ພົຈວ ອານຸເດດ ຄູນຄໍາ ຮອງຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ, ທັງເປັນຫົວໜ້າອານຸກຳມະການພິທີ ການ ເພື່ອກະກຽມຄວາມພ້ອມ ແລະ ເປັນເຈົ້າພາບຈັດກອງປະຊຸມລັດຖະມົນຕີອາຊຽນ ວ່າດ້ວຍການຕ້ານອາຊະຍາກຳຂ້າມຊາດ ຄັ້ງທີ 18 ພ້ອມຄະນະ ໄດ້ຕ້ອນຮັບຄະນະຜູ້ແທນປະເທດສະມາຊິກອາຊຽນ ທີ່ເດີນທາງເຂົ້າຮ່ວມກອງປະຊຸມລັດຖະ ມົນຕີອາຊຽນ ວ່າດ້ວຍການຕ້ານອາຊະຍາກຳຂ້າມຊາດ ຄັ້ງທີ 18 ທີ່ ສປປ ລາວ ເປັນເຈົ້າພາບ ດ້ວຍຄວາມອົບອຸ່ນ.
ເຊິ່ງຄະນະຜູ້ແທນທີ່ເດີນທາງມາຮອດ ນະຄອນຫຼວງວຽງຈັນ ໃນວັນທີ 26 ສິງຫາ 2024 ມີ: ສສ ຫວຽດນາມ ນໍາໂດຍທ່ານ ຫງວຽນ ມິງ ຮຽວ ຫົວໜ້າເຈົ້າໜ້າທີ່ອາວຸໂສ ກະຊວງປ້ອງກັນຄວາມສະຫງົບ ສສ ຫວຽດນາມ, ພ້ອມຄະນະ, ສ ເກົາຫຼີ ນໍາໂດຍທ່ານ ຣູ ແມນ ຊົກ ( ROH, Man Sok ) ຮອງໄອຍະການສູງສຸດ ກະຊວງ ຍຸຕິທໍາ ສ ເກົາຫຼີ ພ້ອມຄະນະ, ຈາກນັ້ນ, ກໍມີຄະນະຜູ້ແທນປະເທດບຣູໄນ ແລະ ປະເທດຕີມໍ-ເລສເຕ, ສປ ຈີນ ກໍໄດ້ເດີນທາງມາຮອດ ສປປ ລາວ ເພື່ອເຂົ້າຮ່ວມກອງປະ ຊຸມລັດຖະມົນຕີອາຊຽນ ວ່າດ້ວຍການຕ້ານອາຊະຍາກຳຂ້າມຊາດ ຄັ້ງທີ 18 ທີ່ ສປປ ລາວ ເປັນເຈົ້າພາບ ຈັດຂຶ້ນຢູ່ທີ່ນະ ຄອນຫຼວງວຽງຈັນ ລະຫວ່າງວັນທີ 26 ຫາ 30 ສິງຫາ 2024 ນີ້.
ຂ່າວ: ລິນດາ
ພາບ: ຈັນສະໝອນ
