ກະຊວງ ປກສ ໄດ້ຈັດຂຶ້ນໃນວັນທີ 30 ຕຸລາ 2024, ໂດຍການເປັນປະທານຂອງ ສະຫາຍ ພັອ ຄຳແຝງ ວັນດີໄຊ ເລຂາຄະນະຮາກຖານ ຫົວໜ້າກົມຄົ້ນຄວ້າວິທະຍາສາດ ແລະ ປະຫວັດສາດ, ເປັນກຽດເຂົ້າຮ່ວມໂດຍ ສະຫາຍ ພົຕ ສຸວັນນີ ສີສຸພາບມີໄຊ ຄະນະປະຈຳພັກກະຊວງ ຫົວໜ້າກົມໃຫຍ່ການເມືອງ ກະຊວງ ປກສ, ມີບັນຄະນະພັກ-ຄະນະບັນຊາ ແລະ ສະມາຊິກພັກພາຍໃນກົມເຂົ້າຮ່ວມ.
ພັອ ຄຳແຝງ ວັນດີໄຊ ກ່າວວ່າ: ໃນໄລຍະ 5 ປີຜ່ານມາ, ຄະນະພັກ-ຄະນະບັນຊາແຕ່ລະຂັ້ນ ໄດ້ເອົາໃຈໃສ່ໃນການນໍາພາເຄື່ອນໄຫວວຽກງານວິຊາສະເພາະ ຕາມພາລະບົດບາດ, ຂອບເຂດສິດ ແລະ ໜ້າທີ່ຂອງຕົນ, ຕິດພັນກັບການປະຕິບັດວຽກ ງານທີ່ກະຊວງ ແລະ ຂັ້ນເທິງມອບໝາຍ ມີຜົນສຳເລັດໃນຫຼາຍດ້ານ, ເຊິ່ງວຽກງານພົ້ນເດັ່ນແມ່ນໄດ້ຄົ້ນຄວ້ານໍາສະເໜີ ຂັ້ນເທິງບັບປຸງສະພາວິທະຍາສາດປ້ອງກັນຄວາມສະຫງົບ, ຈັດກອງປະຊຸມສໍາມະນາວິທະຍາສາດລະດົມ ຄວາມຄິດເຫັນຢູ່ສູນ ກາງ ແລະ ທ້ອງຖິ່ນກ່ຽວກັບການປັບປຸງກົງຈັກການຈັດຕັ້ງຍຸບບັນດາກົມໃຫຍ່ຂຶ້ນກັບກະຊວງປ້ອງກັນຄວາມສະຫງົບ, ຈັດກອງປະຊຸມສະພາວິທະຍາສາດຮັບຮອງວຽກງານສໍາຄັນຂອງກະຊວງ, ກົມກອງອ້ອມຂ້າງກະຊວງ ແລະ ຫົວຂໍ້ຈົບຊັ້ນຂຶ້ນປະ ລິນຍາຕີ, ປະລິນຍາໂທຂອງສອງວິທະຍາຄານ, ຮັບຮອງກາໝາຍເລົ່າວິຊາສະເພາະຂອງກົມ 512, ກົມສື່ສານ, ກອງບັນຊາ ການປ້ອງກັນທີ່ຕັ້ງ, ກົມຕຳຫຼວດຈະລາຈອນ, ເຄື່ອງແບບຊຸດລາຍຂອງກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ, ສົມ ທົບພາກສ່ວນກ່ຽວຂ້ອງຄົ້ນຄວ້າ 3 ຫົວຂໍ້ວິທະຍາສາດປ້ອງກັນຄາມສະຫງົບ, ຂຽນຂາວລົງເວບໄຊ ຂອງກົມ ຈໍານວນ 150 ຫົວຂໍ້, ຈັດຕັ້ງປະຕິບັດໂຄງການຮ່ວມມືຄົ້ນຄວ້າຍຸດທະສາດສະພາບແວດລ້ອມຄວາມໝັ້ນຄົງໃນພາກພື້ນອາຊີ-ປາຊີ ຟິກ ທີ່ສົ່ງຜົນກະທົບຕໍ່ຜົນປະໂຫຍດຂອງລາວ ແລະ ຫວຽດນາມ ຮອດປີ 2030 ໂດຍຜ່ານຄະນະສະພາວິທະຍາສາດກະຊວງປ້ອງ ກັນຄວາມສະຫງົບລາວ ແລະ ກະຊວງປ້ອງກັນຄວາມສະຫງົບຫວຽດນາມ ຮັບຮອງຜົນສຳເລັດການຄົ້ນຄວ້າຍຸດທະສາດດັ່ງກ່າວຢູ່ລາວ, ຄົ້ນຄວ້າຄໍາສັ່ງ ຂອງລັດຖະມົນຕີ ວ່າດ້ວຍການກຳນົດພື້ນທີ-ຈຸດຫຼໍ່ແຫຼມ, ເປົ້າໝາຍຕໍ່ສູ້, ຫຼັກການເຄື່ອນໄຫວ, ວິທີການພື້ນຖານ ແລະ ບັນດາວຽກງານປ້ອງກັນຄວາມສະຫງົບຈຸດສຸມໃນສະພາບການໃໝ່ ແລະ ອອກຄໍາແນະນໍາໃຫ້ກົມກອງ-ທ້ອງຖິ່ນຈັດຕັ້ງຜັນຂະຫຍາຍເຂົ້າໃນວຽກງານຂອງຕົນ, ຄົ້ນຄວ້າຮຽບຮຽງປະຫວັດສາດຄະນະຊ່ຽວຊານກະຊວງປ້ອງ ກັນຄວາມສະຫງົບຫວຽດນາມ ປະຈຳຢູ່ ສປປ ລາວ ແຕ່ ປີ 1961-2016, ສະຫຼຸບເຫດການປະຫວັດສາດການສະກັດກັ້ນ ແລະ ແກ້ໄຂການປຸ້ນສະດົມຢູ່ດ່ານສາກົນວັງເຕົ່າ ເມືອງໂພນທອງ ແຂວງຈຳປາສັກ ປີ 2000 ແລະ ສະຫຼຸບເຫດການດໍາເນີນແກ້ໄຂຄະດີປຸ້ນເງິນ 2 ລ້ານໂດລາສະຫະລັດ ຢູ່ກໍາແພງນະຄອນວຽງຈັນ ປີ 1992, ພ້ອມທັງຮັບແຂກເຂົ້າຊົມຫໍພິພິທະພັນ ປກສ ເນື່ອງໃນວັນສໍາຄັນຕ່າງໆ ຂອງພັກຂອງຊາດ ແລະ ຂອງກຳລັງປະກອບອາວຸດ ຈໍານວນ 460 ຄະ ນະ, ລວມ 18.713 ຄົນ, ແຂກຕ່າງປະເທດ ຈໍານວນ 966 ຄົນ.
ໃນກອງປະຊຸມ, ຄະນະພັກຮາກຖານຊຸດເກົ່າໄດ້ຂຶ້ນກ່າວລາໜ້າທີ່ ແລະ ໄດ້ມີການປ່ອນບັດເລືອກເອົາຄະນະພັກຮາກຖານກົມຄົ້ນຄວ້າວິທະຍາສາດ ແລະ ປະຫວັດສາວດຊຸດໃໝ່ ເຊິ່ງມີຜູ້ລົງສະໝັກ ຈໍານວນ 9 ສະຫາຍເລືອກເອົາ 7 ສະຫາຍ, ຜ່ານການປ່ອນບັດເລືອກໄດ້ ສະຫາຍ ພັອ ປອ ຄຳແຝງ ວັນດີໄຊ ເປັນເລຂາຄະນະພັກຮາກຖານ, ສະຫາຍ ພັອ ທັດສະພອນ ວົງພະຈັນ ເປັນຮອງເລຂາ, ສະຫາຍ ພັອ ທົງສະຫວັດ ຫຼວງຈັນດາວົງ ເປັນຄະນະ ທັງເປັນປະທານກວດກາ, ສະຫາຍ ພັອ ອຸ່ນເຮືອນ ອຸດົມສິດ ເປັນຄະນະ, ສະຫາຍ ພັທ ຄຳສິງ ເມືອງເໜືອ ເປັນຄະນະ, ສະຫາຍ ພັອ ນາງ ແກ້ວອຸດອນ ແກ້ວລາວົງ ເປັນຄະນະ ທັງເປັນຮອງປະທານກວດກາ, ສະຫາຍ ພັທ ພອນສຸກ ລິນທະວົງສາ ເປັນຄະນະ.
