ປ້ອງກັນຄວາມສະຫງົບ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ພົນໂທ ເລືອງ ຕາມ ກວາງ ຮອງລັດຖະມົນຕີ ກະ ຊວງປ້ອງກັນຄວາມສະ ຫງົບ ສສ ຫວຽດນາມ, ພ້ອມດ້ວຍຄະນະ ໃນໂອກາດທີ່ທ່ານເດີນທາງມາເຮັດວຽກຢູ່ ສປປ ລາວ ໃນ ລະຫວ່າງ ວັນທີ 4-7 ທັນວາ 2023 ນີ້.
ໃນໂອກາດນີ້, ພົນເອກ ວິໄລ ຫຼ້າຄຳຟອງ ກໍໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການເຂົ້າຢ້ຽມຂໍ່ານັບຂອງທ່ານຮອງລັດຖະມົນຕີ ກະຊວງປ້ອງກັນຄວາມສະຫງົບ ສສ ຫວຽດນາມ; ໂດຍການພົບປະໃນຄັ້ງນີ້, ເປັນຂີດໝາຍສຳຄັນໃຫ້ແກ່ການສືບຕໍ່ພົວພັນຮ່ວມມືແບບພິເສດຮອບດ້ານລະຫວ່າງສອງພັກ-ສອງລັດ ແລະ ປະຊາຊົນ ສອງຊາດລາວ-ຫວຽດນາມ ກໍຄື ສອງກະຊວງປ້ອງກັນຄວາມສະຫງົບ ລາວ-ຫວຽດນາມ ໃນການສືບຕໍ່ຮັກສາຄວາມສະຫງົບ ແລະ ຄວາມເປັນລະບຽບຮຽບ ຂອງສອງປະເທດ ຄຽງຄູ່ກັບການຕ້ານ ແລະ ສະກັດກັ້ນການກໍ່ອາຊະຍາກໍາຂ້າມ ຊາດ ຫຼື ອາຊະຍາກໍາຕ້ານຢາເສບຕິດໃຫ້ນັບມື້ຫຼຸດໜ້ອຍຖອຍລົງ ແລະ ຮັບປະກັນໄດ້ຄວາມສະຫງົບ-ປອດໄພ ໂດຍພື້ນຖານ.
ໃນໂອກາດນີ້, ພົນໂທ ເລືອງ ຕາມ ກວາງ ຍັງໄດ້ກ່າວສະແດງຄວາມຍ້ອງຍໍຊົມເຊີຍ ແລະ ຂອບໃຈມາຍັງທ່ານຮອງນາຍົກລັດຖະມົນຕີ, ພ້ອມດ້ວຍຄະນະ ທີ່ໃຫ້ການຕ້ອນຮັບຢ່າງອົບອຸ່ນF ເຊິ່ງເຕັມໄປດ້ວຍຄວາມສາມັກຄີ ແລະ ສາຍພົວພັນອັນສະໜິດແໜ້ນຮອບດ້ານໃນການສືບຕໍ່ພົວພັນຮ່ວມມືໃນທຸກຂົງເຂດວຽກງານ ໂດຍສະເພາະວຽກງານປ້ອງກັນຄວາມສະຫງົບຂອງສອງປະເທດ ລາວ-ຫວຽດນາມ ທີ່ນັບມື້ເຕີບໃຫຍ່ເຂັ້ມແຂງເປັນກ້າວໆມາ.
ຂ່າວ: ລັດດາວັນ
