ໃນວັນທີ 30 ກັນຍາ 2024, ພຣະອາຈານກິດຕິຍາໂນ (ພຣະອາຈານຕຸ້ຍ) ວັດນິມິດ ໂພທິຍານ ປະເທດໄທ, ພຣະອາຈານ ບຸນເພັງ ສີວິໄລ ວັດປ່າພະບາດ ພູເຂົາຄວາຍ, ຄອບຄົວ ທ່ານ ສິນໄຊ ເຊີນນະລາດ ແລະ ນາງ ທິດາພອນ ວ່ອງ, ຄອບຄົວ ທ່ານ ຊຽງວ່ອງ ແລະ ນາງ ທິດາພອນ ວ່ອງ, ຮ້ານຊຽງນ້ອຍ ການໄຟຟ້າ ພ້ອມດ້ວຍສິດສານຸສິດທຸກທ່ານ ໄດ້ມອບນໍ້າດື່ມ ຈໍານວນ 360 ແພັກ ລວມມູນຄ່າ 18.000.000 ກີບ ໃຫ້ຫ້ອງການເມືອງ ກົມໃຫຍ່ການເມືອງ ປກສ ເພື່ອປະກອບສ່ວນຊຸກຍູ້ວຽກງານປ້ອງກັນກອງປະຊຸມສຸດຍອດອາຊຽນ ຄັ້ງທີ 44-45 ທີ່ ສປປ ລາວໄດ້ຮັບກຽດເປັນເຈົ້າພາບ.
ພັອ ວັນນະເລດ ບຸດຕະວົງ ຫົວໜ້າຫ້ອງການເມືອງ ກົມໃຫຍ່ການເມືອງ ກະຊວງ ປກສ ຕາງໜ້າກ່າວຮັບ ພ້ອມທັງສະແດງຄວາມຂອບໃຈມາຍັງ ພຣະອາຈານ ແລະ ຮ້ານຊຽງນ້ອຍ ການໄຟຟ້າ ພ້ອມດ້ວຍທຸກທ່ານທີ່ໄດ້ປະກອບສ່ວນຊຸກຍູ້ນໍ້າດື່ມໃຫ້ ຫ້ອງການເມືອງ ປກສ ໃນຄັ້ງນີ້ ທີ່ເຫັນໄດ້ຄວາມໝາຍ-ຄວາມສໍາຄັນຂອງວຽກງານປ້ອງກັນຄວາມສະຫງົບ ເວົ້າລວມ, ເວົ້າສະເພາະ ແມ່ນວຽກງານປ້ອງກັນຂອງອ້າຍນ້ອງກໍາລັງ ປກສ ທີ່ໄດ້ປະຈໍາການຢູ່ແຕ່ລະຈຸດ.
ສໍາລັບນໍ້າດື່ມທີ່ຮັບໃນຄັ້ງນີ້ ແມ່ນຈະໄດ້ນໍາໄປມອບໃຫ້ອ້າຍນ້ອງປ້ອງກັນຢູ່ແຕ່ລະຈຸດ ທີ່ປະຈໍາການກຽມພ້ອມສູ້ຮົບຕະຫຼອດ 24 ຊົ່ວໂມງ ໃນໄລຍະການເປັນເຈົ້າພາບຈັດກອງປະຊຸມສຸດຍອດອາຊຽນ ຄັ້ງທີ 44-45 ທີ່ຈະຈັດຂຶ້ນໃນມໍ່ໆນີ້ ໃຫ້ທົ່ວເຖິງ.