ໃນຕອນບ່າຍຂອງວັນທີ 27 ສິງຫາ 2024 ກະຊວງປ້ອງ ກັນຄວາມສະຫງົບ ແຫ່ງ ສສ ຫວຽດນາມ ມອບພາຫະນະ ແລະ ອຸ ປະກອນຮັບໃຊ້ວິຊາສະເພາະ ໃຫ້ກະຊວງປ້ອງກັນຄວາມສະຫງົບ ແຫ່ງ ສປປ ລາວ ເພື່ອຮັບໃຊ້ເຂົ້າໃນການປະຕິບັດວຽກປ້ອງກັນກອງປະຊຸມສຸດຍອດອາຊຽນ ຄັ້ງທີ 44 – 45 ແລະ ກອງປະຊຸມອື່ນໆທີ່ກ່ຽວຂ້ອງ ໃນ ປີ 2024 ທີ່ ສປປ ລາວ ຮັບກຽດເປັນເຈົ້າພາບ.
ພາຫະນະທີ່ມອບໃນຄັ້ງນີ້, ມີລົດໃຫຍ່ 5 ຄັນ ແລະ ອຸປະ ກອນຮັບໃຊ້ວິຊາສະເພາະຈຳນວນໜື່ງ ກ່າວມອບໂດຍ ພົນໂທ ເລືອງ ຕາມ ກວາງ ກຳມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສສ ຫວຽດ ນາມ, ກ່າວຮັບໂດຍ ພົນເອກ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ ຮອງນາຍົກລັດຖະ ມົນຕີ ລັດຖະ ມົນຕີກະຊວງປ້ອງກັນຄວາມສະຫງົບ ແຫ່ງ ສປປ ລາວ.
