ວັນທີ 15 ກໍລະກົດ 2024, ພົຈວ ແກ່ນຈັນ ພົມມະຈັກ ຄະນະພັກກະຊວງ ຫົວໜ້າກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານກະຊວງ ປກສ ພ້ອມຄະນະໄດ້ລົງມາເຄື່ອນໄຫວຊຸກຍູ້ການເຮັດວຽກງານວິຊາສະເພາະຢູ່ທີ່ກອງບັນຊາການ ປກສ ແຂວງຄຳມ່ວນ ໂດຍການຕອນຮັບຂອງ ພັທ ພູທອນ ແກ້ວວົງສາ ຫົວໜ້າຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ປກສ ແຂວງຄຳມ່ວນ ມີຄະນະຫ້ອງ, ຄະນະພະແນກ ຕະຫຼອດຮອດວິຊາການພາຍໃນຫ້ອງ 509 ເຂົ້າຮ່ວມ.
ພັທ ພູທອນ ແກ້ວວົງສາ ຫົວໜ້າຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກ ປກສ ແຂວງຄຳມ່ວນ ໄດ້ຂື້ນຜ່ານບົດລາຍ ງານຫຍໍ້ຂອງຈຸດພິເສດ,ພາລະບົດບາດ ແລະສະພາບການຕ່າງໆ ໃນການເຮັດວຽກງານວິຊາສະເພາະເຊີ່ງໃນໄລຍະຜ່ານມາ ທາງຫ້ອງ 509 ປກສ ແຂວງຄຳມ່ວນ ໄດ້ເອົາໃຈໃສ່ເພີ່ມທະວີເຮັດວຽກງານການເມືອງແນວຄິດຢ່າງຕໍ່ເນື່ອງ ໃຫ້ແກ່ສະ ມາຊິກພັກ,ພະນັກງານນາຍເເລະພົນຕຳຫຼວດ ດ້ວຍຫຼາຍຮູບແບບຫຼາຍວິທີ່ການ ພ້ອມນັ້ນກໍ່ໄດ້ເຮັດວຽກງານວິຊາສະເພາະທີ່ຖຶກມອບໝາຍ ສຳເລັດ ຫຼາຍດ້ານເຊີ່ງມັນສະແດງອອກຄື ສາມາດສັງລວມຂື້ນສະຖິຕິພົນລະເມືອງ ທົ່ວແຂວງຄຳມ່ວນລວມມີ 10 ຕົວເມືອງ,ມີ 570 ບ້ານ,ມີ 5,891 ໜ່ວຍ,ມີ 91,186 ຫຼັງຄາເຮືອນ, ມີ 94,712 ຄອບຄົວ,ມີພົນລະເມືອງທັ້ງໝົດ 455,669 ຄົນ,ຍິງ 235,093 ຄົນ,ອາຍຸ 15 ປີຂື້ນໄປມີ 305,654 ຄົນ,ຍິງ 160,956 ຄົນ,ຈົດທະບຽນສຳມະໂນຄົວມີ 91,134 ຫຼັງຄາເຮືອນ,ມີ 94,638 ຄອບຄົວ,ປັບປຸງສຳມະໂນຄົວໃໝ່ໄດ້ 38,878 ຫຼັງຄາເຮືອນ,ມີ 39,349 ຄອບຄົວ,ເກັບກຳສະຖິຕິ ,ຄຸ້ມຄອງ,ກວດກາ ບັນດາວຽກງານອາຊີບພິເສດທົ່ວແຂວງຄຳມ່ວນ ໄດ້ຄື:ໂຮງແຮມ 34 ແຫ່ງ,ເຮືອນພັກ 140 ແຫ່ງ, ເຮືອນ ເຊົ່າ 156 ແຫ່ງ,ຫ້ອງແຖວ 114 ແຫ່ງລີສອດ 10 ແຫ່ງ,ອາພາດເມັ້ນ 1 ແຫ່ງ,ຮ້ານບັນເທີງ-ຄາລາໂອະເກະ 20 ຮ້ານ,ຮ້ານກິນດື່ມ 104 ຮ້ານ,ຮ້ານອາຫານ 143 ຮ້ານ. ພ້ອມນັ້ນ, ກໍສາມາດເກັບກູ້ ແລະ ທຳລາຍອາວຸດລ່າເນື້ອໄດ້ທັງໝົດ 1,761 ກະ ບອກ ແລະ ເລົາປືນແກັບ 332 ເລົາ,ໝໍ້ຊ໋ອດປາ 58 ເຄື່ອງ,ຈັກສະຕິ່ນ 15 ເຄື່ອງ,ໄດ້ຫັນເອົາພະນັກງານລົງກໍ່ສ້າງຮາກຖານຕາມຊາຍແດນລາວ – ໄທ ມີ 3 ຕົວເມືອງຄື:ເມືອງ ທ່າແຂກ,ເມືອງໜອງບົກ ແລະ ເມືອງຫີນບຸນ,ຈຳນວນ 13 ກຸ້ມບ້ານ, 99 ບ້ານ, 19,640 ຫຼັງຄາເຮືອນ,ມີພົນລະເມືອງທັງໝົດ 102,683 ຄົນ,ຍິງ 52,209 ຄົນ. ນອກນັ້ນ, ກໍໄດ້ລາຍງານເຖິງຂໍ້ສະດວກ ແລະ ຂໍຫຍຸ້ງຍາກໃນການເຮັດວຽກງານວິຊາສະເພາະ ພ້ອມສະເໜີຄວາມຕ້ອງການຂອງຫ້ອງ 509 ປກສ ແຂວງຄຳມ່ວນ ຕໍ່ທ່ານ ຫົວໜ້າກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານກະຊວງ ປກສ ເພື່ອ ສະເໜີຫາທິດທາງຊ່ວຍເຫຼື່ອ ເຮັດໃຫ້ການເຮັດວຽກງານວິຊາສະເພາະໃຫ້ມີສະດວກ,ສະບາຍ ແລະ ວ່ອງໄວຂຶ້ນກວ່າເກົ່າ.
ໃນຕອນທ້າຍ, ກໍໄດ້ຮັບຟັງການໂອ້ລົມຂອງ ພົຈວ ແກ່ນຈັນ ພົມມະນີຈັກ ຄະນະພັກກະຊວງ ຫົວໜ້າກົມຄຸ້ມຄອງສຳ ມະໂນຄົວ ແລະ ກໍ່ສ້າງຮາກຖານ ກະຊວງ ປກສ ກ່ອນອື່ນທ່ານໄດ້ຍ້ອງຍໍຊົມເຊີຍມາຍັງຄະນະຫ້ອງ 509 ປກສ ແຂວງຄຳມ່ວນ ທີ່ໄດ້ເອົາໃຈໃສ່ເຮັດວຽກງານການເມືອງແນວໃຫ້ໃຫ້ພະນັກງານນາຍ ແລະ ພົນຕຳຫຼວດພາຍໃນຫ້ອງ 509 ເຊີ່ງກ້ຽມພ້ອມປະຕິບັດທຸກໜ້າທີວຽກງານທີ່ການຈັດຕັ້ງມອບໝາຍໃຫ້ ທັງນີ້ທ່ານກໍ່ໄດ້ເໜັ້ນໜັກໃຫ້ຄະນະຫ້ອງພ້ອມກັນຮຽນຮູ້ເອົາທິດທາງການປ່ຽນແປງໃໝ່ຂອງລົບບົບ ການເກັບກຳຂໍ້ມູນສະຖິຕິ ທີ່ຈະໄດ້ມີການປ່ຽນແປງເຂົ້າເປັນລະບົບອີເລັກໂທນິກ ທີ່ທັນສະໃໝ ແລະ ສະດວກສະບາຍຂຶ້ນກວ່າເກົ່າ.
