ການພົບປະລະຫວ່າງ ຜູ້ນໍາອາຊຽນ ແລະ ບັນດາຜູ້ຕາງໜ້າຊາວໜຸ່ມອາຊຽນ ໄດ້ຈັດຂຶ້ນໃນວັນທີ 9 ຕຸລາ 2024 ຢູ່ນະ ຄອນຫຼວງວຽງຈັນ ໂດຍການເປັນປະທານຂອງ ທ່ານ ສອນໄຊ ສີພັນດອນ ນາຍົກລັດຖະມົນຕີ ເພື່ອປຶກສາຫາລື, ແລກປ່ຽນຄວາມຄິດເຫັນ ແລະ ສະເໜີທິດທາງ ກ່ຽວກັບການພັດທະນາ ແລະ ການເສີມຂະຫຍາຍບົດບາດຂອງຊາວໜຸ່ມອາຊຽນ.
ໃນກກອງປະຊຸມຄັ້ງນີ້, ຕາງໜ້າຊາວໜຸ່ມອາຊຽນ ໄດ້ນໍາສະເໜີຖະແຫລງການຊາວໜຸ່ມອາຊຽນ ຕໍ່ຜູ້ນໍາອາຊຽນ ເພື່ອຮັບຊາບ ແລະ ໃຫ້ທິດຊີ້ນໍາ, ທັງເປັນເວທີ ທີ່ມີຄວາມສຳ ຄັນ ເພາະເປັນການແລກປ່ຽນຄວາມຄິດເຫັນ ແລະ ສະເໜີທິດທາງ ກ່ຽວກັບ ການພັດທະນາ ແລະ ການເສີມຂະ ຫຍາຍບົດບາດຂອງຊາວໜຸ່ມອາຊຽນ ແນໃສ່ ປະກອບສ່ວນເຂົ້າໃນຄວາມພະ ຍາຍາມໃນການສ້າງປະຊາຄົມອາຊຽນ ໃຫ້ມີຄວາມເຂັ້ມແຂງ ແລະ ໃຫ້ບັນລຸຕາມເປົ້າໝາຍການພັດທະນາແບບຍືນຍົງ.
ກ່ອນໜ້າກອງປະຊຸມພົບປະໃນຄັ້ງນີ້, ຊາວໜຸ່ມອາຊຽນ ໄດ້ຈັດກອງປະຊຸມ ສົນທະນາຊາວໜຸ່ມອາຊຽນ ຄັ້ງທີ 3 ໃນລະ ຫວ່າງ ວັນທີ 5-7 ຕຸລາ 2024 ທີ່ ແຂວງຫລວງພະບາງ ພາຍໃຕ້ຫົວຂໍ້ “ການເສີມສ້າງຄວາມເຂັ້ມແຂງ ແລະ ການຊຸກຍູ້ແບບຮອບດ້ານ ເພື່ອການພັດທະນາຊາວໜຸ່ມອາຊຽນທີ່ຍືນຍົງ” ເຊິ່ງບັນດາຜູ້ຕາງໜ້າຊາວໜຸ່ມອາຊຽນ ໄດ້ທົບທວນຜົນການຈັດ ຕັ້ງປະຕິບັດບັນດາກິດຈະກໍາຊາວ ໜຸ່ມອາຊຽນ ແລະ ມີຄໍາເຫັນ ກ່ຽວກັບແນວທາງໃນການພັດທະນາຊາວໜຸ່ມອາຊຽນໃນດ້ານຕ່າງໆ ແລະ ໄດ້ສ້າງເປັນຂໍ້ສະເໜີ ກໍຄື ຖະແຫລງການຊາວໜຸ່ມອາຊຽນ ເພື່ອກະກຽມລາຍງານຕໍ່ຜູ້ນໍາອາຊຽນ.
ສປປ ລາວ ໃນນາມປະທານອາຊຽນປີ 2024 ໄດ້ສະແດງຄວາມຊົມເຊີຍ ຕໍ່ການປະກອບສ່ວນອັນສຳຄັນຂອງຊາວ ໜຸ່ມອາຊຽນ ເຂົ້າໃນວຽກງານຕ່າງໆຂອງອາຊຽນ ກໍຄື ຂະ ບວນການສ້າງປະຊາຄົມອາຊຽນ ຕະຫຼດໄລຍະຜ່ານມາ ແລະ ໄດ້ຊຸກຍູ້ໃຫ້ຊາວໜຸ່ມອາຊຽນ ສືບຕໍ່ເສີມຂະຫຍາຍການຮ່ວມມື ໃນດ້ານຕ່າງໆ ຢ່າງສ້າງສັນ ແລະ ມີຄວາມຮັບ ຜິດຊອບສູງ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງອາຊຽນ.
ພ້ອມດຽວກັນນີ້, ກໍໄດ້ສະເໜີໃຫ້ຂະແໜງການຊາວໜຸ່ມອາຊຽນ ສືບຕໍ່ປະກອບສ່ວນຜັນຂະຫຍາຍ ແລະ ຈັດຕັ້ງປະຕິິບັດວິໄສທັດປະຊາຄົມອາຊຽນ 2025 ແລະ ແຜນແມ່ບົດຂອງເສົາຄ້ໍາປະຊາຄົມອາຊຽນ, ລວມທັງບັນດາເອກະສານສືບທອດ ແລະ ບັນດາເອກະສານກ່ຽວຂ້ອງ ຢ່າງມີປະສິດທິຜົນ.
