ວັນທີ 23 ທັນວາ 2024, ທີ່ກອງບັນຊາການ ປກສ ເມືອງປາກຊັນ ແຂວງບໍລິຄຳໄຊ ໄດ້ເປີດກອງປະຊຸມກຽມຄວາມພ້ອມປ້ອງກັນງານສະຫຼອງສົ່ງທ້າຍປີເກົ່າ ຄສ 2024 ຕ້ອນຮັບປີໃໝ່ ຄສ 2025 ແລະ ງານບຸນປະເພນີປີໃໝ່ຂອງຊົນເຜົ່າຕ່າງໆ, ໂດຍການເປັນປະທານຂອງ ພົຈວ ກົງຈັນ ໄຊປັນຍາ ຫົວໜ້າກອງບັນຊາການ ປກສ ແຂວງ , ມີ ນາຍຕຳຫຼວດ ຂັ້ນນຳພາ-ບັນຊາ ຈາກພາກສ່ວນທີ່ກ່ຽວຂ້ອງ ແລະ ປກສ ເມືອງເຂົ້າຮ່ວມ.
ກອງປະຊຸມ, ພາກສ່ວນທີ່ກ່ຽວຂ້ອງໄດ້ຜ່ານແຜນການປ້ອງກັນໃນໄລຍະສະເຫຼີມສະຫຼອງສົ່ງທ້າຍປີເກົ່າຕ້ອງຮັບປີໃໝ່ ແລະ ງານບຸນປີໃໝ່ຂອງຊົນເຜົ່າຕ່າງໆໃນແຂວງບໍລິຄຳໄຊ. ນອນກນັ້ນ, ກອງປະຊຸມ ຜູ້ເຂົ້າຮ່ວມຍັງໄດ້ປະກອບຄຳຄິດເຫັນ ແລະ ປຶກສາຫາລືວາງແຜນປ້ອງກັນ ເພື່ອຮັກສາຄວາມເປັນລະບຽບຮຽບຮ້ອຍ, ຄວາມສະຫງົບປອດໄພ ໂດຍສະເພາະແມ່ນໄລຍະສະຫຼອງປີໃໝ່ສາກົນ.
