ໃນຕອນບ່າຍຂອງວັນທີ 13 ມັງກອນ 2025, ໃນໂອກາດທີ່ທີມງານກົມສື່ມວນຊົນ ກົມໃຫຍ່ການເມືອງ ກະຊວງ ປກສ ນໍາພາໂດຍ ພັອ ພອນພິລຸນ ປັນຍາສິລິ ຮອງຫົວໜ້າກົມສື່ມວນຊົນ ປກສ ພ້ອມດ້ວຍຄະນະ ໄດ້ເດີນທາງມາເຄື່ອນໄຫວເຮັດວຽກຢູ່ແຂວງວຽງຈັນ ໄດ້ເຂົ້າພົບ ທ່ານ ຄໍາພັນ ສິດທິດໍາພາ ເຈົ້າແຂວງວຽງຈັນ ເພື່ອລາຍງານຈຸດປະສົງຂອງການມາເຄື່ອນໄຫວວຽກງານວິຊາສະເພາະຢູ່ແຂວງວຽງຈັນ ແລະ ເພື່ອສຳພາດທ່ານເຈົ້າແຂວງກ່ຽວກັບການຈັດຕັ້ງຜັນຂະຫຍາຍວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ.
ພັອ ພອນພິລຸນ ປັນຍາສິລິ ໄດ້ລາຍງານຕໍ່ທ່ານເຈົ້າແຂວງ ກ່ຽວກັບຈຸດປະສົງ, ຄາດໝາຍຂອງການເຄື່ອນໄຫວເຮັດວຽກຂອງທີມງານກົນສື່ມວນຊົນ ປກສ ຢູ່ແຂວງວຽງຈັນ ໃນຄັ້ງນີ້ວ່າ: ອີງຕາມການຊີ້ນໍາຂອງຄະນະພັກກົມໃຫຍ່ການເມືອງ ກໍຄື ຄະນະພັກກະຊວງ ປກສ ໃຫ້ຈັດຕັ້ງປະຕິບັດວຽກງານວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ໃນການໂຄສະນາເຜີຍແຜ່ຂໍ້ມູນຂ່າວສານດ້ານຜົນງານການແກ້ໄຂບັນຫາຢາເສບຕິດໃຫ້ທົ່ວສັງຄົມໄດ້ຮັບຮູ້; ດັ່ງນັ້ນ, ທີມງານກົມສື່ມວນຊົນ ປກສ ຈຶ່ງໄດ້ລົງມາເກັບກຳຂໍ້ມູນຜົນງານການຈັດ ຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດຢູ່ແຂວງວຽງຈັນ ເພື່ອນຳມາໂຄສະນາເຜີຍແຜ່ທາງລາຍການໂທລະພາບ, ວິທະຍຸ, ໜັງສືພິມ, ວາລະສານ ແລະ ສື່ອອນລາຍຂອງກະຊວງ ປ້ອງກັນຄວາມສະຫງົບ ໃຫ້ສັງຄົມໄດ້ຮັບຮູ້ ແລະ ເຂົ້າໃຈຢ່າງທົ່ວເຖິງ ເຮັດໃຫ້ການຈັດຕັ້ງຜັນຂະຫຍາຍວາລະແຫ່ງຊາດແກ້ໄຂຢາເສບຕິດ ສຳເລັດຕາມຄາດ ໝາຍ.
ພ້ອມນີ້, ທ່ານ ຄໍາພັນ ສິດທິດໍາພາ ກໍໄດ້ກ່າວຕ້ອນຮັບ ແລະ ຕີລາຄາສູງຕໍ່ການມາເຄື່ອນ ໄຫວເກັບກຳຂໍ້ມູນຜົນງານການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດຢູ່ແຂວງວຽງຈັນ ຂອງຄະນະທີມງານກົມສື່ມວນຊົນປ້ອງກັນຄວາມສະຫງົບ; ເຊິ່ງມີຄວາມໝາຍຄວາມສໍາຄັນຕໍ່ກັບວຽກງານການໂຄສະນາຜັນຂະຫຍາຍວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດໃຫ້ສັງຄົມໄດ້ຮັບຮູ້ຢ່າງກວ້າງຂວາງ ແລະ ເລິກເຊິ່ງ ແລະ ອວຍພອນໃຫ້ທີມງານກົມສື່ມວນຊົນ ປກສ ໃນການລົງມາເຄື່ອນໄຫວວຽກງານຄັ້ງນີ້ ໃຫ້ໄດ້ຮັບຜົນສຳເລັດຕາມລະດັບຄາດໝາຍ.
