ໃນຕອນຄໍ່າຂອງວັນທີ 9 ຕຸລາ 2024, ພົຈວ ຄອນສະ ຫວັນ ສົມພາໄຊ ຮອງຫົວໜ້າກົມໃຫຍ່ການເມືອງ, ພົຈວ ສີວັນທາ ເພຍສາຂາ ຮອງຫົວໜ້າຫ້ອງວ່າການ ແລະ ພົຈວ ພູທອນ ພົນໂພສີຫາຫົງ ຮອງຫົວໜ້າກົມໃຫຍ່ພະລາທິ ການ ກະຊວງ ປກສ ຄະນະປຸກລະດົມຂົນຂວາຍ ແລະ ກໍ່ສ້າງຮາກຖານການເມືອງຢູ່ນະຄອນຫຼວງວຽງຈັນໄດ້ລົງ ເຄື່ອນໄຫວຊຸກຍູ້ຈຸດປ້ອງກັນໃຫ້ແກ່ກອງປະຊຸມສຸດຍອດອາຊຽນຄັ້ງທີ 44 ແລະ 45 ຢູ່ຈຸດປ້ອງກັນ ເມືອງປາກງື່ມ ແລະ ເມືອງໄຊເສດຖາ, ເມືອງສີໂຄດຕະບອງ, ເມືອງຈັນທະບູລີ ນະຄອນຫຼວງວຽງຈັນ.
ການລົງເຄື່ອນໄຫວດັ່ງກ່າວ ກໍເພື່ອຮັບປະກັນຄວາມສະ ຫງົບປອດໄພຮອບດ້ານໃນໄລຍະດໍາເນີນກອງປະຊຸມສຸດອາຊຽນ ຄັ້ງທີ 44 ແລະ 45 ໃຫ້ມີຄວາມສະຫງົບປອດໄພຮອບດ້ານ, ພ້ອມທັງເປັນການກວດກາ ແລະ ໃຫ້ກຳລັງໃຈຕໍ່ນາຍ ແລະ ພົນຕຳຫຼວດທີ່ກຳລັງປະຕິບັດໜ້າທີ່ປ້ອງກັນເວນຍາມຢູ່ໃນປັດຈຸບັນນີ້; ໃນໂອກາດທີ່ໃນໂອກາດດັ່ງກ່າວ, ແຕ່ລະຄະນະກໍໄດ້ມອບ ນໍ້າດື່ມ, ໝີ່ ໃຫ້ແຕ່ລະຈຸດປ້ອງກັນ.
