ວັນທີ 10 ພຶດສະພາ 2024, ພົທ ກົງທອງ ພົງວິຈິດ ກໍາມະ ການສູນກາງພັກ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ເຄື່ອນໄຫວລົງສໍາຫຼວດເນື້ອທີ່ດິນສ້າງຕັ້ງບັນດາໂຄງການຮ່ວມມືລະຫວ່າງບໍລິສັດ ກັບກະຊວງປ້ອງກັນຄວາມສະຫງົບ ຢູ່ຫຼັກ 62 ເມືອງໂພນໂຮງ ແຂວງວຽງຈັນ ໂດຍມີ ພົຈວ ໜູຈອນ ກ້ອນທອງດໍາ ຫົວໜ້າກົມໃຫຍ່ພະລາທິການ, ມີຮອງຫົວໜ້າກົມໃຫຍ່ພະລາທິການ, ກົມຄຸ້ມຄອງການຜະລິດ-ທຸລະກິດ, ບັນດາບໍລິສັດ ແລະ ພະນັກງານວິຊາການເຂົ້າ ຮ່ວມ.
ການລົງກວດກາພື້ນທີ່ດິນຫຼັກ 62 ທີ່ກະຊວງ ປກສ ຄຸ້ມຄອງຕົວຈິງ, ພົຈວ ໜູຈອນ ກ້ອນທອງດໍາ ໄດ້ລາຍງານຕໍ່ ພົທ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ ພ້ອມຄະນະໃຫ້ຮັບຮູ້ຄວາມເປັນມາ ແລະ ແຜນການພັດທະນາວ່າ: ເນື້ອທີ່ດິນຫຼັກ 62 ເມືອງໂພນໂຮງ ແຂວງວຽງຈັນ ທີ່ກະຊວງປ້ອງກັນຄວາມສະຫງົບ ຄຸ້ມຄອງ, ອີງຕາມແຜນພັດທະນາຂອງກະຊວງ ເພື່ອຂົນຂວາຍສ້າງແຫຼ່ງລາຍຮັບຕາມທ່າແຮງ ແລະ ຕິດພັນກັບວຽກງານວິຊາສະເພາະ ແນໃສ່ເພື່ອລ້ຽງດູກຳລັງຕາມທິດເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ.
ຜ່ານມາ, ກະຊວງ ປກສ ໄດ້ເຊັນສັນຍາຮ່ວມມື ແລະ ບົດບັນທຶກຄວາມເຂົ້າໃຈ (MOU) ຮ່ວມກັບບັນດາບໍລິສັດ. ໃນນັ້ນ, ປະ ກອບມີ: ໂຄງການກໍ່ສ້າງຣີສອດລາວ ຄົບວົງຈອນ ຮ່ວມກັບ ບໍລິສັດ ທີ່ປຶກສາ ໄຂ່ມຸກຕາເວັນອອກ ຈຳກັດ; ໂຄງການພັດທະນາກະສິກຳທັນສະໄໝ, ພັດທະນາແຫຼ່ງທ່ອງທ່ຽວກະສິກຳ, ທຳມະຊາດ, ການກິລາ, ພັດທະນາພື້ນຖານໂຄງລ່າງ, ອະສັງຫາລິມະຊັບ ເເລະ ການບໍລິການຮ່ວມກັບ ບໍລິສັດ ນະຄອນຊຽງທອງ ຈຳກັດຜູ້ດຽວ; ໂຄງການສ້າງຟາມລ້ຽງສັດ ແບບຄົບວົງຈອນ ຮ່ວມກັບ ບໍລິສັດ ຄູນໂຊກ ເອັດເຄ ການຄ້າຂາອອກ-ຂາເຂົ້າ ຈຳກັດຜູ້ດຽວ ແລະ ໂຄງການສ້າງສູນດັດສ້າງພາກທີ່ຕິດພັນກັບໂຄງ ການລົງທຶນພັດທະນາ ດອນທ້າວ-ດອນນາງເປັນແຫຼ່ງທ່ອງທ່ຽວອັດ ສະລິຍະແບບຍືນຍົງ ແລະ ເປັນ ມິດກັບສິ່ງແວດ ລ້ອມ ຮ່ວມກັບ ບໍລິສັດ ນະຄອນຊຽງທອງ ຈຳກັດ ຜູ້ດຽວ.
ຈາກນັ້ນ, ທ່ານຮອງລັດຖະມົນຕີກະຊວງ ປກສ ພ້ອມຄະນະກໍ ໄດ້ສໍາຫຼວດເນື້ອທີ່ດິນໃນແຕ່ລະຈຸດທີ່ຈະສ້າງຕັ້ງແຕ່ລະໂຄງ ການ ຄື: ໂຄງການສ້າງຟາມລ້ຽງສັດແບບຄົບວົງຈອນ ຮ່ວມກັບ ບໍລິສັດ ຄູນໂຊກ ເອັດເຄ ການຄ້າຂາອອກ-ຂາເຂົ້າ ຈຳກັດຜູ້ດຽວ; ໂຄງການສ້າງສູນດັດສ້າງພາກທີ່ຕິດພັນກັບໂຄງການລົງທຶນພັດທະນາດອນ ທ້າວ-ດອນນາງ ເປັນແຫຼ່ງທ່ອງທ່ຽວອັດສະລິຍະແບບຍືນຍົງ ແລະ ເປັນມິດກັບສິ່ງແວດລ້ອມ ຮ່ວມກັບ ບໍລິສັດ ນະຄອນຊຽງທອງ ຈຳກັດຜູ້ດຽວ; ໂຄງການພັດທະ ນາກະສິກຳທັນສະໄໝ, ພັດທະນາແຫຼ່ງທ່ອງທ່ຽວກະສິກຳ, ທຳມະຊາດ, ການກິລາ, ພັດທະນາພື້ນຖານໂຄງລ່າງ, ອະສັງຫາລິມະຊັບ ເເລະ ການບໍລິການຮ່ວມກັບ ບໍລິສັດ ນະຄອນຊຽງທອງ ຈຳກັດຜູ້ດຽວ; ໂຄງການກໍ່ສ້າງຣີສອດລາວ ຄົບວົງຈອນ ຮ່ວມກັບ ບໍລິສັດ ທີ່ປຶກສາໄຂ່ມຸກຕາເວັນອອກ ຈຳກັດ.
