ພິທີຕ້ອນຮັບ ຄະນະຜູ້ແທນຂັ້ນສູງກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ ນຳໂດຍ ສະຫາຍ ພົນເອກ ສຈ ປອ ໂຕ ເລິມ ກຳມະການກົມການເມືອງສູນກາງພັກຄອມມູນິດຫວຽດນາມ ມີຂຶ້ນໃນວັນທີ 29 ກັນຍາ 2023 ທີ່ສະໜາມບິນສາກົນວັດໄຕ, ໃຫ້ກຽດຕ້ອນຮັບໂດຍ ສະຫາຍ ພົນຕີ ວັນທອງ ກອງມະນີ ກຳມະການສູນກາງພັກ ຮອງລັດຖະມົນຕີ ຫົວໜ້າກົມໃຫຍ່ການເມືອງ ກະຊວງປ້ອງກັນຄວາມສະຫງົບ ແຫ່ງ ສປປ ລາວ ພ້ອມດ້ວຍຄະນະ.
ການເດີນທາງມາ ສປປ ລາວ ຂອງຄະນະຜູ້ແທນຂັ້ນສູງ ແຫ່ງ ສສ ຫວຽດນາມ ໃນຄັ້ງນີ້ ເພື່ອມາຢ້ຽມຢາມສັນຖະວະໄມຕີ ພ້ອມທັງເຂົ້າຮ່ວມກອງປະຊຸມຂັ້ນສູງໃນການຈັດຕັ້ງປະຕິບັດແຜນການຮ່ວມມື ປະຈຳປີ 2023 ແລະ ກຳນົດທິດທາງຮ່ວມມືປະຈຳປີ 2024 ລະຫວ່າງກະຊວງປ້ອງກັນຄວາມສະຫງົບ ແຫ່ງ ສປປ ລາວ ແລະ ກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ.
