ກອງປະຊຸມຄົບຄະນະບໍລິຫານງານສະຫະພັນແມ່ຍິງ ກະຊວງ ປກສ ຄັ້ງທີ 5 ສະໄໝທີ VII ໄດ້ຈັດໃນວັນທີ 21 ພະຈິກ 2024 ເປັນປະ ທານໂດຍ ພັອ ນາງ ຄໍາຢາດ ວິໄລວັນ ຄະນະບໍລິຫານງານສູນກາງສະຫະພັນແມ່ຍິງລາວ, ປະທານຄະນະບໍລິຫານງານສະຫະພັນແມ່ຍິງກະຊວງປ້ອງກັນຄວາມສະຫງົບ, ມີຮອງປະທານ, ຄະນະບໍລິຫານງານສະຫະພັນແມ່ຍິງກະຊວງ, ສະຫະພັນແມ່ຍິງຮາກຖານອ້ອມຂ້າງເຂົ້າຮ່ວມ.
ພັອ ນາງ ບຸນທະວີ ພິລາວັນ ຮອງປະທານສະຫະພັນແມ່ຍິງ ກະຊວງປ້ອງກັນຄວາມສະຫງົບ ໄດ້ຜ່ານຮ່າງບົດສະຫຼຸບການເຄື່ອນໄຫວວຽກງານ ປະຈໍາປີ 2024 ແລະ ທິດທາງແຜນການ ປະຈໍາປີ 2025 ແລະ ແຜນການກະກຽມດໍາເນີນກອງປະຊຸມໃຫຍ່ຜູ້ແທນແມ່ຍິງກະຊວງປ້ອງກັນຄວາມສະຫງົບ ຄັ້ງທີ VIII, ເຊິ່ງໄດ້ຍົກໃຫ້ເຫັນດ້ານດີຜົນງານຜົນສໍາເລັດທີ່ເຮັດໄດ້ບາງດ້ານເປັນຕົ້ນ: ໄດ້ເອົາໃຈໃສ່ໃນການເປັນເສນາທິການໃຫ້ແກ່ຄະນະພັກ – ຄະນະນໍາໃນການໂຄສະນາ, ສຶກສາອົບຮົມປຸກສະມາຊິກແມ່ຍິງ ໃຫ້ມີຄວາມຮັບຮູ້ຕໍ່ແນວທາງນະໂຍບາຍຂອງພັກ, ກົດໝາຍຂອງລັດ, ຂອງກໍາລັງ ປກສ, ຮັບແຫຼ່ງຂ່າວວິຊາສະເພາະພາຍໃນ ແລະ ຕ່າງປະເທດ 493 ສະບັບ, ໄປເອົາຂ່າວ, ຂຽນຂ່າວ, ອັດລາຍການ, ອ່ານຂ່າວໄດ້ 6,486 ຄັ້ງ, ເອົາຂ່າວລົງຖານຂໍ້ມູນໄດ້ 363 ຄັ້ງ, ກວດແກ້ບົດ, ຈັດລາຍ ການໄດ້ 1,971 ຄັ້ງ, ບັນດາຄູອາຈານກໍໄດ້ເອົາໃຈໃສ່ໃນການແຕ່ງບົດສອນ ແລະ ກວດບົດສອບເສັງໄດ້ 754 ບົດ, ຂຶ້ນຫ້ອງສອນໄດ້ 2,392 ຊົ່ວໂມງ. ນອກນັ້ນ, ຍັງເປັນເສນາທິການໃນການສັງລວມພະນັກງານທີ່ຄົບມາດຖານເງື່ອນໄຂໃນການຍ້ອງຍໍ, ເລື່ອນຊັ້ນບັນຈຸຊັບຊ້ອນພະນັກງານແຕ່ລະຂັ້ນ ແລະ ປະຕິບັດນະໂຍບາຍຕໍ່ພະນັກງານ ທີ່ມີຜົນງານຮັບອຸດໜູນບຳນານ ແລະ ພ້ອມນີ້ເອື້ອຍນ້ອງແມ່ຍິງໄດ້ເຮັດໜ້າທີ່ວິຊາສະເພາະຮັບໃຊ້ການນໍາ, ປ້ອງກັນເວນຍາມຕາມຈຸດທີ່ຕັ້ງສໍາຄັນຕ່າງໆ ເຊັ່ນ: ສໍານັກງານອົງການ, ສະຖານ ທູດ, ຜູ້ນໍາພັກ – ລັດ ແລະ ກອງປະຊຸມຕ່າງໆໄດ້ 9.497 ຊົ່ວໂມງ ມີ 9.301 ແຮງງານ. ຂັບລົດເປີດທາງໃຫ້ແຂກທັງພາຍໃນ ແລະ ຕ່າງປະເທດ 143 ຄັ້ງ, ກວດຄົນເຂົ້າ – ອອກເມືອງ ມີ 9 ລ້ານກວ່າ ຄົນ ຍິງ 3 ລ້ານກວ່າຄົນ, ກວດກາເອກະສານອະນຸມັດຂໍຢູ່ລາວຖາວອນ ມີ 145 ສະບັບ, ຮັບແຈ້ງໜັງສືຜ່ານແດນເສຍຫາຍຂອງຄົນຕ່າງປະເທດ 775 ຄົນ, ຍິງ 105 ຄົນ, ອອກບັດພັກເຊົາ ແລະ ຂຶ້ນທະບຽນທັງໝົດ 20.559 ຄົນ, ຕໍ່ອາຍຸພັກເຊົາຊົ່ວຄາວໃຫ້ຄົນຕ່າງປະເທດ 12.163 ຄົນ, ຮັບເອກະສານຄະດີຕ່າງໆໄດ້ 435 ສະບັບ ຮັບເອກະສານຂໍສັນຊາດລາວໄດ້ 65 ສະບັບ, ຈົດທະບຽນສໍາມະໂນຄົວຕ່າງດ້າວໄດ້ 249 ຄອບຄົວ, ອອກບັດປະຈໍາ ຕົວລາວແບບໃໝ່ – ແບບເກົ່າໄດ້ 205.060 ບັດ, ອອກບັດປະຈຳຕົວຕ່າງດ້າວໄດ້ທັງໝົດ 1.134 ບັດ, ຮັບແຈ້ງ ໜັງສືຜ່ານແດນເສຍຫາຍ 775 ຄົນ, ຈົດທະບຽນພາຫະນະເຂົ້າ 34,057 ສະບັບ, ຂຶ້ນທະບຽນປ້າຍຂ້າມໄດ້ທັງໝົດ 5.149 ສະບັບ, ອະນຸຍາດຄວັດຕາປະທັບ 2.644 ສະບັບ ມີ 13.134 ໜ່ວຍ, ຂຶ້ນທະບຽນຕາປະທັບ 2.048 ສະບັບ, ອອກບັດອາວຸດເສິກໄດ້ 130 ສະບັບ.
ຄຽງຄູ່ກັນນີ້, ການຈັດຕັ້ງປະຕິບັດຂໍ້ແຂ່ງຂັນ 3 ດີ ຄະນະສະຫະພັນແມ່ຍິງແຕ່ລະຂັ້ນ ໄດ້ເອົາໃຈໃສ່ນໍາພາເປີດບັ້ນດໍາເນີນຊີວິດການເມືອງຕີລາຄາປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 3 ດີ ປະຈຳປີ 2024 ເຊິ່ງມີຜູ້ເຂົ້າຮ່ວມແຂ່ງຂັນທັງໝົດ 3.883 ສະຫາຍ, ສາມາດຄັດເລືອກພົນລະເມືອງດີໄດ້ 3.280 ສະຫາຍ, ພັດທະນາດີ 3.222 ສະຫາຍ, ສ້າງຄອບຄົວດີ 3.225 ສະຫາຍ, ເປັນແມ່ຍິງ 3 ດີ ປະເພດ I ມີ 3.250 ສະຫາຍ; ປະເພດ II ມີ 76 ສະຫາຍ; ປະເພດ III ມີ 24 ສະຫາຍ; ປະເພດ IV ມີ 8 ສະຫາຍ, ໜ່ວຍ 3 ດີ ມີ 152 ໜ່ວຍ ແລະ ສະຫະພັນແມ່ຍິງຮາກຖານ 3 ດີ ມີ 15 ຮາກຖານ, ບຸກຄົນດີເດັ່ນດ້ານຕ່າງໆມີທັງໝົດ 257 ສະຫາຍ ຄື: ດ້ານວຽກງານວິຊາສະເພາະ 120 ສະຫາຍ, ສ້າງເສດຖະກິດຄອບຄົວ ຈໍານວນ 30 ສະຫາຍ ແລະ ສ້າງຄອບຄົວດີ ຈໍານວນ 107 ສະຫາຍ.
