ໃນວັນທີ 24 ຕຸລາ 2024 ທີ່ກະຊວງປ້ອງກັນຄວາມສະ ຫງົບ ໄດ້ຈັດກອງປະຊຸມ ກະຊວງພາຍໃນຕິດຕາມຊຸກຍູ້ຂະບວນການແຂ່ງຂັນ ຮັກຊາດ ແລະ ພັດທະນາ ຂອງກະຊວງປ້ອງກັນຄວາມສະຫງົບ, ໂດຍການເປັນປະທານຮ່ວມຂອງທ່ານ ພົນຕີ ສົມວັນ ສາຍລ້ອງພາ ຮອງລັດຖະ ມົນຕີກະຊວງປ້ອງກັນຄວາມສະຫງົບ ແລະ ທ່ານ ນາງ ລີວົງ ລາວລີ ຮອງລັດຖະມົນຕີກະຊວງພາຍໃນ ພ້ອມດ້ວຍຄະນະກົມແຂ່ງຂັນຍ້ອງຍໍ, ມີບັນດາຕາວໜ້າກົມໃຫຍ່, ຫ້ອງວ່າການກະຊວງ, ກົມ, ກອງບັນຊາການ, ວິທະຍາ ຄານ, ປກສ ນະຄອນຫຼວງວຽງຈັນ ຕະຫຼອດຮອດພະນັກ ງານຫຼັກແຫຼ່ງ ນາຍ ແລະ ພົນຕໍາຫຼວດ ເຂົ້າຮ່ວມ.
ໃນກອງປະຊຸມ, ພົນຈັດຕະວາ ໜູໃບ ອິນທິສານ ຮອງຫົວ ໜ້າກົມໃຫຍ່ການເມືອງປ້ອງກັນຄວາມສະຫງົບ ໄດ້ລາຍ ງານໃຫ້ຮູ້ຜົນການຈັດຕັ້ງປະຕິບັດຂະບວນການຂໍ້ແຂ່ງຂັນ ຮັກຊາດ ແລະ ພັດທະນາ ຂອງກຳລັງປ້ອງກັນຄວາມສະຫງົບ ໄລຍະ 2020-2025, ເພື່ອປະຕິບັດລັດຖະດຳລັດຂອງປະທານປະເທດ ສະບັບເລກທີ 011/ປປທ, ລົງວັນທີ 20 ມັງກອນ 2010 ວ່າດ້ວຍການເປີດຂະບວນການແຂ່ງ ຂັນ ຮັກຊາດ ແລະ ພັດທະນາ ທົ່ວປະເທດ ໃນໄລຍະໃໝ່ ແລະ ໄດ້ຮັບຄໍາສັ່ງ ແນະນໍາກ່ຽວກັບການຈັດຕັ້ງຜັນຂະ ຫຍາຍຜົນສຳເລັດກອງປະຊຸມວຽກງານກໍ່ສ້າງຮາກຖານການເມືອງຕິດພັນກັບວຽກງານພັດທະນາຊົນນະບົດຮອບດ້ານແກ້ໄຂຄວາມທຸກຍາກ ແລະ ວຽກງານ 3 ສ້າງ ສະບັບເລກທີ 233/ຄລສພ, ລົງວັນທີ 7 ພະຈິກ 2022; ກະຊວງປ້ອງກັນຄວາມສະຫງົບ ຈຶ່ງໄດ້ອອກຂໍ້ຕົກລົງວ່າດ້ວຍການແຕ່ງຕັ້ງອະນຸກຳມະການກະກຽມເປີດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ ຕິດພັນກັບວຽກງານ 3 ສ້າງ, ວຽກງານແຂ່ງຂັນ-ຍ້ອງຍໍ ຮັກຊາດ ແລະ ພັດທະ ນາ ສະບັບເລກ ທີ 619/ປກສ, ລົງວັນທີ 04 ເມສາ 2023; ຜ່ານການຈັດຕັ້ງປະຕິບັດວຽກງານຕົວຈິງ ເຮັດໃຫ້ກຳລັງປ້ອງກັນຄວາມສະຫງົບ ສາມາດເຮັດສຳເລັດໜ້າທີ່ການເມືອງຂອງຕົນ ສະແດງອອກໃນບົດສະຫຼຸບ ຂະບວນການແຂ່ງຂັນ ຮັກຊາດ ແລະ ພັດທະນາ ຄົບຮອຍ 5 ປີ (2016- 2020) ແລະ ເປັນໄລຍະເວລາທີ່ກະຊວງປ້ອງກັນຄວາມສະຫງົບ ໄດ້ສ້າງຂະບວນການສະເຫຼີມສະຫຼອງ ວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 60 ປີ ໃນຄັ້ງນີ້ ຈຶ່ງໄດ້ຮັບການຍ້ອງຍໍສັນລະເສີນຈາກ ພັກ-ລັດຖະບານ ຫຼາຍຂັ້ນ, ຫຼາຍລະດັບ; ໃນນີ້ ມີຍ້ອງຍໍບຸກຄົນ 34,793 ສະຫາຍ ແລະ 504 ກົມກອງ; ນອກຈາກນີ້ ຍັງໄດ້ປະດັບຍ້ອງຍໍ ຫຼຽນໄຊພິລະອາດຫານ ໃຫ້ນາຍ ແລະ ພົນຕຳຫຼວດ ທີ່ລົງກໍ່ສ້າງຮາກຖານ ກຳນົດ 5 ປີ ຈໍານວນ 1,230 ທ່ານ, 25 ກົມກອງ ແລະ ໃບຍ້ອງຍໍກະຊວງ 183 ທ່ານ; ຜ່ານການຈັດຕັ້ງປະຕິບັດເນື້ອໃນຂໍ້ແຂ່ງຂັນ ຮັກຊາດ ແລະ ພັດທະ ນາ ຂອງກຳລັງປ້ອງກັນຄວາມສະຫງົບ ປະຈຳປີ 2023 ສາມາດຕີລາຄາຈັດແບ່ງປະເພດໄດ້ດັ່ງນີ້: ປະເພດແຂງ: 54,395 ສະຫາຍ, ຍິງ 10,558 ສະຫາຍ; ປະເພດກາງ: 3,317 ສະຫາຍ, ຍິງ 548 ສະຫາຍ.
ທ່ານຮອງຫົວໜ້າກົມໃຫຍ່ການເມືອງປ້ອງກັນຄວາມສະຫງົບ ກ່າວຕື່ມວ່າ: ຜົນງານການຍ້ອງຍໍດັ່ງກ່າວ ແມ່ນສະແດງເຖິງຄວາມເປັນຫ່ວງ, ເປັນໄຍ, ຄວາມເຊື່ອໝັ້ນໄວ້ວາງໃຈ ຈາກ ພັກ-ລັດ; ດັ່ງນັ້ນ, ນາຍ ແລະ ພົນຕຳຫຼວດທຸກເຫຼົ່າລົບວິຊາສະເພາະໃນກຳລັງປ້ອງກັນຄວາມສະຫງົບ ຕ້ອງໄດ້ ເພີ່ມທະວີຄວາມບຸກບືນ, ຫ້າວຫັນ, ອົດທົນຍອມເສຍສະຫຼະທຸກສິ່ງຢ່າງ ເພື່ອປະຕິບັດໜ້າທີ່ການເມືອງຂອງຕົນໃຫ້ມີຜົນສຳເລັດ ສືບຕໍ່ຊຸກຍູ້ຂະບວນການແຂ່ງຂັນ ຮັກຊາດ ແລະ ພັດທະນາ ຕິດພັນກັບວຽກງານ ປ້ອງກັນຄວາມສະຫງົບ ໄດ້ຮັບການພັດທະນາ ຮອດປີ 2025 ກໍຄືໃນຕໍ່ໜ້າ ແລະ ຍາວນານ.
44
