ໃນວັນທີ 9 ທັນວາ 2024, ພົທ ກົງທອງ ພົງວິຈິດ ກໍາມະການສູນກາງພັກ ຮອງລັດຖະ ມົນຕີກະຊວງ ປກສ ພ້ອມຄະນະໄດ້ເຄື່ອນ ໄຫວເຮັດວຽກງານວິຊາສະເພາະຢູ່ກອງບັນຊາ ການ ປກສ ແຂວງ ສະຫວັນນະເຂດ, ໂດຍໃຫ້ກຽດຕ້ອນຮັບຂອງ ພົຈວ ສົມໝາຍ ພົມພະຈັນ ຫົວໜ້າກອງບັນຊາການ ປກສ ແຂວງ ສະຫວັນນະເຂດ ພ້ອມດ້ວຍຄະນະ.
ໂອກາດດັ່ງກ່າວ, ພົຈວ ສົມໝາຍ ພົມພະຈັນ ກໍໄດ້ລາຍງານໂດຍຫຍໍ້ກຽ່ວກັບການຊີ້ນໍາ-ນໍາພາ ວຽກງານວິຊາສະເພາະ ໃນນີ້, ທ່ານໄດ້ຍົກໃຫ້ເຫັນວຽກງານປ້ອງກັນຄວາມສະຫງົບ ໃນໄລຍະຜ່ານມາ ຄະນະພັກ-ຄະນະກອງບັນຊາການ ປກສ ແຂວງ ໄດ້ເອົາໃຈໃສ່ຊີ້ນໍາ-ນໍາພາວຽກ ງານປ້ອງກັນຄວາມສະຫງົບ ພ້ອມທັງໄດ້ເອົາໃຈໃສ່ຕອບຕ້ານຕໍ່ທຸກປະກົດການຫຍໍ້ທໍ້ທີ່ກຸ່ມຄົນບໍ່ຫວັງດີ ໄດ້ກໍ່ຂຶ້ນຫວັງພະຍາຍາມມ້າງເພທຳລາຍຕໍ່ການນຳພາຂອງພັກ-ລັດ ດ້ວຍຮູບການຜ່ານສື່ສັງຄົມອອນລາຍ ແລະ ດ້ານອື່ນໆ ແຕ່ກໍຍັງປາສະ ຈາກບໍ່ໄດ້ຕໍ່ກັບບັນຫາປາ ກົດການຫຍໍ້ທໍ້ທີ່ເກີດຂື້ນ ເປັນຕົ້ນແມ່ນບັນຫາມົ້ວສຸມຢາເສບຕິດ, ຄ້າຂາຍຢາເສບຕິດ, ລັກຊັບພົນລະ ເມືອງ ແລະ ບັນຫາອື່ນໆ.
ໂອກາດນີ້, ພົທ ກົງທອງ ພົງວິຈິດ ໄດ້ເນັ້ນໜັກໃຫ້ນາຍຕຳຫຼວດຂັ້ນນຳພາ-ບັນຊາ ປກສ ແຂວງ ຕໍ່ກັບການຈັດຕັ້ງປະຕິບັດດ້ານວຽກງານວຽກງານຮອບດ້ານ ໂດຍການເລີ່ມຕົນຈາກການເຮັດວຽກງານການເມືອງ-ນໍາພາແນວຄິດ ໃຫ້ແກ່ນາຍ ແລະ ພົນຕໍາຫຼວດ ເພື່ອຮັບປະ ກັນໄດ້ເຖິງຄວາມໜັກແໜ້ນຂອງນາຍ ແລະ ພົນຕໍາຫຼວດ ພາຍໃຕ້ຂັ້ນບັນຊາຂອງຕົນ, ສືບຕໍ່ເພີ່ມວີການຫັນເອົາພະນັກງານລົງກໍ່ສ້າງຮາກ ຖານການເມືອງໃຫ້ແຂງແຮງ, ຮັກສາຄວາມສະຫງົບທາງດ້ານການເມືອງ, ສັງຄົມມີຄວາມສະຫງົບ, ປອດໄພ ແລະ ຍຸຕິທໍາ; ອັນສໍາຄັນກໍາລັງປ້ອງກັນຄວາມສະຫງົບແຂວງ ຕ້ອງໄດ້ເອົາໃຈໃສ່ຢ່າງແຂງແຮງ ຕໍ່ກັບການເກັບກໍາບັນດາເປົ້າໝາຍທີ່ມີການເຄື່ອນໄຫວກໍ່ຄວາມບໍ່ສະຫງົບ ໃນດ້ານຕ່າໆ ທັງຊອກໃຫ້ໄດ້ແກ້ ໄຂໃຫ້ທັນເວລາ ໃຫ້ຖືກຕ້ອງ, ຮັດກຸ່ມຕາມກົດໝາຍ ແລະ ເພື່ອກຽມຄວາມພ້ອມໃຫ້ກອງປະຊຸມໃຫຍ່ສາມຂັ້ນຂອງແຂວງ ໃຫ້ຮັບປະກັນໄດ້ຄວາມສະຫງົບ, ຄວາມເປັນລະບຽບຮຽບຮ້ອຍຂອງສັງຄົມ ເພື່ອສ້າງເງື່ອນໄຂອຳນວຍຄວາມສະດວກໃຫ້ແກ່ການະພັດທະນາເສດຖະກິດ ພາຍໃນແຂວງສະຫວັນນະເຂດ ໃຫ້ຈະເລີນເຕີບໃຫຍ່ຂຶ້ນເລື່ອຍໆ.
