ໃນວັນທີ 12 ພະຈິກ 2024, ແຂວງບໍ່ແກ້ວ ຈັດກອງປະຊຸມຕີລາຄາການຈັດຕັ້ງປະຕິບັດການແກ້ໄຂບັນຫາຢາເສບຕິດ, ເຊິ່ງຕິດພັນກັບ 2 ວາ ລະແຫ່ງຊາດ ແຕ່ປີ 2021-2024 ແລະ ທິດທາງແຜນການປີ 2024-2025 ໂດຍການເປັນປະທານຂອງ ທ່ານ ພົຕ ສາຍໃຈ ກົມມະສິດ ຮອງເຈົ້າແຂວງໆບໍ່ແກ້ວ ທັງເປັນຫົວໜ້າຄະນະກຳມະ ການແກ້ໄຂບັນຫາຢາເສບຕິດຂັ້ນແຂວງ. ມີ ທ່ານ ທອງຈັນ ມະນີໄຊ ເຈົ້າແຂວງໆບໍ່ແກ້ວ ທັງເປັນປະທານປ້ອງ ກັນຊາດ-ປ້ອງກັນຄວາມສະຫງົບແຂວງ ພ້ອມດ້ວຍບັນດາຄະນະກຳມະການ ແກ້ໄຂບັນຫາຢາເສບຕິດຂັ້ນແຂວງ, ຂັ້ນເມືອງ, ແລະ ສອງກອງບັນຊາການ ປກຊ-ປກສ ເຂົ້າຮ່ວມ.
ໃນກອງປະຊຸມ, ຜູ້ເຂົ້າຮ່ວມໄດ້ປະກອບຄຳເຫັນໃນການຈັດຕັ້ງປະຕິບັດວຽກງານທີ່ໄດ້ຕິດພັນກັບແຜນດຳເນີນງານວາລະແຫ່ງຊາດ ໂດຍສະ ເພາະແຜນແມ່ບົດໃນການແກ້ໄຂບັນຫາຢາເສບຕິດ ທີ່ເປັນສິ່ງທ້າທາຍທຸກບັນຫາໃນສັງຄົມ. ພ້ອມນີ້, ບັນດາຄະນະກຳມະການ ແກ້ ໄຂບັນຫາຢາເສບຕິດທຸກຂັ້ນ ເປັນເອກະພາບກັນສຸມໃສ່ແກ້ບັນຫາຕ່າງໆຕາມ 6 ແຜນວຽກຈຸດສຸມ ເປັນຕົ້ນການສ້າງຄວາມຮັບຮູ້ໃນທົ່ວສັງຄົມ ດ້ວຍການສຶກສາອົບຮົມ, ໂຄສະນາເຜີຍແຜ່ລະບຽບກົດໝາຍ ແລະ ຜົນຮ້າຍຂອງຢາເສບຕິດ, ສ້າງ ແລະ ປັບປຸງກົດໝາຍ-ນິຕິກຳໃຕ້ກົດໝາຍທີ່ກ່ຽວຂ້ອງກັບບັນຫາຢາເສບຕິດ, ວຽກງານປັບປຸງກົງຈັກການຈັດຕັ້ງ ແລະ ຍົກລະດັບຄວາມສາມາດ ໃນການເຄື່ອນໄຫວເຮັດໜ້າທີການເມືອງ ຂອງອົງການສືບສວນ-ສອບສວນ, ອົງການໄອຍະການປະຊາຊົນ, ສານປະຊາຊົນ, ອົງການປະຕິບັດຄຳຕັດສິນຂອງສານ ແລະ ພາກສ່ວນທີ່ກ່ຽວ ຂ້ອງຕໍ່ການແກ້ໄຂບັນຫາຢາເສບຕິດ, ຍົກສູງປະສິດທິພາບດ້ານການຄຸ້ມຄອງ, ຊີ້ນຳໃນການຈັດຕັ້ງປະຕິບັດຮອບດ້ານ ໃນການແກ້ໄຂບັນຫາຢາເສບ ຕິດ, ປັບປຸງຂີດຄວາມສາມາດ ໃນການເຄື່ອນໄຫວເຮັດໜ້າ ຂອງລະບົບການເມືອງແຕ່ລະຂັ້ນ ເພື່ອນຳພາ-ຊີ້ນຳ ການແກ້ໄຂບັນຫາຢາເສບ ຕິດໃນຂອບເຂດຂອງຕົນຮັບຜິດຊອບຢ່າງຕັ້ງໜ້າ.
ໂອກາດນີ້, ທ່ານ ທອງຈັນ ມະນີໄຊ ໄດ້ເນັ້ນໃຫ້ຄະນະກຳມະການ ແກ້ໄຂບັນຫາຢາເສບຕິດທຸກຂັ້ນ ຈົ່ງພ້ອມກັນເປັນເຈົ້າການໃນການປັບປຸງແຜນແມ່ບົດໃນການຈັດຕັ້ງປະຕິບັດວຽກ ງານ ແນໃສ່ເຮັດໃຫ້ແຂວງບໍ່ແກ້ວ ປອດຈາກຢາເສບຕິດ ແລະ ມີຄວາມສະຫງົບປອດໄພ, ເຊິ່ງສິ່ງສຳຄັນແມ່ນເອົາໃຈໃສ່ຕິດຕາມ ການລັກລອບຄ້າ-ຂາຍເຖື່ອນທີ່ເປັນຜິດກົດໝາຍ, ເພີ່ມກຳລັງແຮງທຸກດ້ານ ໂດຍສຸມໃສ່ໃນການແກ້ໄຂຕ້ານ ແລະ ສະກັດກັ້ນບັນຫາຢາເສບ ຕິດ, ເນັ້ນໃສ່ຈຸດສຸມຂອງແຂວງ ໃນການຕ້ານ ແລະ ສະກັດກັ້ນ-ອັດປ່ອງຂ້າມລອຍ, ເພີ່ມຄວາມເອົາໃຈໃສ່ແກ້ ໄຂທຳລາຍ ທັບມ້າງກຸ່ມຄ້າ-ຂາຍເຖື່ອນ ແລະ ອື່ນໆ.
