ເພື່ອຮັບປະກັນເຮັດໃຫ້ໄລຍະດໍາເນີນກອງປະຊຸມລັດຖະມົນຕີອາຊຽນ ວ່າດ້ວຍການຕ້ານອາຊະຍາກໍາຂ້າມຊາດ ຄັ້ງທີ 18 ທີ່ ສປປ ລາວ ໄດ້ຮັບກຽດເປັນເຈົ້າພາບ ໃຫ້ມີຄວາມສະ ຫງົບ ແລະ ປອດໄພ, ກໍາລັງປ້ອງກັນຄວາມສະຫງົບ ຈາກເຫຼົ່າຮົບວິຊາສະເພາະຕ່າງໆ ໄດ້ສຸມໃສ່ປະຕິບັດໜ້າທີ່ຢ່າງຕັ້ງໜ້າ ໂດຍສະເພາະເຈົ້າໜ້າທີ່ໆປະຈໍາຢູ່ຈຸດໂຮງແຮມລາດຊະວົງ ວັນດາ ວິສ ຕ້າ ທີ່ໃຊ້ເປັນສະຖານທີ່ຈັດກອງປະຊຸມ ແມ່ນໄດ້ຍົກສູງຄວາມຮັບຜິດຊອບໜ້າທີ່ຂອງຕົນ ຢ່າງເຂັ້ມງວດ.
ພັທ ປອ ພັນສະໄໝ ອຸປະດີ ຮອງຫົວໜ້າຫ້ອງການ ກົມໃຫຍ່ຕໍາຫຼວດ ທັງເປັນຫົວໜ້າຈຸດປ້ອງກັນໂຮງແຮມ ລາດຊະວົງ ວັນດາ ວິສຕ້າ ໄດ້ໃຫ້ສໍາພາດຕໍ່ສື່ມວນຊົນ ປກສ ວ່າ: ຄະນະຮັບຜິດຊອບ ຊີ້ນໍາວຽກງານປ້ອງກັນ ໄດ້ມີການວາງແຜນການລະອຽດ ເພື່ອບັນຈຸກຳລັງທີ່ມາຈາກພາກສ່ວນຕ່າງໆ ລົງປະຈໍາການປ້ອງກັນຕາມຈຸດພື້ນທີ່ສໍາຄັນນັບແຕ່ວັນທີ 25 ສິງຫາ 2024, ກໍາລັງປ້ອງກັນຄວາມສະຫງົບທຸກພາກສ່ວນແມ່ນໄດ້ສຸມໃສ່ປະຕິບັດໜ້າທີ່ວຽກງານວິຊາສະເພາະຂອງຕົນຢ່າງຕັ້ງໜ້າໂດຍໄດ້ສຸມໃສ່ປ້ອງກັນເຂດພາຍໃນ ແລະ ອ້ອມຮອບນອກໂຮງແຮມ, ໂດຍຈັດຕັ້ງປະຈໍາການຕະຫຼອດ 24 ຊົ່ວໂມງ, ກຳ ລັງຈຳນວນໜຶ່ງແມ່ນໄດ້ອອກກວດກາລາດຕະເວນເພື່ອຕິດຕາມສະພາບການ, ຈັດຕັ້ງປ້ອງກັນເວນຍາມຕາມຂອບເຂດຄວາມຮັບຜິດຊອບຂອງຕົນດ້ວຍຄວາມຮັບຜິດຊອບສູງ, ຜ່ານການຈັດຕັ້ງປະຕິບັດໜ້າທີ່ປ້ອງກັນ ແມ່ນສາມາດຮັບປະກັນໄດ້ຄວາມສະຫງົບ-ປອດໄພ 100%.
ພັທ ດາວີບູນ ສຸລິວົງ ຫົວໜ້າພະແນກຈັດລະບຽບປ້ອງກັນ ແລະ ເປີດທາງ ກົມຕໍາຫຼວດຈະລາຈອນ ໄດ້ໃຫ້ສໍາພາດວ່າ: ກໍາລັງຕໍາຫຼວດຈະຈອນໄດ້ສຸມທຸກກໍາລັງແຮງເຂົ້າໃນການປ້ອງ ກັນກອງປະຊຸມໃນຄັ້ງນີ້ ໂດຍສະເພາະແມ່ນ ກໍາລັງລົດເປີດທາງ ເພື່ອປ້ອງກັນ ແລະ ອໍາ ນວຍຄວາມສະດວກໃຫ້ກັບຂະບວນລົດຂອງຄະນະຜູ້ແທນ, ນອກຈາກນີ້ຍັງໄດ້ປະສານສົມທົບກັນລະຫວ່າງກົມຕໍາຫຼວດຈະລາຈອນ ແລະ ພະແນກຕໍາຫຼວດຈະລາຈອນນະ ຄອນຫຼວງວຽງຈັນ ນາໍກໍາລັງປະຈໍາຢູ່ບັນດາຈຸດ ຕ່າງໆຕາມເສັ້ນທາງທີ່ລົດຂະບວນຄະນະຜູ້ແທ່ນເດີນທາງຜ່ານ ເພື່ອລະບາຍລົດ, ອໍານວຍຄວາມສະດວກ ແລະ ຮັບປະກັນໄດ້ທາງດ້ານຄວາມປອດໄພໃນການເດີນທາງຂອງຄະນະຜູ້ແທນ.
ພັທ ຄໍາແພງ ແສງບຸນທັນ ຫົວໜ້າກອງພັນປ້ອງກັນແຂກຕ່າງປະເທດ ແລະ ກອງປະຊຸມ ກອງບັນຊາການປ້ອງກັນສູນກາງ ຍັງໄດ້ໃຫ້ສໍາພາດຕໍ່ສື່ມວນຊົນ ປກສ ວ່າ: ກໍາລັງປ້ອງກັນສູນກາງກໍແມ່ນພາກສ່ວນໜຶ່ງທີ່ສຸ່ມໃສ່ໃນການປະຕິບັດໜ້າທີ່ປ້ອງ ກັນໃຫ້ແກ່ກອງປະຊຸມລັດຖະມົນຕີອາຊຽນວ່າດ້ວຍການຕ້ານອາຊະຍາກໍາຂ້າມຊາດ ຄັ້ງທີ 18 ຢ່າງຕັ້ງໜ້າເປັນຕົ້ນແມ່ນຄະ ນະຊີ້ນໍາ ແລະ ກໍາລັງປ້ອງກັນທີ່ຮັບຜິດຊອບວຽກງານກວດກາເອັກສະເຣ ຈຸດເຂົ້າ-ອອກ ກອງປະຊຸມ ໄດ້ສຸມໃສ່ປະຕິບັດໜ້າ ທີ່ຢ່າງເຕັມສ່ວນ ເພື່ອປ້ອງກັນບໍ່ໃຫ້ມີການລັກລອບນໍາອາວຸດ ຫຼື ທາດລະເບີດ ເຂົ້າໄປໃນສະຖານທີ່ສໍາຄັນພາຍໃນກອງປະ ຊຸມຢ່າງເດັດຂາດ ເພື່ອຮັບປະກັນຄວາມປອດໄພໃຫ້ແກ່ບັນດາຄະນະຜູ້ແທນທີ່ເຂົ້າຮ່ວມກອງປະຊຸມໃນຄັ້ງນີ້.
