ກອງປະຊຸມຈັດຂຶ້ນ ໃນວັນທີ 2 ຕຸລາ 2024, ໂດຍການເປັນປະທານຂອງ ສະຫາຍ ພັທ ນາງ ດວງຕາ ດວງມະນີ ຄະນະບໍລິ ຫານງານສະຫະພັນແມ່ຍິງແຂວງ ປະທານສະຫະພັນແມ່ຍິງຮາກຖານ ປກສ ແຂວງບໍລິຄໍາໄຊ, ໃຫ້ກຽດເຂົ້າຮ່ວມມີ ສະຫາຍ ພົຈວ ກົງຈັນ ໄຊປັນຍາ ກຳມະການພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງບໍລິຄໍາໄຊ, ສະ ຫາຍ ນາງ ຄຳໃບ ບໍລິວັນ ຮອງປະທານຄະນະບໍລິຫານງານສະຫະພັນແມ່ຍິງແຂວງບໍລິຄໍາໄຊ, ມີຄະນະສະຫະພັນແມ່ຍິງຮາກຖານ, ຄະນະຊຸກຍູ້ກອງປະຊຸມ, ແຂກຖືກເຊີນ ພ້ອມດ້ວຍຜູ້ແທນສົມບູນ ເຂົ້າຮ່ວມ.
ກອງປະຊຸມໄດ້ຜ່ານບົດລາຍງານການເມືອງສອງພາກ, ຜ່ານຮ່າງແຜນພັດທະນາແມ່ຍີງຮາກຖານ 5 ປີ ແລະ ບົດສໍາຫຼວດການນໍາພາຂອງສະຫະພັນແມ່ຍິງຮາກຖານ ປກສ ແຂວງ ໃນໄລຍະ 5 ປີຜ່ານມາ, ຄະນະສະຫະພັນແມ່ຍິງແຕ່ລະຂັ້ນ ຖືເອົາການສຶກສາອົບຮົມການເມືອງ-ແນວຄິດ ເປັນບັນຫາສໍາຄັນຕໍ່ສະມາຊິກແມ່ຍິງ ທີ່ຢູ່ໃນຄວາມຮັບຜິດຊອບຂອງຕົນ ດ້ວຍຫຼາຍຮູບການ ແລະ ຫຼາຍວິທີ, ໂດຍຈັດຕັ້ງເຜີຍແຜ່ເຊື່ອມຊືມມະຕິກອງປະຊຸມ, ຂໍ້ກໍານົດ ວ່າດ້ວຍການຈັດຕັ້ງ ແລະ ການເຄື່ອນ ໄຫວຂອງອົງການຈັດຕັ້ງສະຫະພັນແມ່ຍິງແຕ່ລະຂັ້ນ, ມູນເຊື້ອແມ່ຍີງລາວ, ແມ່ຍິງສາກົນ ແລະ ມະຕິ, ຄໍາສັ່ງຂອງຂັ້ນເທິງ, ນິຕິກຳຕ່າງໆ, ຮັບຟັງປາຖະກະຖາ ມູນເຊື້ອວັນສໍາຄັນຕ່າງໆ ລວມ 252 ຄັ້ງ ມີຜູ້ເຂົ້າຮ່ວມ 11,929 ເທື່ອຄົນ; ວຽກງານກໍ່ສ້າງພັກ-ພະນັກງານ ສະມາຊິກແມ່ຍິງໄດ້ໄປຍົກລະດັບວິຊາສະເພາະລະບົບຕ່າງໆຂອງກໍາລັງ 51 ສະຫາຍ, ທິດສະດີການເມືອງ-ການປົກຄອງໄລຍະສັ້ນ-ໄລຍະຍາວ 47 ສະຫາຍ, ໄດ້ຮຽນສະໜັບສະໜູນ ແລະ ກົດລະບຽບ ພັກ 109 ສະຫາຍ, ສະມາຊິກພັກສຳຮອງໄດ້ 90 ສະຫາຍ, ເລື່ອນສໍາຮອງຂື້ນສົມບູນໄດ້ 76 ສະຫາຍ, ມາຮອດປະຈຸບັນສະມາຊິກແມ່ຍິງໄດ້ຮັບເລືອກຕັ້ງເປັນ ຄະນະໜ່ວຍພັກ 12 ສະຫາຍ, ເປັນເລຂາໜ່ວຍພັກ 2 ສະຫາຍ, ເປັນຄະນະຫ້ອງ 1 ສະຫາຍ, ຫົວໜ້າພະແນກ 3 ສະຫາຍ, ຮອງພະແນກ 24 ສະຫາຍ, ຫົວໜ້າໜ່ວຍງານ 32 ສະຫາຍ, ຮອງໜ່ວຍງານ 43 ສະຫາຍ, ປະຕິບັດນະໂບຍາຍດ້ານຕ່າງໆ ຕໍ່ພະນັກງານ ແລະ ສະມາຊິກແມ່ຍິງໃນການເບິ່ງແຍງໃນເວລາ ເຈັບເປັນ, ເກີດລູກ, ເສຍຊີວິດ, ປະສົບໄຟໄໝ້ເຮືອນ 142 ຄັ້ງ, ລວມມູນຄ່າ 45,560,000 ກີບ; ໄດ້ຮັບການຍ້ອງຍໍປະເພດຕ່າງໆ ຫຼຽນໄຊພິລະອາດຫານ 2 ສະຫາຍ, ຫຼຽນ ໄຊ ແຮງງານຊັ້ນ II : 1 ສະຫາຍ, ຫຼຽນໄຊແຮງງານຊັ້ນ III: 12 ສະຫາຍ, ຫຼຽນກາແຮງງານ: 45 ສະຫາຍ, ຍ້ອງຍໍຂັ້ນຕ່າງໆ 82 ສະຫາຍ, ຄົ້ນຄວ້າຍ້ອງຍໍວຽກງານ 3 ດີ 120 ສະຫາຍ, ໃບຊົມເຊີຍ 67 ສະຫາຍ, ເຂົ້າຮ່ວມດຳເນີນຄະດີຄ້າມະນຸດ 25 ເລື່ອງ; ວຽກງານຈັດຕັ້ງປະຕິບັດຂໍ້ແຂ່ງຂັນ 3 ດີ, ເຜີຍແຜ່ເນື້ອ ໃນຂໍ້ແຂ່ງຂັນ 3 ດີ, ພ້ອມທັງເປີດຂະບວນການແຂ່ງຂັນ, ມີຜູ້ເຂົ້າຮ່ວມຮັບຟັງ 1,094 ສະຫາຍ, ຍິງ 1,042 ສະຫາຍ, ຖືເອົາຂໍ້ແຂ່ງຂັນ 3 ດີຕິດພັນກັບຂະບວນການປະຕິບັດໜ້າທີ່ໃນແຕ່ເລົ່າລົບວິຊາສະເພາະ ມີຜູ້ເຂົ້າຮ່ວມແຂ່ງຂັນທັງໝົດ 1,042 ສະຫາຍ, ຄັດເລືອກພົນລະເມືອງດີ ໄດ້ 1,042 ສະຫາຍ, ພັດທະ ນາດີ 1,015 ສະຫາຍ, ສ້າງຄອບຄົວດີ 942 ສະຫາຍ, ແມ່ຍິງ 3 ດີປະເພດ 1 ມີ 958 ສະຫາຍ, ແມ່ຍິງປະເພດ II ມີ 79 ສະ ຫາຍ, ໄດ້ໜ່ວຍ 3 ດີ ມີ 8 ໜ່ວຍ, ຮາກຖານ 3 ດີ 1 ຮາກຖານ, ສ້າງຂະບວນ ການແຂ່ງຂັນກິລາ, ສິນລະປະວັນນະຄະດີ, ບໍລິຈາກເລືອດໂດຍ ມີຜູ້ບໍລິຈາກເລືອດ 97 ຄົນ.
ປະຊຸມຍັງໄດ້ປ່ອນບັດເລືອກຕັ້ງເອົາຄະນະສະຫະພັນແມ່ຍິງຮາກຖານ ປກສ ແຂວງ ຊຸດໃໝ່, ຜ່ານການປ່ອນບັດເລືອກຕັ້ງ ແລະ ກອງປະຊຸມຄັ້ງປະຖົມມະລຶກ ໄດ້ເຫັນດີເປັນເອກະພາບເລືອກເອົາ ສະຫາຍ ພັທ ນາງ ພູນສຸກ ສີທະນົງ ເປັນປະທານສະຫະພັນແມ່ຍີງຮາກຖານ ປກສ ແຂວງ, ສະຫາຍ ພັທ ນາງ ສີສົມພອນ ຈະເລີນລາດ ເປັນຮອງປະທານ, ສະຫາຍ ພັທ ນາງ ຜາວຽງ ເພັງຈັນໂທ ເປັນປະທານກວດກາ, ສະຫາຍ ພັທ ນາງ ຕາດຳ ອີນທະວົງ, ສະຫາຍ ພັທ ນາງ ແວວມະນີ ວັນນະລາດ, ສະຫາຍ ພັຕ ນາງ ອ່ອນຈັນ ພົມມະຈັນ ແລະ ສະຫາຍ ພັຕ ນາງ ວຽງຄູນ ອີນລະພົມ ເປັນຄະນະສະຫະພັນແມ່ຍີງຮາກຖານ.
