ໃນວັນທີ 18 ມີນາ 2024 ນີ້, ພົທ ເລື່ອງ ຕາມກວາງ, ຮອງລັດຖະມົນຕີກະຊວງປ້ອງກັນຄວາມສະຫງົບ ສສ ຫວຽດນາມ ພ້ອມດ້ວຍຄະນະ ໄດ້ນໍາລົດມາມອບໃຫ້ກະຊວງປ້ອງກັນຄວາມສະຫງົບ ສປປ ລາວ ເພື່ອປະກອບສ່ວນເຂົ້າໃນການຮັບໃຊ້ໃຫ້ແກ່ກອງປະຊຸມສຸດຍອດອາຊຽນ ທີ່ ສປປລ ລາວ ເປັນເຈົ້າພາບ ຈະຈັດຂຶ້ນໃນທ້າຍປີ 2024 ນີ້, ເຊິ່ງລົດທີ່ນໍາມາມອບໃນຄັ້ງມີທັງໝົດ 50 ຄັນ ໃນນີ້ມີ 30 ລົດເກັ່ງໄຟຟ້າ ຍີ່ຫໍ້ Vinfast ສີຂາວ ຈໍານວນ 20 ຄັນ ແລະ ລົດຈັກ ຍີ່ຫໍ້ HONDA CB 500X ຈໍາ ນວນ 30 ຄັນ.
ໂດຍການເປັນກຽດກ່າວຮັບຂອງ ພົອ ວິໄລ ຫຼ້າຄຳຟອງ ຮອງນາຍົກລັດຖະມົນຕີ, ລັດຖະມົນຕີ ກະຊວງປ້ອງກັນຄວາມສະ ຫງົບ ພ້ອມດ້ວຍຄະນະ ໂອກາດນີ້ທ່ານຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບ ໄດ້ສະແດງຄວາມຂອບໃຈຕໍ່ທາງກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ ທີ່ເຫັນໄດ້ຄວາມໝາຍຄວາມສໍາຄັນຂອງວຽກ ງານປ້ອງກັນຄວາມ ສະຫງົບ ແລະ ໄດ້ນໍາລົດມາມອບໃຫ້ໃນຄັ້ງນີ້ ເຊິ່ງລົດຈໍານວນດັ່ງກ່າວແມ່ນເປັນການປະກອບສ່ວນທີ່ສໍາຄັນ ເຂົ້າໃນການຮັບໃຊ້ໃນວຽກງານປ້ອງກັນແຂກທັງພາຍໃນ ແລະ ຕ່າງປະເທດ ທີ່ເດີນທາງມາເຂົ້າຮ່ວມກອງປະຊຸມສຸດຍອດອາຊຽນທີ່ ສາທາລະນະລັດ ປະຊາທິປະໄຕ ປະຊາຊົນລາວໄດ້ຮັບກຽດເປັນເຈົ້າພາບ ທີ່ຈະຈັດຂຶ້ນໃນທ້າຍປີ 2024 ນີ້, ເພື່ອຮັບປະກັນໄດ້ຄວາມສະຫງົບປອດໄພ ແລະ ມີຜົນສໍາເລັດຢ່າາຮອບດ້ານ.
