ວັນທີ 23 ຕຸລາ 2024, ພົອ ວິໄລ ຫຼ້າຄຳຟອງ ກຳມະ ການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະ ມົນຕີກະຊວງປ້ອງກັນຄວາມສະຫງົບ ສປປ ລາວ ພ້ອມດ້ວຍຄະນະ ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ຫວໍ ຈ້ອງ ຮາຍ ຮອງເລຂາພັກແຂວງ ເຈົ້າແຂວງຮ່າຕິ້ງ ປະທານຄະນະກຳມະ ການປະຊາຊົນແຂວງຮ່າຕິ້ງ ສສ ຫວຽດນາມ ພ້ອມດ້ວຍຄະນະ ທີ່ເດີນທາງມາຢ້ຽມຢາມ ແລະ ເຮັດວຽກກັບການນຳແຂວງຄຳ ມ່ວນ, ແຂວງບໍລິຄຳໄຊ ແລະ ເຂົ້າຮ່ວມພິທີນຳໃຊ້ລະບົບຊົນ ລະປະທານ ທີ່ເມືອງໜອງບົກ ແຂວງຄຳມ່ວນ ແລະ ບາງທ້ອງຖິ່ນຂອງລາວ.
ທ່ານ ຫວໍ ຈ້ອງ ຮາຍ ໄດ້ລາຍງານຈຸດປະສົງຂອງການມາຢ້ຽມຢາມ ແລະ ຜົນຂອງການພົບປະກັບການນຳແຂວງຄຳມ່ວນ ແລະ ແຂວງບໍລິຄຳໄຊ ສປປ ລາວ ຕໍ່ການນຳກະຊວງປ້ອງກັນ ຄວາມສະຫງົບລາວ ເພື່ອຮັບຊາບ. ພ້ອມດຽວກັນນັ້ນ ເພື່ອເປັນການຮັດແໜ້ນສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງປະ ເທດ ລາວ-ຫວຽດນາມໃຫ້ແໜ້ນແຟ້ນຍິ່ງຂຶ້ນ.
ໃນໂອກາດນີ້, ພົອ ວິໄລ ຫຼ້າຄຳຟອງ ໄດ້ສະແດງຄວາມຕ້ອນຮັບອັນອົບອຸ່ນ ແລະ ຕີລາຄາສູງຕໍ່ ທ່ານ ຫວໍ ຈ້ອງ ຮາຍ ທີ່ໄດ້ລາຍງານຈຸດປະສົງຂອງການເດີ່ນທາງມາຢ້ຽມຢາມ ແລະ ເຮັດ ວຽກກັບການນຳບັນດາແຂວງຂອງລາວໃນຄັ້ງນີ້. ທັງນີ້, ເພື່ອເປັນ ການສືບຕໍ່ເສີມຂະຫຍາຍສາຍພົວພັນມິດຕະພາບ, ພິເສດຮອບດ້ານລະຫວ່າງສອງພັກ, ສອງລັດ, ປະຊາຊົນສອງຊາດ ລາວ -ຫວຽດນາມ ໃຫ້ໝັ້ນຄົງທະນົງແກ່ນຕະຫຼອດໄປ.
