ວັນທີ 7 ຕຸລາ 2024, ທີ່ກະຊວງ ປກສ, ສະໜາມຍິງປືນ 5 ເມສາ ໄດ້ນໍາເອົານໍ້າດື່ມ ຈໍານວນ 100 ແພັກ ມູນຄ່າ 5 ລ້ານກວ່າກີບ ມາມອບໃຫ້ກະຊວງ ປກສ ເພື່ອປະກອບສ່ວນເຂົ້າໃນວຽກງານປ້ອງກັນຄວາມສະຫງົບ ໃນໄລຍະຈັດກອງປະຊຸມສຸດຍອດອາຊຽນ ຄັ້ງທີ 44-45, ກ່າວມອບໂດຍ ທ່ານ ລຳພຽງ ພົມມະກອງ ຮອງອຳນວຍການ ສະໜາມຍິງປືນ 5 ເມສາ ກ່າວຮັບໂດຍ ພົນຕີ ປອ ສຸວັນນີ ສີສຸພາບມີໄຊ ຫົວໜ້າກົມໃຫຍ່ການເມືອງ ປກສ, ມີພະນັກງານທີ່ກ່ຽວຂ້ອງສອງຝ່າຍເຂົ້າຮ່ວມ.
ໃນໂອກາດນີ້, ພົນຕີ ປອ ສຸວັນນີ ສີສຸພາບມີໄຊ ໄດ້ຕາງໜ້າໃຫ້ກະຊວງ ປກສ ກ່າວສະແດງຄວາມຂອບໃຈ ສະໜາມຍິງປືນ 5 ເມສາ ທີ່ເຫັນໄດ້ຄວາມໝາຍຄວາມສຳຄັນຂອງວຽກງານປ້ອງກັນຄວາມສະຫງົບ ພ້ອມນີ້ທ່ານຍັງໄດ້ອວຍພອນໃຫ້ຄະນະອຳນວຍການ ແລະ ພະນັງງານ ສະໜາມຍິງປືນ 5 ເມສາ ຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ມີຜົນ ສຳ ເລັດໃນການດຳເນີນທຸລະກິດ; ນ້ຳດື່ມທີ່ນໍາມາມອບ ແມ່ນຈະໄດ້ນໍາໄປແຈກຢາຍຢູ່ຈຸດປ້ອງກັນຕ່າງໆໃຫ້ທົ່ວເຖິງ.
