ຕະຫຼອດໄລຍະ 5 ປີຜ່ານມາ, ຄະນະໜ່ວຍພັກຮາກຖານ ກົມຕໍາ ຫຼວດສະກັດກັ້ນ ແລະ ຕ້ານຢາເສບຕິດ ກົມໃຫຍ່ຕໍາຫຼວດ ກະຊວງ ປກສ ໄດ້ເອົາໃຈໃສ່ນໍາພາ-ຊີ້ນໍາ ບັນດາສະມາຊິກພັກ, ນາຍ ແລະ ພົນຕໍາຫຼວດ ສຸມກໍາລັງຈັດຕັ້ງປະຕິບັດໜ້າທີ່ວຽກງານວິຊາສະເພາະ ຢ່າງຕັ້ງໜ້າ ແລະ ເຂັ້ມແຂງເຮັດໃຫ້ ສາມາດຍາດໄດ້ຜົນງານຫຼາຍດ້ານ ເປັນຕົ້ນແມ່ນການກວດກາການ ດໍາເນີນຄະດີ ແລະ ແກ້ໄຂບັນຫາຢາເສບຕິດກໍມີຜົນສໍາເລັດຕາມຄາດໝາຍ.
ສະຫາຍ ພັອ ສາລີ ພຸດທະວົງ ຄະນະພັກກົມໃຫຍ່ ເລຂາໜ່ວຍພັກຮາກຖານ ຫົວໜ້າກົມຕໍາຫຼວດສະກັດກັ້ນ ແລະ ຕ້ານຢາເສບຕິດ ໄດ້ລາຍງານໃນກອງປະຊຸມໃຫຍ່ໜ່ວຍພັກຮາກຖານກົມຕໍາຫຼວດ ສະກັດກັ້ນ ແລະ ຕ້ານຢາເສບຕິດ ຄັ້ງທີ VII ໃນວັນທີ 22 ພຶດສະພາ 2024, ໂດຍການເປັນປະທານຂອງ ສະຫາຍ ພົຕ ຄໍາກິ່ງ ຜຸຍຫຼ້າ ມະນີວົງ ຄະນະປະຈໍາພັກກະຊວງ ເລຂາຄະນະພັກກົມໃຫຍ່ ຮອງລັດຖະມົນຕີຫົວໜ້າກົມໃຫຍ່ຕໍາຫຼວດ, ມີບັນດາສະຫາຍຄະນະພັກ-ຄະນະບັນຊາ, ສະມາ ຊິກພັກສົມບູນ ແລະ ແຂກຖືກເຊີນ ເຂົ້າຮ່ວມວ່າ: ຕະຫຼອດໄລຍະຜ່ານມາ, ໄດ້ນໍາພາ-ຊີ້ນໍາບັນດາສະມາຊິກພັກ ເຮັດໜ້າທີ່ວຽກງານການເມືອງຄຽງຄູ່ກັບ ການປະຕິບັດວຽກງານວິຊາສະ ເພາະຢ່າງຕໍ່ເນື່ອງລຽນຕິດ ແລະ ເຂັ້ມງວດ; ເຊິ່ງສະແດງອອກໃນ ຜົນງານທີ່ສາມາດຍາດໄດ້ໃນແຕ່ ລະໄລຍະໄດ້ເປັນຢ່າງດີ ກໍຄືການ ຫັນເອົາພະນັກງານລົງສະເພາະກິດອັດປ່ອງຂ້າມລອຍຢາເສບຕິດຢູ່ ສາມແຂວງພາກເໜືອ ເພື່ອສະກັດກັ້ນການຂົນສົ່ງຢາເສບຕິດ, ປະຕິ ບັດພາລະບົດບາດໜ້າທີ່ວຽກງານຊີ້ນຳມະຫາພາກຕາມສາຍຕັ້ງວິຊາສະເພາະ, ຊຸກຍູ້, ຕິດຕາມ, ກວດ ກາການດໍາເນີນຄະດີ ແລະ ການ ປະຕິບັດກົດໝາຍ ໂດຍໄດ້ອອກຄຳ ແນະນຳໃຫ້ທ້ອງຖິ່ນເປັນປົກກະ ຕິ, ລົງເກັບກຳຂໍ້ມູນຂຶ້ນບັນຊີເປົ້າໝາຍ, ພື້ນທີ່, ເສັ້ນທາງຂ້າມລອຍ, ຂົນສົ່ງຢາເສບຕິດ, ສັງລວມຂຶ້ນບັນ ຊີເປົ້າໝາຍຄ້າຂາຍຢາເສບຕິດລາຍໃຫຍ່ທົ່ວປະເທດໄດ້ ຈໍານວນ 2.414 ຄົນ; ສໍາລັບກົມຕໍາຫຼວດ ສະກັດກັ້ນ ແລະ ຕ້ານຢາເສບຕິດ ໄດ້ຂຶ້ນບັນຊີເປົ້າໝາຍ 121 ຄົນ, ສ້າງສຳນວນສືບສວນ ຈຳນວນ 99 ສຳນວນ, ຮັບແຫຼ່ງຂ່າວ, ລົງເກັບກຳ ຂໍ້ມູນ, ຊັນນະສູດເປົ້າໝາຍ 704 ຄັ້ງ, ໄລ່ຊອກ-ໄລ່ຈັບເປົ້າໝາຍຄົນຕ່າງປະເທດມາລີ້ຊ້ອນໄດ້ຈໍານວນ 19 ຄົນ. ໃນນັ້ນ, ມີຄົນຈີນຈໍານວນ 11 ຄົນ, ຄົນໄທ 2 ຄົນ ແລະ ຄົນຫວຽດນາມ 6 ຄົນ.
ນອກນັ້ນ, ໃນໄລຍະ 5 ປີຜ່ານມາ ກົມຕໍາຫຼວດ ສະກັດກັ້ນ ແລະ ຕ້ານຢາເສບຕິດ ຍັງສາມາດດຳເນີນຄະດີທັງໝົດ 87 ເລື່ອງ, ຜູ້ຖືກຫາ 232 ຄົນ, ຕ່າງປະເທດ 57 ຄົນ; ຢຶດຢາບ້າໄດ້ 74.787.530 ເມັດ ກັບ 45 ກິ ໂລກຼາມ, ຢາໄອສ໌ 2.080 ກິໂລ ກຼາມ, ເຮໂຣອິນ 353 ກິໂລກຼາມ, ຝິ່ນ 0,9 ກິໂລກຼາມ, ເຄຕາມິນ 1.812 ກິໂລກຼາມ, ໂຄເຄນ 3 ກິ ໂລກຼາມ, ຢາອີ 44 ກຼາມ ກັບ 1.853 ເມັດ, ສານເຄມີຕົ້ນ 52.010 ກິ ໂລກຼາມ, ແປ້ງຝຸ່ນທີ່ຈະເອົາມາປະສົມຢາເສບຕິດ 250,78 ກິໂລ ກຼາມ, ອາວຸດປືນຍາວ 14 ກະ ບອກ, ປືນສັ້ນ 21 ກະບອກ, ລູກ ກະສູນ 816 ລູກ, ລົດໃຫຍ່ 41 ຄັນ ແລະ ລົດຈັກ 24 ຄັນ; ໃນນີ້, ໄດ້ສະຫຼຸບຄະດີສົ່ງໄອຍະການປະຊາຊົນນະຄອນຫຼວງວຽງຈັນ 75 ເລື່ອງ, ຍັງສືບຕໍ່ດຳເນີນຢູ່ກົມ 12 ເລື່ອງ, ຜູ້ຖືກຫາ 22 ຄົນ, ຕ່າງປະ ເທດ 8 ຄົນ.
ທິດທາງແຜນການໃນຕໍ່ໜ້າ, ຈະສຸມໃສ່ນຳພາ-ຊີ້ນຳແຕ່ລະຈຸພັກຈັດຕັ້ງຜັນຂະຫຍາຍວາລະແຫ່ງ ຊາດວ່າດ້ວຍການແກ້ໄຂບັນຫາຢາເສບຕິດທີ່ລັດຖະບານໄດ້ກຳນົດ 6 ວຽກຈຸດສຸມຢ່າງຕັ້ງໜ້າ; ສຸມໃສ່ ເຮັດວຽກງານສືບສວນຂັ້ນພື້ນຖານ ຂຶ້ນບັນຊີເປົ້າໝາຍ, ພື້ນທີ່, ເສັ້ນ ທາງ, ສືບຄົ້ນຫາ, ຊັນນະສູດລະແວງ ສົງໄສ, ສ້າງລາຍຄະດີສະເພາະ ເພື່ອມ້າງລາຍຄະດີ, ພ້ອມທັງສືບຕໍ່ລົງອັດປ່ອງຂ້າມລອຍຢາເສບຕິດຢູ່ 3 ແຂວງພາກເໜືອ; ສຸມໃສ່ດຳເນີນ ຄະດີຢ່າງພາວະວິໄສ, ຊັດເຈນ, ຖືກຕ້ອງກັບຄວາມເປັນຈິງ, ມີຂໍ້ມູນ, ຫຼັກຖານໜັກແໜ້ນ ແລະ ວ່ອງ ໄວຮັບປະກັນ 3 ຄາດໝາຍ, ແນວທາງຂອງພັກ, ກົດໝາຍຂອງລັດ ແລະ ຫຼັກການວິຊາສະເພາະ, ຄຸ້ມ ຄອງປົກປັກຮັກສາສຳນວນ-ສຳເນົາ ແລະ ເຄື່ອງຂອງກາງຄະດີໃຫ້ມີ ຄວາມຮັບປະກັນ ແລະ ປອດໄພ ປະຕິບັດຕາມນິຕິກຳທີ່ກ່ຽວຂ້ອງ ແລະ ຫຼັກການວິຊາສະເພາະ ພ້ອມ ທັງປະສານສົມທົບກັບພາກສ່ວນ ທີ່ກ່ຽວຂ້ອງຢ່າງຄ່ອງຕົວທັງສຸມ ໃສ່ເປັນເສນາທິການໃນການເກັບກຳສະພາບອາຊະຍາກຳຢາເສບຕິດທົ່ວປະເທດ, ຄົ້ນຄວ້າ ແລະ ມີແຜນ ການຕ້ານ ແລະ ສະກັດກັ້ນໃນແຕ່ ລະໄລຍະ ເພື່ອລາຍງານຂັ້ນເທິງມີທິດຊີ້ນໍາແກ້ໄຂໃຫ້ທັນເວລາ. ສຸມໃສ່ປະຕິບັດໜ້າທີ່ຊີ້ນຳມະຫາພາກ ໂດຍຊຸກຍູ້, ຕິດຕາມ, ກວດກາການ ດຳເນີນຄະດີ ແລະ ການປະຕິບັດ ກົດໝາຍໃຫ້ຖືກຕ້ອງ ແລະ ມີ ຄວາມຍຸຕິທໍາໃນຂອບເຂດທົ່ວປະເທດຕາມສາຍຕັ້ງວິຊາສະເພາະ.
ກອງປະຊຸມ, ຍັງປ່ອນບັດຄັດ ເລືອກເອົາຄະນະພັກກົມຊຸດໃໝ່ ເຊິ່ງມີຜູ້ລົງສະໝັກ ຈໍານວນ 7 ສະ ຫາຍ, ເລືອກເອົາ 5 ສະ ຫາຍ ແລະ ຜ່ານການລົງຄະແນນສຽງເລືອກ ໄດ້ສະຫາຍ ພັອ ສາລີ ພຸດທະວົງ ເປັນເລຂາ, ສະຫາຍ ພັອ ແພງ ໄຊຍະວົງ ເປັນຮອງເລຂາ, ສະຫາຍ ພັທ ປອ ພົງສະກອນ ອິນທະວົງ ແລະ ສະຫາຍ ພັທ ຈັນເພັງ ປັນຍາວົງ ເປັນຄະນະ.
ຂ່າວ: ລັດດາວັນ
