ຫ້ອງວ່າການ ກະຊວງ ປກສ ໄດ້ປະກາດຍົກຍ້າຍ-ແຕ່ງຕັ້ງນາຍຕຳຫຼວດຂັ້ນກົມ ໃນວັນທີ 13 ພຶດສະພາ 2024, ເປັນປະທານໂດຍ ພົຕ ສຸລິນະ ແກ້ວປະເສີດ ຫົວໜ້າຫ້ອງວ່າການ ກະຊວງ ປກສ, ມີຄະນະຫ້ອງວ່າການ, ຫ້ອງ, ກົມ, ພະແນກ ແລະ ພະນັກງານຫຼັກແຫຼ່ງ ເຂົ້າຮ່ວມ.
ພົຈວ ສີວັນທາ ເພຍສະຂາ ຮອງຫົວໜ້າຫ້ອງວ່າການ ກະຊວງ ປກສ ໄດ້ຜ່ານຂໍ້ຕົກລົງຂອງ ລັດຖະມົນຕີ ກະຊວງປ້ອງກັນຄວາມສະຫງົບ ວ່າດ້ວຍການຍົກຍ້າຍ, ແຕ່ງຕັ້ງນາຍຕຳຫຼວດ ທີ່ຂຶ້ນກັບ ຫ້ອງວ່າການ ກະຊວງປ້ອງກັນຄວາມສະຫງົບ ໂດຍມີນາຍຕຳຫຼວດໄດ້ຍົກຍ້າຍດັ່ງນີ້:
– ພັອ ເອກສະຫວ່າງ ໄຊຍະຕິ ຈາກກົມບໍລິຫານ ໄປຮັບໜ້າທີ່ໃໝ່ຢູ່ກົມເລຂາ
– ພັອ ດວງຕາ ສຸວັນນະລາດ ຈາກກົມຄຸ້ມຄອງເອກະສານ ໄປຮັບໜ້າທີ່ໃໝ່ຢູ່ກົມກົດລັບ
– ພັທ ບຸນຫໍ ອິນທະວົງ ຈາກຫ້ອງການເມືອງ ໄປຮັບໜ້າທີ່ໃໝ່ຢູ່ກົມກົດລັບ
– ພັທ ເຄນວົງ ອົກສະຫວັດມຸງຄຸນ ຈາກກົມນິຕິກຳ ແລະ ກົດໝາຍ ໄປຮັບໜ້າທີ່ໃໝ່ຢູ່ກົມບໍລິຫານ
ແລະ ໄດ້ແຕ່ງຕັ້ງດັ່ງນີ້:
– ພັທ ສະໝານ ດວງປັນຍາ ເປັນຫົວໜ້າຫ້ອງການເມືອງ
– ພັທ ນາງ ດວງຈິດ ຂັນຊະນະວົງ, ພັທ ຄຳລອນ ທຳມະວົງ ເປັນຮອງ
– ພັອ ໄຄສີ ມິດາພອນ ເປັນຫົວໜ້າກົມເລຂາ
– ພັອ ເອກສະຫວ່າງ ໄຊຍະຕິ, ພັທ ນາງ ດວງຈັນ ຂານສະຫງ່າ ເປັນຮອງ
– ພັອ ໄພວັນ ສິດທິຈັນ ເປັນຫົວໜ້າກົມຄຸ້ມຄອງເອກະສານ
– ພັທ ຈັນປະເສີດ ສີພັນດອນ ເປັນຮອງ
– ພັອ ດວງຕາ ສຸວັນນະລາດ ເປັນຫົວໜ້າກົມກົດລັບ
– ພັທ ບຸນຫໍ ອິນທະວົງ ເປັນຮອງ
– ພັທ ສັກດາຄົມ ພະຈອມພົນ ແລະ ພັທ ເຄນວົງ ອົກສະຫວັດມຸງຄຸນ ເປັນຮອງຫົວໜ້າກົມບໍລິຫານ
ສ່ວນຫົວໜ້າ ແລະ ຮອງທີ່ມີຢູ່ແລ້ວ ແມ່ນຮັກສາໄວ້ຄືເກົ່າ.
ໂອກາດດັ່ງກ່າວ, ພົຕ ສຸລິນະ ແກ້ວປະເສີດ ຫົວໜ້າຫ້ອງວ່າການ ກະຊວງ ປກສ ໄດ້ມີຄຳເຫັນໂອ້ ລົມ ແລະ ໃຫ້ທິດຊີ້ນຳຕໍ່ຜູ້ທີ່ໄດ້ຮັບການຍົກຍ້າຍ, ແຕ່ງຕັ້ງ ແລະ ຄະນະພັກ-ຄະນະບັນຊາ ໃຫ້ເອົາໃຈໃສ່ກວດກາ, ປັບປຸງວຽກງານແນວຄິດ, ກຳແໜ້ນແນວທາງນະໂຍບາຍຂອງພັກ, ລະບຽບກົດໝາຍຂອງລັດ ໃນແຕ່ລະໄລຍະ, ມີຄວາມໜັກແໜ້ນທາງດ້ານການເມືອງ-ແນວຄິດ, ມີຄວາມເຂັ້ມແຂງທາງດ້ານການຈັດຕັ້ງ ແລະ ບຸກບືນຫ້າວຫັນເຮັດໜ້າທີ່ວຽກງານທີ່ຖືກມອບໝາຍໃຫ້ດີຂຶ້ນກວ່າເກົ່າ, ເປັນເຈົ້າການໃນການປະຕິບັດວຽກງານໃຫ້ບັນລຸຕາມຄາດໝາຍທີ່ວາງໄວ້.
ທຸກສະຫາຍ ຕ້ອງຍົກສູງຄວາມຮັບຜິດຊອບ, ຫ້າວຫັນເປັນແບບຢ່າງ ໃນການປະຕິບັດບັນດາຂໍ້ກຳນົດກົດລະບຽບ, ປະຕິບັດໜ້າທີ່ວຽກງານໃຫ້ຖືກຕ້ອງ, ເຂັ້ມງວດ ແລະ ເປັນຂະບວນຟົດຟື້ນ, ຍົກສູງຄວາມຮັບຮູ້ທາງດ້ານວິທະຍາສາດ, ເຕັກນິກເຕັກ ໂນໂລຢີ ແລະ ພາສາຕ່າງປະເທດ ເພື່ອຍົກລະດັບໃນການ ນໍາພາ-ບັນຊາໃຫ້ມີປະສິດທິຜົນດີຂຶ້ນ, ແທດເຖິງຕົວຈິງ ແລະ ພາ ວະວິໄສ, ເພີ່ມທະວີຄວາມສາມັກຄີພາຍໃນໃຫ້ແໜ້ນແຟ້ນ ພ້ອມກັນເຮັດສໍາເລັດໜ້າທີ່ການເມືອງທີ່ພັກ-ລັດ ແລະ ປະຊາ ຊົນມອບໝາຍໃຫ້ ຢ່າງສະເໝີຕົ້ນສະເໝີປາຍ.
