ໃນວັນທີ 11 ພະຈິກ 2024 ນີ້ ຄະນະພັກ-ຄະນະກົມໃຫ່ຍພະລາທິການ ກະຊວງປ້ອງກັນຄວາມສະຫງົບ ໄດ້ລົງຕິດຕາມກວດກາ ຊຸກຍູ້ວຽກງານຫ້ອງພະລາທິການ ປກສ ແຂວງສະຫວັນນະເຂດ, ນໍາໂດຍ ພົຈວ ພູທອນ ພົນໂພສີລາຫົງ ຮອງຫົວໜ້າກົມໃຫ່ຍພະລາທິ ການ ກະຊວງປ້ອງກັນຄວາມສະຫງົບ ພ້ອມຄະນະ, ໂດຍການຕ້ອນຮັບຂອງ ພັອ ສັງທອງ ສີປະເສີດ ຮອງຫົວໜ້າກອງບັນຊາການ ປກສ ແຂວງສະຫວັນນະເຂດ, ມີບັນດາຫ້ອງອອ້ມຂ້າງກອງບັນຊາການ ປກສ ແຂວງ,ປກສ 14 ຕົວເມືອງ ແລະ 1 ນະຄອນ ເຂົ້າ ຮ່ວມ.
ພັທ ຄໍາສະໝອງດີ ແກ້ວມະນີວົງ ຫົວໜ້າຫ້ອງພະລາທິການ ກອງບັນຊາການ ປກສ ແຂວງ ໄດ້ລາຍງານສະພາບລວມໂດຍຫຍໍ້ ໃນການຈັດຕັ້ງປະຕິບັດວຽກງານພະລາທິການ ໃນໄລຍະ 10 ເດືອນຜ່ານມາ ໂດຍຍົກໃຫ້ເຫັນດ້ານດີຜົນງານແລະບາງບົດຮຽນທີ່ຖອດ ຖອນໄດ້ ເປັນຕົ້ນແມ່ນ ການຈັດຕັ້ງປະຕິບັດຄ່າທໍານຽມເງິນ ໃນປີ 2024 ປະຕິບັດມອບເຂົ້າງົບປະມານແຫ່ງຊາດ ໂດຍຜ່ານສ່ວຍ ສາອາກອນ ແຂວງ ( ແຕ່ ເດືອນ 01 – 10 ) ໄດ້ທັງໝົດຈໍານວນ 1.648.377.000 ກີບ,ຖ້າທຽບໃສ່ແຜນປີ 2024 ແມ່ນສາມາດຈັດ ຕັ້ງປະຕິບັດໄດ້ເທົ່າກັບ 43,63 % ,ເງິນຄ່າບໍລິການປີ 2024 ໄດ້ ທັງໝົດຈໍານວນ 11.865.857.000 ກີບ, ມອບເກີນແຜນໃນປີ 2024 ຈໍານວນ 10.390.788.000 ກີບ ລວມທັງໝົດ ຈໍານວນ 22.265.645.000 ກີບ, ຖ້າທຽບໃສ່ແຜນປີ 2024 ແມ່ນສາມາດຈັດຕັ້ງປະຕິບັດເກີນ ແຜນໄດ້ເທົ່າກັບ 124,94 %, ກອງບັນຊາການ ປກສ ແຂວງ ໄດ້ຈັດຕັ້ງປະຕິບັດມອບເຂົ້າງົບ ປະມານ ແຫ່ງ ຊາດ ໂດຍຜ່ານກົມໃຫຍ່ພະລາທິການ ( ແຕ່ເດືອນ 01 – 10 ) ໄດ້ທັງໝົດ ຈໍານວນ 855.031.000 ກີບແລະ ວຽກງານອື່ນກໍມີຜົນ ສຳເລັດ.
ຈາກນັ້ນ, ພັອ ລໍາພູ ຈັນທະວີໄຊ ຮອງຫົວໜ້າຫ້ອງການກົມໃຫ່ຍພະລາທິການ ກໍໄດ້ເຜີຍແຜ່ເນື້ອໃນເອກະສານ ແຈ້ງການ ເພີ່ມທະວີຍົກສູງຄວາມຮັບພິຊອບໃນການສ້າງພະລາທິການກັບທີ່ ຕາມທິດເຜິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນ ເອງ ສະບັບເລກທີ 39/ປກສ, ລົງວັນທີ01ສິງຫາ2024. ຈາກນັ້ນ,ທ່ານ ຄໍາມະນີ ຈັນມະນີວົງ ຮອງຫົວໜ້າກົມການເງິນ ໄດ້ຜ່ານເອກສານ ຄໍາສັ່ງວ່າດ້ວຍການຄຸ້ມຄອງແລະການຈັດເກັບລາຍຮັບວິຊາການ,ຄ່າປັບໃໝ, ຄ່າບໍລິການລະບົບກວດກາຂໍ້ມູນ ຜູ້ໂດຍສານ ແລະ ລາຍຮັບທີ່ເກີດຂຶ້ນໃໝ່ເຂົ້າສູ່ລະບົບລວມສູນຜ່ານປະຕູດຽວ ໃນກໍາລັງປ້ອງກັນຄວາມສະຫງົບ(ສະບັບປັບປຸງ) ສະບັບເລກທີ37/ປກສ, ລົງວັນທີ25ກໍລະກົດ2024 ແລະ ເອກະສານ ຄໍາແນະນໍາ ການຈັດຕັ້ງປະຕິບັດ ຂໍ້ຕົກລົງ ວ່າດ້ວຍອັດຕາການປະກອບເຄື່ອງແບບ,ເຄື່ອງໝາຍ ແລະເຄື່ອງອຸປະໂພກຂອງກໍາລັງປ້ອງກັນຄວາມສະຫງົບ ປະຊາຊົນ ສະບັບເລກທີ 1691/ກພລ,ລົງວັນທີ 24 ມິຖຸ ນາ 2024.
ໂອກາດດຽວກັນນີ້, ພຈົວ ພູທອນ ພົນໂພສີລາຫົງ ກໍໃຫ້ກຽດໂອລົມ ແລະ ໃຫ້ທິດຊີ້ນຳຫຼາຍວຽກງານ ເຊິ່ງກ່ອນອື່ນ ທ່ານຍັງໄດ້ສະ ແດງຄວາມຍ້ອງຍໍຊົມເຊີຍ ຕໍ່ຜົນງານທີ່ເຮັດໄດ້ໃນໄລຍະຜ່ານມາ ພ້ອມທັງເນັ້ນໃຫ້ຄະນະພັກ-ຄະນະບັນຊາ, ນາຍ ແລະ ພົນຕຳຫຼວດ ຫ້ອງພະລາທິການ ຈົ່ງເອົາໃຈໃສ່ເຮັດໜ້າທີ່ຕໍ່ວຽກງານການເມືອງ-ແນວຄິດ ຢູ່ໃນກໍາລັງໃຫ້ມີຄວາມໜັກແໜ້ນ, ເຂັມແຂງ, ເຮັດສໍາເລັດ ຕາມການຈັດຕັ້ງມອບໝາຍໃຫ້ ແລະ ຮັບປະກັນການຈັດຕັ້ງປະຕິບັດລາຍຮັບລາຍຈ່າຍໃຫ້ຖືກຕ້ອງ ແລະ ສອດຄ່ອງຕາມນິຕິກຳ, ການຄຸ້ມຄອງພື້ນຖານໂຄງລ່າງ ໃຫ້ຖືກຕາມຫຼັກການວິຊາສະເພາະ ແລະ ການສ້າງພະລາທິການກັບທີ່ ເພື່ອເປັນການສ້າງລາຍຮັບກຸ້ມຕົນເອງ.
