ກົມຕຳຫຼວດນິຕິວິທະຍາ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ ໄດ້ຈັດພີທີອົບຮົມວຽກງານວິຊາສະເພາະໃຫ້ນາຍ ແລະ ພົນຕຳຫຼວດທີ່ເຮັດວຽກງານນິຕິວິທະຍາ ຫ້ອງຕຳຫຼວດ ກອງບັນຊາການ ປກສ ແຂວງອັດຕະປືໃນວັນທີ 21-22 ພະຈິກ 2024 ໂດຍການເຂົ້າຮ່ວມຂອງ ພັອ ອິນທະຫວາ ໂພທິລາດ ຮອງກອງບັນຊາການ ປກສ ແຂວງ, ມີ ພັອ ປອ ດວງຈັນ ວົງວີໄຊ ຫົວໜ້າກົມຕຳ ຫຼວດນິຕິວິທະຍາ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ, ມີ ຄະນະຄູຝືກ ແລະ ນັກສຳມະນາກອນເຂົ້າຮ່ວມ.
ຫົວຂໍ້ທີ່ນຳມາຝືກໃນຄັ້ງນີ້ປະກອບມີ, ວຽກງານປ້ອງກັນສະຖານທີ່ເກີດເຫດ, ວຽກງານສັນນະສູດສະຖານທີ່ເກີດເຫດ, ອະທິບາຍ ແລະ ສາທິດການນຳໃຊ້ອູປະກອນໃນຫີບຊັນລະສູດ ແລະ ສາທິດການຊອກຫາ, ເກັບກຳ, ຊອກຫາຮ່ອງຮອຍວັດຖູຂອງກາງ, ການພິສູດຮອງຮອຍເສັ້ນລາຍ ແລະ ວຽກງານຄູ້ມຄອງທະບຽນອາຊະຍາກອນ, ການສາທິດວີທີພິມລາຍນິ້ວມື ແລະ ໄດ້ນຳພາປະຕິບັດຕົວຈິງໃຫ້ນັກສຳມະນາກອນ.
