ກົມຄົ້ນຄວ້າວິທະຍາສາດ ແລະ ປະຫວັດສາດ ( ກົມ 512 ) ກະຊວງປ້ອງກັນຄວາມສະຫງົບ ໄດ້ປະກາດບົ່ງຕົວແຕ່ງຕັ້ງກໍາມະການຄະນະພັກຮາກຖານ ແລະ ປະກາດເລື່ອນຊັ້ນໃຫ້ນາຍຕຳຫຼວດ ໃນວັນທີ 20 ພະຈິກ 2023, ເຂົ້າຮ່ວມໂດຍ ພົຈວ ສະ ແຫວງ ພົມມະລີ ຫົວໜ້າກົມຄົ້ນຄວ້າວິທະຍາສາດ ແລະ ປະຫວັດສາດ ມີຄະນະພັກ, ຄະນະກົມ ພ້ອມດ້ວຍນາຍ ແລະ ພົນຕໍາຫຼວດທີ່ໄດ້ຮັບການເລື່ອນ ຊັ້ນເຂົ້າຮ່ວມ.
ພັອ ສຸວັນໄຊ ຫຼ້າຈັນເພັດ ຮອງຫົວໜ້າກົມພັກ ກົມໃຫຍ່ການເມືອງປ້ອງກັນຄວາມສະຫງົບ ໄດ້ຜ່ານຂໍ້ຕົກລົງຂອງຄະນະພັກກະຊວງປ້ອງກັນຄວາມສະຫງົບ ວ່າດ້ວຍການບົ່ງຕົວແຕ່ງຕັ້ງກໍາມະການ ຄະນະພັກຂອງຄະນະພັກຮາກຖານກົມຄົ້ນຄວ້າວິ ທະຍາສາດ ແລະ ປະຫວັດສາດ. ໃນນີ້, ໄດ້ບົ່ງຕົວແຕ່ງຕັ້ງ ພັອ ປອ ຄໍາແຝງ ວັນດີໄຊ ເປັນກໍາມະການຄະນະພັກຂອງຄະນະ ພັກຮາກຖານກົມຄົ້ນຄວ້າວິທະຍາສາດ ແລະ ປະຫວັດສາດ.
ພ້ອມນີ້, ພັທ ນາງ ບົວໃບ ໃຈວົງ ຮອງຫົວໜ້າພະແນກການເມືອງ ກົມຄົ້ນຄວ້າວິທະຍາສາດ ແລະ ປະຫວັດສາດ ໄດ້ຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການເລື່ອນຊັ້ນໃຫ້ນາຍຕໍາຫຼວດກົມຄົ້ນຄວ້າວິທະຍາສາດ ແລະ ປະຫວັດສາດ ເພື່ອປະຕິບັດຕາມນະໂຍບາຍຂອງພັກ-ລັດທີ່ມີຕໍ່ນາຍຕໍາຫຼວດທີ່ມີຜົນສໍາເລັດໃນການປະຕິບັດໜ້າທີ່ວຽກງານ ແລະ ຄົບມາດຖານເງື່ອນໄຂຂອງການເລື່ອນຊັ້ນຈຳນວນ 7 ສະຫາຍ; ໃນນີ້, ເລື່ອນຊັ້ນ ພັນຕີ ຂຶ້ນ ພັນ ໂທ 2 ສະ ຫາຍ, ຮ້ອຍເອກ ຂຶ້ນ ພັນຕີ 3 ສະຫາຍ ແລະ ຮ້ອຍໂທ ຂຶ້ນ ຮ້ອຍເອກ 2 ສະຫາຍ ໃຫ້ກຽດປະດັບຊັ້ນໂດຍ ພົຈວ ສະແຫວງ ພົມມະລີ.
ໂອກາດດຽວກັນນີ້, ພົຈວ ສະແຫວງ ພົມມະລີ ໄດ້ສະແດງຄວາມຍ້ອງຍໍຊົມເຊີຍຕໍ່ຜູ້ທີ່ຕໍາແໜ່ງໃໝ່ ແລະ ໄດ້ຮັບການເລື່ອນຊັ້ນໃນຄັ້ງນີ້ ພ້ອມທັງເນັ້ນໃຫ້ເອົາໃຈໃສ່ສືບຕໍ່ກໍາແໜ້ນແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ມີຄວາມບຸກບືນຫ້າວຫັນໃນການຈັດຕັ້ງປະຕິບັດໜ້າທີ່ການເມືອງຂອງຕົນ, ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ເປັນແບບຢ່າງຮອບດ້ານ, ມີຄວາມສາມັກຄີເປັນປຶກແຜ່ນ, ຊອກຮູ້ຮໍ່າຮຽນນໍາການຈັດຕັ້ງ, ວຽກງານຕົວຈິງ ແລະ ບຸກຄົນທີ່ມີປະສົບການ ເພື່ອເປັນການເສີມສ້າງຄວາມຮູ້-ຄວາມສາມາດຂອງຕົນ ເພື່ອປະກອບສ່ວນເຂົ້າໃນການຈັດຕັ້ງປະຕິ ບັດວຽກງານປ້ອງກັນຄວາມສະຫງົບ ໂດຍສະເພາະແມ່ນວຽກງານທີ່ຕົນເອງຮັບຜິດຊອບໃຫ້ມີຜົນສໍາເລັດ.
