ໃນວັນທີ 9 ຕຸລາ 2023, ກົມໃຫຍ່ການເມືອງ ກະຊວງ ປກສ ໄດ້ຈັດພິທີມອບຫຼຽນກາປ້ອງກັນຄວາມສະຫງົບໃຫ້ບຸກຄົນທີ່ປະກອບສ່ວນເຈາະນໍ້າບາດານ ແລະ ປັບປຸງລະບົບນໍ້າໃຫ້ໂຮງຮຽນວັດທະນະທໍາຫຼັກ 67, ກ່າວມອບໂດຍ ພົຕ ວັນທອງ ກອງມະນີ ຮອງລັດຖະມົນຕີ ຫົວໜ້າກົມໃຫຍ່ການເມືອງປ້ອງກັນຄວາມສະຫງົບ, ກ່າວຮັບໂດຍທ່ານ ພູມີ ສີໃສວົງ ມີຄະນະພັກ-ຄະນະບັນຊາອ້ອມຂ້າງກົມເຂົ້າຮ່ວມ.
ໂອກາດນີ້, ພົຕ ວັນທອງ ກອງມະນີ ໄດ້ກ່າວສະແດງຄວາມຂອບໃຈ ແລະ ຊົມເຊີຍມາຍັງທ່ານ ພູມີ ສີໃສວົງ ທີ່ໄດ້ປະກອບສ່ວນເຈາະນໍ້າບາດານຂະໜາດຄວາມເລິກ 110 ແມັດ, ປັບປຸງລະບົບນໍ້າໃຫ້ໂຮງຮຽນວັດທະນະທໍາຫຼັກ 67 ແລະ ວຽກງານການຜະລິດ ລວມມູນຄ່າ 150.000.000 ກີບ ໃຫ້ກົມໃຫຍ່ການເມືອງ. ທັງນີ້, ກໍເພື່ອເປັນການປະ ຕິບັດນະໂຍບາຍຍ້ອງຍໍຊົມເຊີຍໃນຜົນງານຂອງຜູ້ທີ່ປະກອບສ່ວນຊຸກຍູ້ເຂົ້າໃນວຽກ ງານປ້ອງກັນຄວາມສະຫງົບ ກໍຄື: ນ້ອງນ້ອຍນັກຮຽນຂອງໂຮງຮຽນວັດທະນະທໍາຫຼັກ 67 ໃຫ້ດີຂຶ້ນກວ່າເກົ່າ.
ພ້ອມນີ້, ທ່ານ ພູມີ ສີໃສວົງ ຍັງໄດ້ກ່າວສະແດງຄວາມຂອບໃຈມາຍັງຄະນະພັກ-ຄະ ນະບັນຊາກົມໃຫຍ່ການເມືອງປ້ອງກັນຄວາມສະຫງົບ ທີ່ໄດ້ມອບຫຼຽນກາປ້ອງກັນຄວາມສະຫງົບ ເພື່ອເປັນການສະແດງຄວາມຂອບໃຈທີ່ຂ້າພະເຈົ້າໃຫ້ການປະກອບສ່ວນໃນຄັ້ງນີ້, ປັບປຸງລະບົບນໍ້າໃຫ້ບັນດາຄູ-ອາຈານ ແລະ ນ້ອງນ້ອງນັກຮຽນວັດທະນະທໍາຫຼັກ 67 ໄດ້ມີນໍ້າໃຊ້ທີ່ສະດວກສະບາຍ ແລະ ຮັກສາໄດ້ຄວາມສະອາດກວ່າເກົ່າ.
