ໃນຕອນເຊົ້າຂອງວັນທີ 23 ຕຸລາ 2024, ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັນ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ໄດ້ຕ້ອນຮັບ ສະຫາຍ ພົນເອກ ຟານວັນຢາງ ກຳມະການກົມການເມືອງສູນກາງພັກກອມມູນິດຫວຽດນາມ ລັດຖະມົນຕີກະຊວງປ້ອງກັນປະເທດ ແຫ່ງ ສສ ຫວຽດນາມ ພ້ອມດ້ວຍຄະນະ ໃນໂອກາດຈັດກອງປະຊຸມພົບປະແລກປ່ຽນມິດຕະພາບປ້ອງກັນຊາຍແດນ ( ບໍລິເວນຫຼັກໝາຍ 255 ) ລາວ-ຫວຽດນາມ ຄັ້ງທີ II ຢູ່ທີ່ດ່ານປ່າຮ່າງ ເມືອງສົບເບົາ ແຂວງຫົວພັນ-ດ່ານລ່ອງເສີບ ເມືອງມົກເຈົ່າ ແຂວງເຊິນລາ.
ໂອກາດນີ້, ທ່ານລັດຖະມົນຕີກະຊວງປ້ອງກັນປະເທດທັງສອງຝ່າຍ ໄດ້ຮັບຟັງການລາຍງານຈາກທ່ານຮອງຫົວໜ້າກອງບັນຊາການທະຫານຊາຍແດນ ແຂວງຫົວພັນ ສປປ ລາວ, ພ້ອມທັງເຄົາລົບ ແລະ ທາສີຫຼັກໝາຍລາວ-ຫວຽດນາມ, ມອບຂອງຂວັນ ແລະ ຮ່ວມຮັບຊົມການສະແດງລາດຕະເວນຮ່ວມຂອງສອງຝ່າຍ ແລະ ປູກຕົ້ນໄມ້ຕົ້ນໄມ້ມິດຕະພາບ.
ນອກນັ້ນ, ທັງສອງຝ່າຍ, ຍັງໄດ້ເດີນທາງໄປຢ້ຽມຊົມ ໂຮງຮຽນປະຖົມ-ມັດທະຍົມບ້ານປ່າຮ່າງ ແລະ ເຂົ້າຮ່ວມວາງສີລາລຶກໂຄງການກໍ່ສ້າງສໍານັກງານກອງຮ້ອຍທະຫານຊາຍແດນ 214 ນຳອີກ.
