ໃນວັນທີ 28 ພຶດສະພາ 2024, ກົມໃຫຍ່ການເມືອງ ປ້ອງກັນຄວາມສະຫງົບ ຈັດພິທີປະກາດນາຍຕໍາຫຼວດພັກການ-ຮັບອຸດໜູນບໍານານ ໂດຍການເປັນປະຂອງ ພົຈວ ຄອນສະຫວັນ ສົມພາໄຊ ຮອງຫົວໜ້າກົມໃຫຍ່ການເມືອງປ້ອງກັນຄວາມສະ ຫງົບ, ມີຄະນະພັກ-ຄະນະບັນຊາ, ນາຍຕໍາຫຼວດກົມກອງທີ່ຂຶ້ນກັບກົມໃຫຍ່ການເມືອງປ້ອງກັນຄວາມສະຫງົບ ແລະ ນາຍຕໍາຫຼວດຜູ້ທີ່ໄດ້ຮັບນະໂຍບາຍພັການ-ຮັບອຸດໜູນບໍານານເຂົ້າຮ່ວມ.
ພັອ ນາງ ໄລທອງ ໄຊຍະສອນ ຮອງຫົວໜ້າຫ້ອງການເມືອງ ກົມໃຫຍ່ການເມືອງປ້ອງກັນຄວາມສະຫງົບ ຜ່ານຂໍ້ຕົກລົງຂອງລັດຖະມົນຕີກະຊວງປ້ອງ ກັນຄວາມສະຫງົບ ວ່າດ້ວຍການອະນຸມັດໃຫ້ນາຍຕຳຫຼວດພັກການຮັບອຸດ ໜູນບຳນານ. ໃນນີ້, ອະນຸມັດໃຫ້ ພັທ ແສງຈັນ ພັນທະວົງ ພັກການຮັບອຸດໜູນບໍານານ ລວມປີການ 36 ປີ ແລະ ກະສຽນອາຍຸໄດ້ 58ປີ, ອະນຸ ມັດໃຫ້ ພັທ ຈັນທອນ ຮຽມຊະນະ ພັກການຮັບອຸດໜູນບໍານານ, ລວມປີການໄດ້ 38 ປີ, ກະສຽນອາຍຸ 60 ປີ ແລະ ອະນຸມັດໃຫ້ ພັທ ບົວແກ້ວ ສາວໄພອ່ອນ ພັກການຮັບອຸດໜູນບໍານານ ລວມປີການ 41ປີ ແລະ ກະສຽນອາຍຸ 60 ປີ.
ເພື່ອເປັນການປະຕິບັດນະໂຍບາຍຕໍ່ນາຍຕໍາຫຼວດຜູ້ທີມີກະສຽນອາຍຸ ພັກການ-ຮັບອຸດໜູນບໍານານ ຕາມແນວທາງນະໂຍບາຍຂອງພັກ-ລັດ ທີມີຕໍ່ນາຍ ແລະ ພົນຕໍາຫຼວດ.
