕະວາ 7 ສະຫາຍ ແລະ ຊັ້ນພັນເອກ 26 ສະຫາຍ. ຈາກນັ້ນ, ກໍໄດ້ຜ່ານດຳ ລັດຂອງນາຍົກລັດຖະມົນຕີ ວ່າ ດ້ວຍການຍົກຍ້າຍ-ແຕ່ງຕັ້ງນາຍ ຕໍາຫຼວດຂັ້ນສູງ ກະຊວງ ປກສ.
ໃນນີ້, ແຕ່ງຕັ້ງ ພົຈວ ໜູຈອນ ກ້ອນທອງດຳ ເປັນຫົວໜ້າກົມໃຫຍ່ພະລາທິການ ປກສ, ຍົກຍ້າຍ ພົຈວ ແອນ ອຸ່ນອານົງນຸດ ຈາກກົມໃຫຍ່ການເມືອງ ໄປຢູ່ກົມໃຫຍ່ສັນຕິບານ ແລະ ແຕ່ງຕັ້ງເປັນຮອງຫົວໜ້າກົມໃຫຍ່ສັນຕິບານ, ຍົກຍ້າຍ ພົຈວ ນີລະວົງ ເຈືອງຕະວະລາດ ຈາກກົມໃຫຍ່ຕໍາຫຼວດ ໄປຢູ່ກົມ ໃຫຍ່ສັນຕິບານ ແລະ ແຕ່ງຕັ້ງເປັນຮອງຫົວໜ້າກົມໃຫຍ່ສັນຕິບານ, ຍົກຍ້າຍ ພົຈວ ກອງສະຫວັດ ບຸນລ້ຽງ ຈາກກົມໃຫຍ່ສັນຕິບານ ໄປຢູ່ກົມໃຫຍ່ຕໍາຫຼວດ ແລະ ແຕ່ງຕັ້ງເປັນຮອງຫົວໜ້າກົມໃຫຍ່ຕໍາຫຼວດ, ຍົກຍ້າຍ ພົຈວ ໜູໃບ ອິນທິສານ ຈາກກົມຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານໄປຢູ່ກົມໃຫຍ່ການເມືອງ ແລະ ແຕ່ງຕັ້ງເປັນຮອງຫົວໜ້າກົມໃຫຍ່ການເມືອງ, ຍົກຍ້າຍ ພົຈວ ແກ່ນຈັນ ພົມມະຈັກ ຈາກກົມໃຫຍ່ຕໍາຫຼວດ ໄປຢູ່ກົມຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ ແລະ ແຕ່ງຕັ້ງເປັນຫົວໜ້າກົມຄຸ້ມຄອງສໍາມະໂນຄົວ ແລະ ກໍ່ສ້າງຮາກ ຖານ, ແຕ່ງຕັ້ງ ພັອ ສູນທອນ ລາດຊະສົມບັດ ເປັນ ຮອງຫົວໜ້າກົມໃຫຍ່ພະລາທິການ, ແຕ່ງຕັ້ງ ພັອ ປອ ສີສົມໄຊ ແກ້ວບຸນພັນ ເປັນຫົວໜ້າກົມ 504, ແຕ່ງຕັ້ງ ພັອ ຈັນທອນ ແກ້ວມະນີວົງ ເປັນຫົວໜ້າກອງບັນຊາການປ້ອງກັນທີ່ຕັ້ງ, ແຕ່ງຕັ້ງ ພັອ ປອ ຄໍາແຝງ ວັນດີໄຊ ເປັນຫົວໜ້າກົມຄົ້ນຄວ້າວິ ທະຍາດສາດ ແລະ ປະຫວັດສາດ, ແຕ່ງຕັ້ງ ພັອ ຊາຍຄອງ ເພັດຊະວົງ ເປັນຫົວໜ້າອໍານວຍການວິທະຍາຄານການເມືອງ ປກສ, ແຕ່ງຕັ້ງ ພັອ ປອ ບຸນຊະນະ ສິມມາລາວົງ ເປັນຫົວໜ້າອໍານວຍການວິທະຍາຄານສັນຕິບານປະຊາຊົນ ແລະ ແຕ່ງຕັ້ງ ພັອ ປອ ໂອໄດ ທິລັນດາ ເປັນຫົວໜ້າອໍານວຍການວິທະຍາຄານຕໍາຫຼວດປະຊາຊົນ.
ໂອກາດນີ້, ພົອ ວິໄລ ຫຼ້າຄໍາຟອງ ໄດ້ສະແດງຄວາມຊົມເຊີຍຕໍ່ບັນດາຜົນງານຂອງນາຍຕຳຫຼວດທີ່ໄດ້ຮັບອຸດໜູນບຳນານ, ເຊິ່ງການປະກາດດັ່ງກ່າວແມ່ນກົດເກນ ແລະ ນະໂຍບາຍລວມຂອງພັກ ແລະ ລັດຖະບານເຮົາ ເມື່ອເຖິງອາຍຸກະສຽນກໍຕ້ອງໄດ້ອອກພັກຜ່ອນ-ຮັບ ອຸດໜູນບໍານານຕາມລະບຽບການ.
ສໍາລັບນາຍຕຳຫຼວດທີ່ໄດ້ຮັບການຍົກຍ້າຍ-ແຕ່ງຕັ້ງໃນຄັ້ງນີ້, ທ່ານ ຮອງນາຍົກລັດຖະມົນຕີ ໄດ້ເນັ້ນໃຫ້ສຸມໃສ່ສຶກສາອົບຮົມການເມືອງ-ແນວຄິດໃຫ້ພະນັກງານ-ນັກຮົບໃຫ້ເລິກເຊິ່ງເຖິ່ງຖອງ, ເພີ່ມທະວີຄວາມຮັບຜິດຊອບໃນການຕໍ່ການນຳພາບັນ ຊາ, ກໍ່ສ້າງພັກ, ກໍ່ສ້າງກຳລັງໃຫ້ໜັກແໜ້ນເຂັ້ມແຂງ, ເສີມຂະຫຍາຍຄວາມສາມັກຄີພາຍໃນໃຫ້ແໜ້ນແຟ້ນ, ສືບຕໍ່ນຳພາ-ຊີ້ນຳກຳລັງ ປກສ ໃຫ້ມີຄວາມໜັກແໜ້ນ ເຂັ້ມແຂງຂຶ້ນເລື້ອຍໆ.
ພາບ-ຂ່າວ: ແກ້ວ ອຸເພັດ
