ກະຊວງ ປກສ ໄດ້ສະຫຼຸບ ແລະ ມອບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ອ້ອມຂ້າງກະຊວງ ປກສ ປະຈຳປີ 2023 ໃນວັນທີ 12 ມີນາ 2024, ເປັນປະທານໂດຍ ສະ ຫາຍ ພົທ ກົງທອງ ພົງວິຈິດ ກຳມະການສູນກາງພັກ ຮອງເລຂາຄະນະພັກ ຮອງລັດຖະມົນຕີກະຊວງ ປກສ, ມີບັນດາສະຫາຍໃນຄະນະພັກກະຊວງ, ກົມໃຫຍ່, ວິທະຍາຄານ, ກອງບັນຊາການ ແລະ ບັນດາໜ່ວຍພັກກົມກອງອ້ອມຂ້າງເຂົ້າຮ່ວມ.
ສະຫາຍ ພັອ ຫຸມພັນ ຜິວເຂັມພອນ ຄະນະປະຈຳພັກກົມໃຫຍ່ ຮອງຫົວໜ້າກົມໃຫຍ່ການເມືອງ ຫົວໜ້າກົມພັກ ໄດ້ຜ່ານບົດສະຫຼຸບ ໃຫ້ຮູ້ວ່າ: ໃນປີ 2023, ຄະນະພັກ-ຄະ ນະນໍາກະຊວງ, ຄະນະພັກ-ຄະນະບັນຊາ ແຕ່ລະຂັ້ນ ໄດ້ຖືສຳຄັນ ແລະ ເປັນຄວາມຮັບ ຜິດຊອບໂດຍກົງຕໍ່ການດຳເນີນການຄັດເລືອກໜ່ວຍພັກປອດໃສ ເຂັ້ມແຂງ ໜັກແໜ້ນ ໂດຍໄດ້ນໍາພາສ້າງແຜນການ, ຄາດໝາຍສູ້ຊົນ ແລະ ກຳນົດຂໍ້ແຂ່ງຂັນກັນໃນແຕ່ລະປີ; ໄດ້ນໍາພາສຶກສາອົບຮົມການເມືອງ-ນໍາພາແນວຄິດໃຫ້ແກ່ສະມາຊິກພັກ, ນາຍ ແລະ ພົນຕຳຫຼວດ ຢ່າງເປັນປົກກະຕິຕໍ່ເນື່ອງ, ນໍາພາສ້າງຂະບວນການດ້ານຕ່າງໆ ເປັນຕົ້ນແມ່ນຂະບວນການແຂ່ງຂັນກັນປະຕິບັດໜ້າທີ່ວິຊາສະເພາະ, ຂະ ບວນການແຂ່ງຂັນກັນປະຕິບັດລະບອບລະບຽບຂອງກຳລັງ, ຂະບວນການກິລາ, ສິລະປະວັນນະຄະດີ, ຮັກສາອະນາໄມ ແລະອື່ນໆ ຢ່າງເປັນຂະບວນຟົດຟື້ນ ແລະ ກວ້າງຂວາງ, ຕິດພັນກັບການຈັດຕັ້ງຜັນຂະຫຍາຍມະຕິກອງປະຊຸມຂອງຄະນະພັກແຕ່ລະຂັ້ນ, ບັນດາແຜນການ, ໂຄງການທີ່ຄະນະພັກຂັ້ນຕົນວາງອອກ ມີຜົນສຳເລັດຕາມຄາດໝາຍທີ່ວາງໄວ້; ການດຳເນີນຊີວິດການເມືອງຄັດເລືອກໜ່ວຍພັກປອດໃສເຂັ້ມແຂງ ໜັກແໜ້ນ ປະຈຳປີ ແມ່ນໄດ້ດໍາເນີນຕາມບາດກ້າວຂັ້ນຕອນ ກໍຄືນິຕິກຳທີ່ຂັ້ນເທິງວາງອອກ ໂດຍມີການຕິດຕາມຊຸກຍູ້, ກວດກາປະເມີນຜົນ; ໃນປີນີ້ ແມ່ນໄດ້ດຳເນີນໄປຄຽງຄູ່ກັບການຈັດຕັ້ງດໍາເນີນກອງປະຊຸມຄົບຄະນະກາງສະໄໝ ຂອງຄະນະພັກແຕ່ລະຂັ້ນ; ເຊິ່ງໄດ້ສະຫຼຸບຕີລາຄາການນໍາພາລວມ, ມີຕ້ານດີ, ດ້ານອ່ອນຂໍ້ຄົງຄ້າງ ແລະ ສຳຫຼວດກວດກາບຸກຄົນໃນຄະນະພັກ.
ຕະຫຼອດໄລຍະເຄິ່ງສະ ໄໝຜ່ານມາ, ຜ່ານການຈັດຕັ້ງດຳເນີນຕົວຈິງເຫັນວ່າມີການຫັນປ່ຽນ ຢ່າງຕັ້ງໜ້າ ແລະ ແຂງແຮງ, ຄະນະພັກ, ສະມາຊິກພັກ, ນາຍ ແລະ ພົນຕໍາຫຼວດທຸກສະຫາຍ ໄດ້ຍົກສູງຄວາມຮັບຜິດຊອບ ການເມືອງເປັນເຈົ້າການຢ່າງຕັ້ງໜ້າເຂົ້າຮ່ວມດຳເນີນຊີວິດການເມືອງສໍາຫຼວດກວດກາ, ຕີລາຄາແບ່ງປະເພດ ຕົນເອງ ຕາມ 5 ເນື້ອໃນທີ່ຂັ້ນເທິງວາງອອກ, ປະຕິບັດຫຼັກການຕຳນິຕິຊົມຕົນເອງ, ຕິຊົມເຊິ່ງກັນ ແລະ ກັນ ຈິງໃຈລາຍງານດ້ານຕີຜົນງານ ແລະ ດ້ານອ່ອນຂໍ້ຄົງຄ້າງ ທີ່ຈະຕ້ອງໄດ້ປັບປຸງແກ້ໄຂໃນຕໍ່ໜ້າ.
ຜ່ານການຕີລາຄາແບ່ງປະເພດສະມາຊິກພັກ ແລະ ຕີລາຄາການຄັດເລືອກໜ່ວຍພັກປອດໃສ ເຂັ້ມ ແຂງ ໜັກແໜ້ນ ປະຈຳປີ 2023 ມີດັ່ງນີ້: ຕີລາຄາແບ່ງປະເພດສະມາຊິກພັກ ຈຳ ນວນສະມາຊິກພັກທັງໝົດມີ 9.272 ສະຫາຍ ຍິງ 2.124 ສະຫາຍ, ໄດ້ແບ່ງປະເພດມີ 8.882 ສະຫາຍ ຍິງ 2.033 ສະຫາຍ, ບໍ່ໄດ້ແບ່ງ 390 ສະຫາຍ ຍິງ 91 ສະຫາຍ ( ຍົກຍ້າຍມາໃໝ່ ); ສະມາຊິກພັກແຂງ 8.608 ສະຫາຍ ຍິງ 1.971 ສະ ຫາຍ, ກວມ 96,91%, ສະມາຊິກພັກກາງ 244 ສະຫາຍ ຍິງ 60 ສະຫາຍ, ກວມ 2,74%.
ຕີລາຄາປະເພດຮາກຖານພັກ ທົ່ວອົງຄະນະພັກກະຊວງ ປກສ ມີ 13 ອົງຄະນະພັກ, ມີ 3 ຄະນະພັກຮາກຖານຂຶ້ນກັບ, ມີຮາກຖານພັກລວມທັງໝົດ 317 ຮາກຖານ, ໃນນັ້ນ, ມີຄະນະພັກຮາກຖານ 24 ຮາກຖານ, ໜ່ວຍພັກຮາກຖານ 170 ໜ່ວຍ, ໜ່ວຍພັກຂຶ້ນກັບຄະນະພັກຮາກຖານ 123 ໜ່ວຍ, ໄດ້ແບ່ງປະເພດ 276 ໜ່ວຍ, ບໍ່ໄດ້ແບ່ງປະເພດ 17 ໜ່ວຍ ( ສ້າງໃໝ່ ) ຜົນການຕີລາຄາແບ່ງປະເພດໜ່ວຍພັກລະອຽດ ດັ່ງນີ້:ໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2023 ມີ 213 ໜ່ວຍ, ກວມ 77,17%; ທຽບ ໃສ່ປີ 2022 ເພີ່ມຂຶ້ນ 4 ໜ່ວຍ ເທົ່າກັບ 1,91%, ໜ່ວຍພັກ ກາງ 62 ໜ່ວຍ, ກວມ 22,46%.
ທິດທາງແຜນການໃນຕໍ່ໜ້າ, ຈະສືບຕໍ່6. ອົາໃຈໃສ່ຊຸກຍູ້ຢ່າງແຂງແຮງການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳແຕ່ລະປີ ໃຫ້ຮັບປະກັນຄຸນນະພາບຢ່າງແທ້ຈິງ, ຕົ້ນຕໍແມ່ນເລັງໃສ່ກວດກາ ການສ້າງແຜນການ ແລະ ປະຕິບັດແຜນ ການ, ການຈັດຕັ້ງປະຕິບັດເນື້ອໃນ, ບາດກ້າວ ແລະ ຂັ້ນຕອນ, ຕີຕ້ານສະພາບການນໍາພາແບບລວມໆ, ຕີລາຄາແບບສະ ເລ່ຍ, ເຮັດແບບຜິວເຜີນ; ສ້າງໜ່ວຍພັກຕົວແບບໃຫ້ເປັນຮູບປະທຳຕົວຈິງ ເປັນຕົ້ນຕົວແບບທາງດ້ານການປະຕິບັດໜ້າທີ່ວຽກ ງານວິຊາສະເພາະ, ແຂ່ງຂັນກັນປະຕິບັດລະບຽບຂອງກໍາລັງ ແລະ ການສ້າງພະລາທິການກັບທີ່.
ຂ່າວ: ຄຳໂຖ
