ໃນວັນທີ 17 ກໍລະກົດ 2024 ທີ່ກະຊວງປ້ອງກັນຄວາມສະຫງົບ ປກສ ໄດ້ຈັດພິທີປະກາດນາຍຕໍາຫຼວດ ພັກການ-ຮັບອຸດ ໜູນບຳນານ ແລະ ຍົກຍ້າຍ-ແຕ່ງຕັ້ງ ນາຍຕຳຫຼວດຂັ້ນນຳພາ-ບັນຊາ, ໂດຍມີ ພົຕ ຄຳກິ່ງ ຜຸຍຫຼ້າມະນີວົງ ຮອງລັດຖະມົນຕີ ກະຊວງ ປກສ, ມີບັນດາຄະນະບໍລິຫານງານພັກກະຊວງ, ຄະນະພັກກົມໃຫຍ່, ບັນດາພະນັກງານຫຼັກແຫຼ່ງອ້ອມຂ້າງກະ ຊວງ ເຂົ້າຮ່ວມ.
ພົຈວ ຄອນສະຫວັນ ສົມພາໄຊ ຮອງຫົວໜ້າກົມໃຫຍ່ການເມືອງ ປກສ ໄດ້ຜ່ານມະຕິຕົກລົງຂອງຄະນະເລຂາທິການສູນກາງພັກ ແລະ ດຳລັດຂອງນາຍົກລັດຖະມົນຕີ ວ່າ ດ້ວຍການອະນຸມັດໃຫ້ນາຍຕຳຫຼວດພັກການ-ຮັບອຸດໜູນບຳນານ. ໃນນີ້, ອະ ນຸມັດໃຫ້ ພົຈວ ສົມລິດ ດາວຮຸ່ງສຸລິ ຫົວໜ້າກົມຕຳຫຼວດຄຸມຂັງ-ດັດສ້າງ ລວມອາຍຸກະສຽນ 61 ປີ, ລວມອາຍຸການໄດ້ 38 ປີ ອອກພັກການ-ຮັບອຸດໜູນບຳນານ.
ນອກຈາກນີ້, ໄດ້ຜ່ານຂໍ້ຕົກລົງຂອງລັດຖະມົນຕີ ກະຊວງປ້ອງກັນຄວາມສະຫງົບ ວ່າດ້ວຍ ການອະນຸມັດໃຫ້ນາຍຕຳຫຼວດ ພັກການຮັບອຸດໜູນບໍານານ, ເຊິ່ງໄດ້ຕົກລົງອະນຸມັດດັ່ງນີ້:
– ພັອ ໄຊຍະວົງ ແກ້ວສຸລິວົງ ຮອງຫົວໜ້າກົມຕຳຫຼວດຄຸມຂັງ-ດັດສ້າງ
– ພັອ ພັດສະດີ ນວນອາສາ ຮອງຫົວໜ້າກົມຕຳຫຼວດຄຸມຂັງ-ດັດສ້າງ
– ພັອ ພູວຽງ ຈະເລີນລັດ ຮອງຫົວໜ້າກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ
ຂໍ້ຕົກລົງ ວ່າດ້ວຍການຍົກຍ້າຍນາຍຕໍາຫຼວດ, ເຊິ່ງລັດຖະມົນຕີ ກະຊວງກັນຄວາມສະຫງົບ ຕົກລົງຍົກຍ້າຍດັ່ງນີ້:
– ພັທ ບຸນທະວີ ບົວລີພັນ ຈາກຫ້ອງວ່າການ ກະຊວງ ປກສ ໄປຮັບໜ້າທີ່ໃໝ່ຢູ່ ກົມໃຫຍ່ຕຳຫຼວດ
– ພັອ ທອງຂັນ ສີສຸພັນທອງ ຈາກກົມໃຫຍ່ຕຳຫຼວດ ໄປຮັບໜ້າທີ່ໃໝ່ຢູ່ ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ
– ພັອ ສົມໄຊ ແສງຄໍາຢອງ ຈາກກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ໄປຮັບໜ້າທີ່ໃໝ່ຢູ່ ກົມຕຳຫຼວດຄຸມຂັງ-ດັດສ້າງ
– ພັອ ຈັນຫອມ ແກ້ວສຸລະໄຊ ຈາກກົມໃຫຍ່ຕຳຫຼວດ ໄປຮັບໜ້າທີ່ໃໝ່ຢູ່ ກົມຕຳຫຼວດຄຸມ ຂັງ-ດັດສ້າງ
ພ້ອມນີ້, ຍັງໄດ້ຜ່ານຂໍ້ຕົກລົງຂອງ ລັດຖະມົນຕີ ກະຊວງປ້ອງກັນຄວາມສະຫງົບ ວ່າດ້ວຍ ການແຕ່ງຕັ້ງນາຍຕຳຫຼວດ,ເຊິ່ງໄດ້ແຕ່ງຕັ້ງບັນດານາຍຕໍາຫຼວດ ທີ່ຂຶ້ນກັບ ກົມໃຫຍ່ຕໍາຫຼວດ ຄື:
– ພັອ ແພງ ໄຊຍະວົງ ເປັນ ຫົວໜ້າກົມຕຳຫຼວດສະກັດກັ້ນ ແລະ ຕ້ານຢາເສບຕິດ
– ສະຫາຍ ພັອ ນາງ. ວັນເພັງ ພົມມີໄຊ ເປັນ ຫົວໜ້າກົມຕຳຫຼວດສາກົນ
– ພັທ ບຸນທະວີ ບົວລິພັນ, ພັທ ສັນຍາ ອິນທະວົງ ແລະ ສະຫາຍ ພັທ ກຽງໄກ ເພັງຈັນໂທ ເປັນ ຮອງຫົວໜ້າກົມຕຳຫຼວດສາກົນ
– ພັອ ທອງຂັນ ສີສຸພັນທອງ ແລະ ພັອ ສີບຸນເຮືອງ ໄຊຍະເພັດ ເປັນ ຮອງຫົວໜ້າກົມຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ
– ພັອ ຈັນຫອມ ແກ້ວສຸລະໄຊ ແລະ ສະຫາຍ ພັອ ສົມໄຊ ແສງຄໍາຢອງ ເປັນ ຮອງຫົວໜ້າກົມຕຳຫຼວດຄຸມຂັງ-ດັດສ້າງ
ໂອກາດດັ່ງກ່າວ, ພົຕ ຄຳກິ່ງ ຜຸຍຫຼ້າມະນີວົງ ໄດ້ກ່າວຍ້ອງຍໍຊົມເຊີຍ ພ້ອມທັງເນັ້ນໃຫ້ບັນດາສະຫາຍທີ່ໄດ້ຮັບການແຕ່ງຕັ້ງ ແລະ ຍົກຍ້າຍໃນຄັ້ງນີ້, ພ້ອມກັນສືບຕໍ່ຄົ້ນຄວ້າປະຕິບັດແນວທາງນະໂຍບາຍ, ມະຕິ, ຂໍ້ກຳນົດກົດລະບຽບຂອງພັກ, ກົດ ໝາຍຂອງລັດ ແລະ ຂອງກະຊວງປ້ອງກັນຄວາມສະຫງົບ ວາງອອກ, ເພີ່ມທະວີເຮັດວຽກງານການເມືອງ-ແນວຄິດ ເປັນຄັນທຸງເຕົ້າໂຮມຄວາມສາມັກຄີພາຍໃນໃຫ້ໜັກແໜ້ນ, ເປັນແບບຢ່າງທີ່ດີໃຫ້ແກ່ພະນັກງານ-ນັກຮົບ ຢູ່ພາຍໃນກົມກອງຂອງຕົນ, ເອົາໃຈໃສ່ສຶບຕໍ່ແບບແຜນວິທີການນຳພາ, ວິທີການເຮັດວຽກໃຫ້ດີ, ເຮັດວຽກເປັນໝູ່ຄະນະ, ແບ່ງວຽກໃຫ້ບຸກຄົນຮັບ ຜິດຊອບ, ເປັນເຈົ້າການຄົ້ນຄ້ວາວຽກງານ, ວາງແຜນການ ພ້ອມທັງນຳພາເຮັດຕົວຈິງ, ມີການຕິດຕາມກວດກາຊຸກຍູ້, ຖອດ ຖອນບົດຮຽນ; ພ້ອມນັ້ນ, ກໍຍັງໃຫ້ເອົາໃຈໃສ່ເຮັດວຽກງານຄຸ້ມຄອງພະນັກງານ-ນັກຮົບ ຢ່າງແຂງແຮງ.
