ພົຈວ ປອ ສຸວັນນີ ສີສຸພາບ ມີໄຊ ຫົວໜ້າກົມໃຫຍ່ການເມືອງ ປກສ ໄດ້ລາຍງານການປັບປຸງກໍ່ສ້າງກໍາລັງປ້ອງກັນຄວາມສະ ຫງົບ ໃຫ້ປອດໃສ ເຂັ້ມແຂງ ໜັກແໜ້ນ ແລະ ວຽກງານຮັບປະກັນໃຫ້ແກ່ກອງປະຊຸມໃຫຍ່ 3 ຂັ້ນ ຕໍ່ກອງປະຊຸມສະຫຼຸບວຽກ ງານປ້ອງກັນຄວາມສະຫງົບ ປະຈໍາປີ 2023 ແລະ ວາງທິດທາງແຜນການປີ 2024 ໃນວັນທີ 4 ມັງກອນ 2024 ເປັນປະທານໂດຍ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກຮອງນາຍົກ ລັດຖະມົນຕີ ລັດຖະມົນຕີກະຊວງ ປກສ, ມີຮອງລັດຖະມົນຕີ, ຫົວໜ້າຫ້ອງວ່າການ, ຫົວໜ້າກົມໃຫຍ່, ວິທະຍາຄານ, ກອງບັນຊາ ການ ປກສ ແຂວງ-ຄະນະຄອນຫຼວງ ແລະ ແຂກຮັບເຊີນເຂົ້າຮ່ວມ.
ພົຈວ ປອ ສຸວັນນີ ສີສຸພາບ ມີໄຊ ກ່າວວ່າ: ໃນປີ 2023 ກົມໃຫຍ່ການເມືອງ ປກສ ໄດ້ເອົາໃຈ ໃສ່ຢ່າງຕັ້ງໜ້າຕໍ່ວຽກງານສຶກ ສາອົບຮົມການເມືອງ-ແນວຄິດ, ຍົກ ເປັນວຽກງານທີ່ສໍາຄັນ ແລະ ຖືເປັນໜ້າທີ່ຕົ້ນຕໍຂອງຄະນະພັກ ແຕ່ລະຂັ້ນ, ເຮັດເປັນປະຈຳດ້ວຍຫຼາຍເນື້ອໃນ, ຫຼາຍຮູບການ, ໂດຍ ສະເພາະແມ່ນເນື້ອໃນ 3 ທາດແທ້, 7 ມູນເຊື້ອ, 4 ໜ້າທີ່ ແລະ 4 ການພົວ ພັນຂອງກໍາລັງປ້ອງກັນຄວາມສະຫງົບ ຕິດພັນກັບການ ປຸກລະດົມຂະບວນການແນວຄິດ ຮັກຊາດ-ພັດທະນາ” ຢ່າງຕັ້ງໜ້າ; ຈັດຕັ້ງເຊື່ອມຊຶມກຳແໜ້ນແນວ ທາງນະໂຍບາຍຂອງພັກ, ກົດໝາຍຂອງລັດ ແລະ ລະ ບຽບວິໄນຂອງ ກໍາລັງ, ຜ່ານການຈັດ ຕັ້ງປະຕິບັດ ເຫັນວ່າທຸກຂົງເຂດວຽກງານສາ ມາດຍາດໄດ້ຜົນສໍາເລັດອັນໃໝ່ ໃນຫຼາຍດ້ານ ແລະ ຕີຖອຍໄດ້ບັນດາປາກົດ ການຫຍໍ້ທໍ້ຕ່າງໆໃນກຳ ລັງປ້ອງກັນຄວາມສະຫງົບ ໄດ້ດີພໍສົມຄວນ, ສ້າງການຫັນປ່ຽນໃໝ່ ໄດ້ຢ່າງແຂງແຮງກ້າວໄປເຖິງການ ສ້າງໜ່ວຍພັກຢູ່ປອດໃສ ເຂັ້ມແຂງ ໜັກແໜ້ນ ເທື່ອລະກ້າວ, ສະມາຊິກພັກ, ນາຍ ແລະ ພົນຕຳ ຫຼວດສ່ວນຫຼາຍມີແນວຄິດອຸ່ນອ່ຽນ ທຸນທ່ຽງຢຶດໝັ້ນຕໍ່ອຸດົມການ ຂອງພັກ, ມີທັດສະນະຫຼັກໝັ້ນ ຊົນຊັ້ນ, ມີນໍ້າໃຈຮັກ ຊາດ, ເສຍສະ ຫຼະເພື່ອຊາດ ເພື່ອປະຊາຊົນ, ມີ ຄວາມດຸໝັ່ນບຸກບືນຮໍ່າຮຽນພັດທະ ນາຕົນເອງໃນທຸກດ້ານ, ກຽມພ້ອມຮັບໃຊ້ປະເທດຊາດຢ່າງບໍ່ມີເງື່ອນໄຂ.
ວຽກງານພັກ-ພະນັກງານໄດ້ ເອົາໃຈໃສ່ກໍ່ສ້າງພັກໃຫ້ປອດໃສ, ເຂັ້ມແຂງ, ໜັກແໜ້ນ ບົນພື້ນຖານຢຶດໝັ້ນຕາມ 5 ຫຼັກການ ແລະ 3 ທິດນໍາຂອງພັກ, ເຮັດໃຫ້ ບົດບາດການນໍາພາຂອງພັກຕໍ່ກຳ ລັງປ້ອງກັນຄວາມສະຫງົບນັບມື້ ໄດ້ຮັບການເຊີດຊູຂຶ້ນ; ນໍາພາ-ຊີ້ ນໍາຄະນະພັກແຕ່ລະຂັ້ນປະຕິບັດຫຼັກການລວມສູນປະຊາທິປະໄຕ ແລະ ກົດລະບຽບຂອງພັກຢ່າງ ເຂັ້ມງວດ ໃນນັ້ນ, ໄດ້ເອົາໃຈໃສ່ ໃນນໍາພາ-ຊີ້ນໍາຂະ ບວນການກໍ່ສ້າງ ໜ່ວຍພັກປອດໃສ ເຂັ້ມແຂງ ໜັກແໜ້ນ ໃຫ້ກາຍເປັນໜ້າທີ່ໃຈ ກາງຂອງການກໍ່ສ້າງພັກ, ຖືເອົາບັ້ນດໍາເນີນຊີວິດການເມືອງ, ການສໍາຫຼວດກວດກາ, ຕີລາຄາແບ່ງປະ ເພດສະມາຊິກພັກ ແລະ ຮາກ ຖານພັກຄັດເລືອກໜ່ວຍພັກປອດ ໃສ, ເຂັ້ມແຂງ, ໜັກແໜ້ນຮັບປະກັນໄດ້ຄຸນນະພາບດີຂຶ້ນເທື່ອລະກ້າວ; ໄດ້ເອົາໃຈໃສ່ກວດກາ, ຄຸ້ມຄອງ-ປ້ອງກັນພັກ, ປ້ອງກັນກຳລັງ, ສະກັດກັ້ນ ແລະ ແກ້ໄຂປາກົດ ການຫຍໍ້ທໍ້ພາຍໃນພັກ ກໍຄືພາຍໃນກໍາລັງປ້ອງກັນຄວາມສະຫງົບ ດ້ວຍການນໍາໃຊ້ ບັນດາ ມາດຕະການຕ່າງໆຢ່າງເຂັ້ມງວດ ເພື່ອເປັນການຫຼຸດຜ່ອນຫາງສຽງຈົ່ມວ່າຈາກສັງຄົມ.
ພ້ອມກັນນັ້ນ, ຍັງໄດ້ຈັດຕັ້ງ ຝຶກອົບຮົມວຽກງານພັກ-ວຽກງານ ການເມືອງໃຫ້ຄະນະ ພັກບັນດາ ກົມກອງທ້ອງຖິ່ນ ເພື່ອໃຫ້ວຽກງານນໍາພາມີປະສິດທິພາບ ແລະ ມີປະສິດ ທິຜົນສູງຂຶ້ນ, ໄດ້ເອົາໃຈໃສ່ນໍາພາປັບປຸງກົງຈັກການຈັດຕັ້ງ, ນັບທັງບັນດາກົມກອງອ້ອມຂ້າງ ກະຊວງ ແລະ ທ້ອງຖິ່ນ ໃຫ້ມີຄວາມໜັກແໜ້ນ ຕາມທິດກະທັດຮັດ, ໂລ່ງລ່ຽນສ້າງຕັ້ງກົງຈັກການຈັດຕັ້ງຈຳນວນໜຶ່ງທີ່ມີຄວາມຈຳເປັນ, ທັງປັບປຸງລະ ບົບຊີ້ນໍາ-ບັນຊາ, ແຕ່ງຕັ້ງ, ເລື່ອນຕຳແໜ່ງ, ສັບຊ້ອນມອບໝາຍໜ້າທີ່ ເຮັດ ໃຫ້ລະບົບກົງຈັກການຈັດຕັ້ງໃນກຳລັງປ້ອງກັນຄວາມສະຫງົບໄດ້ຮັບການປັບປຸງໃຫ້ມີຄວາມໜັກແໜ້ນ ແລະ ເຂັ້ມແຂງຂຶ້ນກວ່າ ເກົ່າ; ພົ້ນເດັ່ນແມ່ນໄດ້ສໍາເລັດການຄົ້ນຄວ້າ ແລະ ປະກາດກົງຈັກການຈັດຕັ້ງກອງບັນຊາການ ປກສ ເຂດພິເສດສາມຫຼ່ຽມຄໍາ, ຍົກສະຖານະໂຮງຮຽນທິດສະດີການເມືອງ ປກສ ຂຶ້ນເປັນວິທະຍາຄານການ ເມືອງ ປກສ.
ຂ່າວ: ຄຳໂຖ
