ພິທີປະກາດແຕ່ງຕັ້ງນາຍຕໍາຫຼວດຂັ້ນສູງ ແລະ ປະກາດນາຍຕໍາຫຼວດພັກການ-ຮັບອຸດໜູນບໍານານຂອງກະຊວງ ປກສ ຈັດຂຶ້ນໃນວັນທີ 1 ທັນວາ 2023, ໂດຍການເປັນປະທານຂອງ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງ ປກສ, ມີຮອງລັດຖະມົນຕີ, ຫົວ ໜ້າກົມໃຫຍ່, ພ້ອມດ້ວຍຮອງກົມໃຫຍ່, ຫ້ອງວ່າການ ແລະ ວິທະຍາ ຄານ ກົມກອງ ອ້ອມຂ້າງກະຊວງ ເຂົ້າຮ່ວມ.
ໃນພິທີ, ທ່ານ ສຸລິຍາ ພົມມີສິດ ຮອງ ຫົວໜ້າກົມຄຸ້ມຄອງພະນັກງານ ຕາງໜ້າຄະນະຈັດຕັ້ງສູນກາງພັກ ຂຶ້ນຜ່ານດໍາລັດ ຂອງນາຍົກລັດຖະມົນຕີ ວ່າດ້ວຍອະນຸ ມັດໃຫ້ນາຍຕໍາຫຼວດອອກພັກການ-ຮັບ ອຸດໜູນບໍານານ. ໃນນີ້, ອະນຸມັດໃຫ້ ພົຕ ປອ ບົວວັນ ວົງສາວັນທອງ ຫົວໜ້າກົມ ໃຫຍ່ສັນ ຕິບານ ກະຊວງ ປກສ ພັກການ-ຮັບອຸດໜູນບໍານານ.
ຜ່ານມະຕິຕົກລົງຂອງຄະນະເລຂາທິການສູນກາງພັກ ຕົກ ລົງບົ່ງຕົວແຕ່ງຕັ້ງກຳມະການປະຈຳພັກກະຊວງ, ກຳມະການ ຄະນະພັກກະຊວງ. ໃນນີ້, ບົ່ງຕົວແຕ່ງຕັ້ງ ພົຈວ ປອ ສຸວັນນີ ສີສຸພາບມີໄຊ ແລະ ພົຈວ ຈູມມະນີ ວົງມະນີ ເປັນກຳມະການປະຈຳພັກ ກະຊວງ ປກສ, ພົຈວ ກອງສະ ຫວັດ ບຸນລ້ຽງ ແລະ ພົຈວ ແກ່ນຈັນ ພົມມະຈັກ ເປັນກຳມະການຄະນະພັກກະ ຊວງ ປກສ.
ຜ່ານດຳລັດຂອງນາຍົກລັດຖະມົນຕີ ວ່າດ້ວຍແຕ່ງຕັ້ງນາຍຕຳຫຼວດ ກະຊວງ ປກສ. ໃນນີ້, ແຕ່ງຕັ້ງ ພົຕ ສົມວັນ ສາຍລ້ອງພາ ເປັນຮອງລັດຖະມົນຕີ, ພົຈວ ປອ ສຸວັນນີ ສີສຸພາບມີໄຊ ເປັນ ຫົວໜ້າກົມໃຫຍ່ການເມືອງ, ພົຈວ ຈູມ ມະນີ ວົງມະນີ ເປັນຫົວໜ້າກົມໃຫຍ່ ສັນຕິບານ, ພົຈວ ສຸລິນະ ແກ້ວປະເສີດ ເປັນຫົວໜ້າຫ້ອງວ່າການກະຊວງ, ພັອ ສີວັນທາ ເພຍສະຂາ ເປັນຮອງຫົວໜ້າ ຫ້ອງວ່າການ, ພັອ ຫຸມພັນ ຜິວເຂັມພອນ ເປັນຮອງຫົວໜ້າກົມໃຫຍ່ການເມືອງ, ພັອ ລັດສະໝີ ໄຊຍະຄໍາ ເປັນຮອງຫົວ ໜ້າກົມໃຫຍ່ຕໍາຫຼວດ ແລະ ພັອ ພູທອນ ພົນໂພສີລາຫົງ ເປັນຮອງຫົວໜ້າກົມ ໃຫຍ່ພາລະທິການ.
ຜ່ານຂ້ໍຕົກລົງຂອງຄະນະພັກກະ ຊວງ ປກສ ວ່າດ້ວຍການບົ່ງຕົວແຕ່ງຕັ້ງ ພົຈວ ປອ ສຸວັນນີ ສີສຸພາບມີໄຊ ເປັນເລຂາຄະນະ ພັກກົມໃຫຍ່ການ ເມືອງ, ພົຈວ ຄອນສະຫວັນ ສົມພາໄຊ ເປັນຮອງເລຂາຄະນະພັກກົມໃຫຍ່ການເມືອງ, ພົຈວ ແອນ ອຸ່ນອານົງນຸດ ເປັນຄະນະປະຈໍາພັກ ກົມໃຫຍ່ການເມືອງ, ພົຈວ ຈູມມະນີ ວົງມະນີ ເປັນເລຂາຄະນະພັກກົມໃຫຍ່ ສັນຕິບານ, ພົຈວ ກອງສະຫວັດ ບຸນລ້ຽງ ເປັນຮອງເລຂາຄະນະພັກກົມໃຫຍ່ສັນຕິບານ, ພົຈວ ສຸລິນະ ແກ້ວປະເສີດ ເປັນ ເລຂາຄະນະ ພັກ ຫ້ອງວ່າການ ແລະ ພົຈວ ອານຸເດດ ຄູນຄໍາ ເປັນຮອງເລຂາ.
ຕອນທ້າຍພິທີ, ພົອ ວິໄລ ຫຼ້າຄໍາຟອງ ໄດ້ໂອ້ລົມຕໍ່ນາຍຕໍາຫຼວດທີ່ພັກການ-ຮັບອຸດໜູນບໍານານ ແລະ ນາຍຕໍາຫຼວດ ທີ່ໄດ້ຮັບການແຕ່ງຕັ້ງ; ເຊິ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜູ້ທີ່ ພັກການ-ຮັບອຸດໜູນບໍານານວ່າ: ໃນໄລຍະການປະຕິບັດໜ້າທີ່ສະຫາຍກໍໄດ້ປະກອບສ່ວນເຮັດສໍາເລັດໜ້າທີ່ຢ່າງໃຫຍ່ ຫຼວງທີ່ພັກ-ລັດໄດ້ມອບໝາຍໃຫ້ ກໍຄື ໃຫ້ກໍາລັງປ້ອງ ກັນຄວາມສະຫງົບ ຈົນມາຮອດມື້ນີ້ແມ່ນມີເງື່ອນໄຂຄົບຖ້ວນກໍໄດ້ຮັບນະໂຍບາຍດັ່ງກ່າວ; ຕໍ່ກັບຜູ້ທີ່ໄດ້ຮັບການແຕ່ງຕັ້ງ ຕ້ອງເປັນຄັນທຸງຮັກສາ ເຕົ້າໂຮມຄວາມສາມັກຄີເປັນປຶກແຜ່ນ ແໜ້ນໜາ ປະຕິບັດໃຫ້ຖືກຕ້ອງຄົບຖ້ວນຂອງການນໍາພາຂອງພັກ, ຕ້ອງມີ ຄວາມເປັນເອກກະພາບໃນການຕັດສິນ ບັນຫາແບ່ງງານຢ່າງລະອຽດຈະແຈ້ງ ກວດກາຄວາມຖືກຕ້ອງ, ໃນກໍລະນີພົບ ເຫັນວ່າບໍ່ຖືກຕ້ອງກໍຕ້ອງ ແກ້ໄຂເຊື່ອໝັ້ນວ່າບັນດາສະຫາຍທີ່ໄດ້ຮັບການແຕ່ງຕັ້ງ ຈະເຮັດສໍາເລັດທຸກໜ້າທີ່ ທີ່ໄດ້ຮັບການ ມອບໝາຍໃຫ້ເປັນຢ່າງດີ.
ຂ່າວ: ບຸນຖິນ
