ສະຫະພັນແມ່ຍິງກົມໃຫຍ່ການເມືອງ ກະຊວງ ປກສ ສະຫຼຸບການເຄື່ອນໄຫວວຽກງານປະຈຳປີ 2024 ແລະ ວາງທິດທາງແຜນການປີ 2025 ໃນວັນທີ 20 ທັນວາ 2024, ໂດຍການເປັນປະທານຂອງ ພົຈວ ໜູໃບ ອິນທິສານ ຮອງຫົວໜ້າກົມໃຫຍ່ການເມືອງ ປກສ ຜູ້ຊີ້ນໍາອົງການຈັດຕັ້ງມະຫາຊົນ, ມີປະທານ-ຮອງປະທານສະຫະພັນແມ່ຍິງ, ສະມາຊິກແມ່ຍິງ ພ້ອມດ້ວຍແຂກຖືກເຊີນເຂົ້າຮ່ວມ.
ພັທ ນາງ ຄໍາແສງ ທໍາມະວົງ ຮອງປະທານສະຫະພັນແມ່ຍິງກົມໃຫຍ່ການເມືອງ ປກສ ກ່າວວ່າ: ໃນໄລຍະຜ່ານມາ, ໄດ້ເອົາໃຈໃສ່ນໍາພາຄົ້ນຄວ້າເຊື່ອມຊຶມເນື້ອໃນຄໍາຂວັນ ແລະ ຂໍ້ແຂ່ງ ຂັນ 3 ດີ ເພື່ອປຸກລະດົມຊຸກຍູ້ສະມາຊິກແມ່ຍິງເຂົ້າຮ່ວມການປະຕິບັດຂໍ້ແຂ່ງ ຂັນ 3 ດີຂອງແມ່ຍິງລາວ ຕິດພັນກັບຂະບວນການຂໍ້ແຂ່ງຂັນຮັກຊາດ ແລະ ພັດທະນາ, ການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ຂໍ້ແຂ່ງຂັນຂອງອົງການຈັດຕັ້ງມະຫາຊົນ, ຂໍ້ແຂ່ງຂັນຂອງກົມກອງວາງອອກ, ຕິດຕາມ, ຊຸກຍູ້ສະຫະພັນແມ່ຍິງຮາກ ຖານປະຕິບັດລະບອບຮ່ວມຊີວິດ, ນໍາເອົາເນື້ອໃນຂໍ້ແຂ່ງຂັນ 3 ດີ ເປັນເນື້ອໃນການສໍາຫຼວດກວດກາຕີລາຄາແບ່ງປະ ເພດ ແລະ ໃນໄລຍະ 1 ປີຜ່ານມາ ໄດ້ເປີດບັ້ນດໍາເນີນຊີວິດການເມືອງຕີລາຄາປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 3 ດີ ປະຈໍາປີ 2024 ເຊິ່ງມີຜູ້ເຂົ້າຮ່ວມແຂ່ງຂັນທັງໝົດ 644 ສະຫາຍ, ສາມາດຄັດເລືອກພົນລະເມືອງດີໄດ້ 603 ສະຫາຍ, ພັດທະນາດີ 597 ສະຫາຍ, ສ້າງຄອບຄົວດີ 597 ສະຫາຍ, ເປັນແມ່ຍິງ 3 ດີ ປະເພດ 1 ມີ 15 ໜ່ວຍ; ບຸກຄົນດີເດັ່ນດ້ານຕ່າງໆມີທັງໝົດ 31 ສະຫາຍ ຄື: ດ້ານວຽກ ງານວິຊາສະເພາະ 19 ສະຫາຍ, ການສ້າງເສດຖະກິດຄອບຄົວ ຈໍານວນ 4 ສະຫາຍ ແລະ ການສ້າງຄອບຄົວດີ ຈໍານວນ 8 ສະຫາຍ.
ພ້ອມນີ້, ຍັງໄດ້ປຸກລະດົມສະມາຊິກແມ່ຍິງປະຕິບັດໜ້າທີ່ວຽກງານວິຊາສະເພາະດ້ວຍຄວາມຫ້າວຫັນ ແລະ ມີຄວາມຮັບຜິດຊອບສູງສະແດງອອກຄື: ພິມເອກະສານໜັງສືສະເໜີ, ພິມໃບອະນຸມັດສ້າງຄອບຄົວ, ພິມໃບລົບລ້າງສ້າງຄອບຄົວ, ພິມຂໍ້ຕົກລົງວ່າດ້ວຍການປະຕິບັດນະໂຍບາຍຕ່າງໆ, ມະຕິຕົກລົງ, ສຳເນົາເອກະສານເຂົ້າ-ອອກ, ກອບບີ້ເອກະສານ, ສະຫລຸບບັນຊີ ເງິນເດືອນ, ເງິນອຸດໜູນຕ່າງໆໄດ້ 19.237.924 ສະບັບ, ພິມຂໍ້ຕົກລົງວ່າດ້ວຍນໍາສົ່ງນໍາສົ່ງນາຍ ແລະ ພົນຕຳຫຼວດ ໄປຮຽນ, ໄປບຳລຸງ, ຝຶກອົບຮົມພາຍ ໃນ ແລະ ຕ່າງປະເທດ 5.950 ສະຫາຍ, ຊຸກຍູ້ວຽກປະກັນສັງຄົມຢູ່ບັນດາກົມກອງ 17 ກົມກອງ, 18 ແຂວງ ແລະ 1 ເຂດພິເສດ, ນະ ໂຍບາຍອຸດໜູນ 15% ລວມມູນຄ່າ 987.859.708ກີບ, ມອບຫຼຽນໄຊອິດສະຫຼະຊັ້ນ 3, ຫຼຽນໄຊແຮງງານຊັ້ນ 2, 3, ຫຼຽນກາແຮງງານ, ຫຼຽນໄຊພິລະອາດຫານ 1.2.3, ຫຼຽນກາ ປກສ ລວມທັງໝົດ 168 ໜ່ວຍ, ຈ່າຍໃບຍ້ອງຍໍຂັ້ນກະຊວງ, ຂັ້ນກົມໃຫຍ່ 1.352 ໃບ, ແຈ້ງລຸລ່ວງບຳນານ 413 ທ່ານ, ຂຶ້ນຫ້ອງສອນໄດ້ 12.034 ຊົ່ວໂມງ, ແຕ່ງບົດສອນ 1.202 ບົດ, ກວດບົດສອນ 36.768 ບົດ, ແຕ່ງບົດເພັງໄດ້ 20 ບົດ, ສະແດງຮັບໃຊ້ວັນສໍາຄັນຕ່າງໆ 166 ຄັ້ງມີ 450 ແຮງງານ, ຜະລິດປະຕິທິນປະຈໍາປີ 2024 ສຳເລັດ, ຜະລິດກາຊື່ 2.000, ຜະລິດໂລໂກລົດຈັກລົດໃຫຍ່ 274 ແຜນ, ເຄື່ອນໄຫວເກັບກຳຂໍ້ມູນຢູ່ບັນດາກົມກອງອ້ອມຂ້າງສູນກາງ ແລະ ທ້ອງຖິ່ນ 4.806 ຄັ້ງ, ຂຽນຂ່າວ 4.806 ຂ່າວ, ຂຽນບົດ 296 ບົດ, ຜະລິດໜັງສືພິມ 265 ສະບັບ, ມີ 7 ຄໍລໍ້າ, 2.090 ຂ່າວ, ມີ 265 ບົດ. ມີ 3.168 ໜ້າ, ກວດແກ້ບົດ-ຂ່າວ 5.589 ບົດ-ຂ່າວ, ກວດລາຍການ 456 ຄັ້ງ, ອັບຂ່າວລົງອອນລາຍ 6.119 ຂ່າວ, ແປ-ຮຽບຮຽງຂ່າວໄດ້ 792 ຂ່າວ, ຮັບຂ່າວຕ່າງແຂວງ 3.280 ຂ່າວ, ຈັດລາຍການ 7 ລາຍການມີ 1.440 ຄັ້ງ. ສ່ວນວຽກງານອື່ນໆກໍສໍາເລັດຕາມລະດັບຄາດໝາຍ.
ໃນກອງປະຊຸມຄັ້ງນີ້, ຍັງໄດ້ປ່ອນບັດຄັດເລືອກເອົາຜູ້ແທນແມ່ຍິງກົມໃຫຍ່ການເມືອງ ປກສ ເພື່ອໄປເຂົ້າຮ່ວມກອງປະຊຸມໃຫຍ່ຜູ້ແທນສະຫະພັນແມ່ກະຊວງ ປກສ ແລະ ບ່ອນບັດທາບທາມເອົາບຸກຄະລາກອນອອກສະໝັກຮັບເລືອກຕັ້ງ ເປັນຄະນະບໍລິຫານງານສະຫະພັນແມ່ຍິງກະຊວງ ປກສ ຊຸດໃໝ່ຕື່ມອີກ.
