ກອງປະຊຸມໃຫຍ່ ຄັ້ງທີ IV ໜ່ວຍພັກຮາກຖານຄະນະວິຊາຕໍາຫຼວດປ້ອງກັນເສດຖະກິດ ວິທະຍາຄານ ຕໍາຫຼວດປະຊາຊົນ, ໄດ້ຈັດຂຶ້ນໃນວັນທີ 12 ກໍລະກົດ 2024, ໂດຍມີ ພັອ ບຸນຮຽງ ສອນສົມບັດ ຄະນະພັກ ຮອງອຳນວຍການວິທະຍາຄານຕຳ ຫຼວດປະຊາຊົນ, ມີບັນດາຄະນະໜ່ວຍພັກ, ສະມາຊິກພັກ, ພ້ອມດ້ວຍແຂກຮັບເຊີນ ເຂົ້າຮ່ວມ.
ໃນກອງປະຊຸມ, ສະຫາຍ ພັທ ສົມໝາຍ ອິນທະວີໄຊ ຮອງເລຂາໜ່ວຍພັັກຮາກຖານ ຄະນະວິຊາຕໍາຫຼວດປ້ອງກັນເສດຖະ ກິດ ໄດ້ຜ່ານບົດລາຍງານການເມືອງ, ເຊິ່ງໄດ້ຍົກໃຫ້ເຫັນຜົນງານດ້ານດີ, ດ້ານອ່ອນ, ຂໍ້ຄົງຄ້າງ ໃນການຈັດຕັ້ງປະຕິບັດວຽກ ງານດ້ານຕ່າງໆຂອງໜ່ວຍພັກຕະຫຼອດໄລຍະ 5 ປີຜ່ານມາ, ໜ່ວຍພັກໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ ດ້ວຍການຈັດຕັ້ງເຊື່ອມຊຶມບັນ ດາມະຕິ, ຄໍາສັ່ງຂອງພັກ ນາຍ ແລະ ພົນຕຳຫຼວດ, ລະບຽບກົດໝາຍຂອງລັດ, ເຮັດໃຫ້ສະມາຊິກພັກມີຄວາມຮັບຮູ້ເຂົ້າໃຈ ແລະ ເປັນເອກະພາບຕໍ່ແນວທາງນະໂຍບາຍຂອງພັກ, ມີນໍ້າໃຈຮັກຊາດ, ຮັກລະບອບໃໝ່, ມີຄວາມສາມັກຄີເປັນປຶກແຜ່ນໃນຄະນະໜ່ວຍພັກ, ຮັກສາໄດ້ຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດປອດໃສ, ທ່ຽງທຳ, ຢຶດໝັ້ນເດີນຕາມອຸດົມການສັງຄົມນິຍົມ-ລັດທິມາກ-ເລນິນ, ແນວຄິດ-ທັດສະນະຂອງ ທ່ານ ປະທານ ໄກສອນ ພົມວິຫານ ເພື່ອນໍາໄປມູນໃຊ້ໃຫ້ຖືກຕ້ອງ-ສອດຄ່ອງກັບເງື່ອນໄຂປ່ຽນແປງໃໝ່ໃນປັດຈຸບັນ ສະແດງອອກ ດ້ານວຽກງານວິຊາສະເພາະ ໄດ້ເອົາໃຈໃສ່ນໍາພາ-ຊີ້ນໍາສະມະຊິກພັກ, ນາຍ ແລະ ພົນຕຳຫຼວດ ເຄື່ອນໄຫວວຽກງານວິຊາສະເພາະສໍາເລັດ, ບັນລຸໄດ້ຕາມໂຄງການຫຼັກສູດການຮຽນ-ການສອນຂອງວິທະຍາຄານຕໍາຫຼວດປະຊາຊົນ ແລະ ຂອງຄະນະວິຊາວາງໄວ້; ພ້ອມນັ້ນ, ຍັງໄດ້ສຸມໃສ່ການຄົ້ນຄວ້າວິທະຍາສາດ, ແປເອກະສານ, ປັງປຸງຕຳລາສອນ ແລະ ແຕ່ງບົດສອນ ເພື່ອຮັບປະ ກັນໃຫ້ແກ່ການຮຽນ-ການສອນໃຫ້ມີຄຸນນະພາບໃໝ່ ຄື: ໄດ້ປັບປຸງຕຳລາ ໄດ້ 40 ຄັ້ງ, ແຕ່ງບົດສອນ 15 ບົດ, ຂຶ້ນຫ້ອງສິດສອນທັງສອງລະບົບຄື: ລະ ບົບເຊື່ອມຕໍ່, ລະບົບປະລິນຍາຕີກໍ່ສ້າງ, ຂະແໜງເສດຖະກິດລົງເລິກປະລິນຍາຕີ.
ນອກຈາກນີ້, ຍັງໄດ້ຮັບເຊີນໄປຂຶ້ນຫ້ອງສອນທີ່ສູນຝຶກອົບຮົມວິຊາສະເພາະ, ໂຮງຮຽນ ປກສ ຊັ້ນຕົ້ນປ້ອງກັນທີ່ຕັ້ງ, ໂຮງຮຽນ ປກສ ຊັ້ນຕົ້ນປ້ອງກັນສູນກາງ ແລະ ສອນບຳລຸງຊັ້ນສູງທີ່ ວສປ, ຄົ້ນຄວ້າວິທະຍາສາດ 45 ຄັ້ງ, ນໍາພານັກສຶກສາ ໄປທັດສະ ນະ ແລະ ພົບປະແລກປ່ຽນບົດຮຽນທາງດ້ານທິດສະດີ ແລະ ພຶດຕິກຳຕົວຈິງ ເປັນປົກກະຕິ.
ຊຸກຍູ້ຄູ-ອາຈານໄປພົວພັນລົງເກັບກຳຂໍ້ມູນ ແລະ ເຂົ້າຮວມເຮັດວຽກງານຕົວຈິງນໍາກົມ-ກອງວິຊາສະເພາະ ເພື່ອນໍາມາປັບປຸງບົດສອນຂອງຕົນໃຫ້ຖືກຕ້ອງສອດຄ່ອງກັບສະພາບຕົວຈິງໃນປັດຈຸບັນ.
ກອງປະຊຸມຄັ້ງນີ້ ຍັງໄດ້ປ່ອນບັດຄັດເລືອກເອົາຄະນະໜ່ວຍພັກຮາກຖານ ຄະນະວິຊາຕໍາຫຼວດປ້ອງກັນເສດຖະກິດ ຊຸດໃໝ່ ເຊິ່ງມີຜູ້ລົງສະໝັກ ສະຫາຍ, ເລືອກເອົາ 3 ສະຫາຍ, ຜ່ານການປ່ອນບັດກອງປະຊຸມໄດ້ເປັນເອກະສັນເລືອກເອົາ ສະຫາຍ ພັທ ປອ ຄໍາພັນ ນັນທະວົງ ເປັນເລຂາ, ສະຫາຍ ພັທ ສົມໝາຍ ອິນທະວີໄຊ ເປັນຮອງເລຂາ ແລະ ສະຫາຍ ພັຕ ໂນດ ຮຽນມີໄຊ ເປັນປະທານກວດກາ.
