ວິທະຍາຄານການເມືອງປ້ອງກັນຄວາມສະຫງົບ ໄດ້ປະກາດປັບປຸງການຈັດຕັ້ງຂັ້ນຫ້ອງ, ຄະນະວິຊາ ໃນວັນທີ 27 ກັນຍາ 2024, ໂດຍການເປັນກຽດເຂົ້າຮ່ວມຂອງ ພົຈວ ປອ ຫຸມພັນ ຜິວເຂັມພອນ ຮອງຫົວໜ້າກົມໃຫຍ່ການເມືອງປ້ອງກັນຄວາມສະຫງົບ ມີຄະນະອໍານວຍການຄູ-ອາຈານ ແລະ ນັກສຶກສາ ເຂົ້າຮ່ວມ.
ພັອ ວັນໄຊ ຈັນທະສຸກ ຮອງຫົວໜ້າກົມພະນັກງານ ກົມໃຫຍ່ການເມືອງປ້ອງກັນຄວາມສະຫງົບ ໄດ້ຜ່ານຂໍ້ຕົກລົງຂອງ ກົມໃຫຍ່ການເມືອງປ້ອງກັນຄວາມສະຫງົບ ວ່າດ້ວຍການຍົກຍ້າຍນາຍຕໍາຫຼວດທີ່ຂຶ້ນກັບ ວິທະຍາຄານການເມືອງປ້ອງກັນຄວາມສະຫງົບ; ໃນນີ້ແຕ່ງຕັ້ງ ພັທ ແສງແກ້ວ ພຸດທະວົງສາເປັນຮອງຫົວໜ້າຫ້ອງການ; ພັຕ ໄຊສະຫວາດ ສຸລິຍາ ເປັນຮອງຫົວໜ້າຫ້ອງການເມືອງ,ພັຕ ສໍລະສິດ ຈອມມະນີ ເປັນຮອງຫ້ອງພະລາທິການ; ຫ້ອງກໍ່ ສ້າງ ແລະ ຄຸ້ມຄອງຫຼັກສູດ ມີຄື: ພັທ ອ່ອນຈັນ ດວງມະນິດ ເປັນຫົວໜ້າ, ພັທ ນາງ ຕິ່ງຄໍາ ຈິດຕະວົງ ເປັນຮອງ, ພັທ ສົມຫວັງ ດີມະນີພັນ ເປັນຮອງ; ຫ້ອງຄຸ້ມຄອງວິທະຍາສາດ ມີຄື:ພັທ ປອ ຕູ້ ດວງມະນີ ເປັນຫົວໜ້າ, ພັຕ ແສງໂຮມ ດີມະນີວົງ ເປັນຮອງ; ແຕ່ງຕັ້ງ ພັຕ ວອນທອງ ດວງຈັນພົມ ເປັນຮອງຫ້ອງປະກັນຄຸນນະພາບການສຶກສາ, ແຕ່ງຕັ້ງ ພັທ ສີລິພົນ ອິນທະວົງ ເປັນຫົວໜ້າ, ພັທ ສົມສະໜຸກ ພົມມະຈັນ ເປັນຮອງຫ້ອງຂໍ້ມູນຂ່າວສານ;
ຫ້ອງຄຸ້ມຄອງນັກສຶກສາ ມີຄື: ພັທ ປອ ສົມສັກ ແສງອາພອນ ເປັນຫົວໜ້າ, ພັທ ສົມເພັດ ໄຊຍະແພງ ເປັນຮອງຄະນະປັດຊະຍາ; ແຕ່ງຕັ້ງ ພັຕ ສົມສັກ ວິມະຈິດຕະພົງ ເປັນຮອງ; ພັທ ປອ ພອນແສງ ພົງສະຫວັດ ເປັນຫົວໜ້າຄະນະລັດທິສັງຄົມວິທະຍາສາດ; ພັທ ສະໝັກໃຈ ປຸຍປະເສີດ ເປັນຮອງຄະນະວຽກງານພັກ-ວຽກງານການເມືອງ; ພັທ ປອ ນາງ ພູວັນ ສີພົນທະວີບຸນ ເປັນຮອງຄະນະບໍລິຫານລັດ.
