ກອງບັນຊາການປ້ອງກັນສູນກາງ (ປກ) ກະຊວງ ປກສ ໄດ້ຈັດ ພິທີເຊື່ອມຊຶມເອກະ ສານສຶກສາອົບຮົມການເມືອງ-ແນວຄິດ ສໍາລັບສະມາຊິກພັກ, ນາຍຕຳຫຼວດ ຫຼັກແຫຼ່ງ ເພື່ອກຽມດໍາເນີນກອງປະຊຸມໃຫຍ່ 3 ຂັ້ນ ແລະ ບັ້ນດໍາເນີນຊີວິດການເມືອງທົ່ວກອງບັນຊາການ ໃນວັນທີ 23 ກຸມພາ 2024, ເປັນປະທານໂດຍ ສະຫາຍ ພົຈວ ສົມພົງ ຂໍາວິລຸນ ຄະນະພັກກະຊວງ ເລຂາຄະນະພັກ ຫົວໜ້າກອງບັນຊາການ ປກ, ມີຄະນະພັກ-ຄະນະກອງບັນຊາການ, ສະມາຊິກພັກ ແລະ ນາຍຕຳຫຼວດ ຫຼັກແຫຼ່ງທົ່ວກອງບັນຊາການ ເຂົ້າຮ່ວມ.
ເອກະສານທີ່ນໍາມາຈັດຕັ້ງເຊື່ອມຊຶມໃນຄັ້ງນີ້, ປະກອບມີເອກະສານຍົກສູງຄວາມສາ ມາດນໍາພາ ແລະ ຄວາມເປັນແບບຢ່າງນຳໜ້າຂອງພັກ, ເອກະສານເສີມຂະຫຍາຍທາດແທ້-ມູນເຊື້ອປະຕິວັດອັນສະຫງ່າງາມຂອງກຳລັງປ້ອງກັນຄວາມສະຫງົບປະຊາ ຊົນລາວ, ເອກະສານຕັ້ງໜ້າຝືກຝົນຫຼ່ໍຫຼອມຄຸນສົມບັດ, ສິນທຳປະຕິວັດ ແລະ ປັບ ປຸງແບບແຜນວິທີເຮັດວຽກຂອງນາຍ ແລະ ພົນຕໍາຫຼວດ ໃນໄລຍະໃໝ່, ຈັນຍາບັນຂອງນາຍ ແລະ ພົນຕຳຫຼວດ, ລະບຽບວິໄນຂອງກຳລັງປ້ອງກັນຄວາມຫງົບ ແລະ ຜ່ານຄໍາແນະນໍາກ່ຽວກັບການຂຽນໃບສຳຫຼວດຕົນເອງຂອງນາຍ ແລະ ພົນຕຳຫຼວດ ໃນການດຳເນີນຊີວິດການເມືອງປະຈຳປີ 2023.
ທັງນີ້, ກໍເພື່ອແນໃສ່ເຮັດໃຫ້ຄະນະພັກແຕ່ລະຂັ້ນຕະຫຼອດຮອດຖັນແຖວສະມາຊິກພັກນາຍຕຳຫຼວດຫຼັກແຫຼ່ງອ້ອມຂ້າງກອງບັນຊາການ ປກ ໄດ້ຮັບຮູ້, ເຂົ້າໃຈຢ່າງຖືກ ຕ້ອງ, ເລິກເຊິ່ງ ແລະ ກວ້າງຂວາງ ເພື່ອເປັນການປັບປຸງພາຍໃນພັກໃຫ້ມີຄວາມ ປອດໃສເຂັ້ມແຂງ ໜັກແໜ້ນ ຮັບປະກັນການກໍ່ສ້າງພັກຕາມ 5 ຫຼັກການ ແລະ 3 ທິດນໍາຂອງພັກ, ຖືກຕ້ອງຕາມກົດລະ ບຽບຂອງພັກ, ເພີ່ມທະວີຄວາມສາມັກຄີ ພາຍ ໃນ, ຍົກສູງຄວາມສາມາດນໍາ ພາ ແລະ ກໍາລັງແຮງສູ້ຮົບຂອງ ການຈັດຕັ້ງພັກ, ເສີມຂະຫຍາຍປະຊາທິປະໄຕ, ເຊີດຊູສະຕິປັນຍາ ແລະ ຄວາມຮັບຜິດຊອບຂອງຄະນະພັກ ແຕ່ລະຂັ້ນ ເພື່ອຄັດເລືອກບຸກຄະລາກອນທີ່ມີມາດຕະຖານ, ເງື່ອນໄຂຕາມທີ່ກຳນົດໄວ້,ຮັບປະກັນໃນການຈັດຕັ້ງປະຕິບັດເນື້ອໃນຄໍາສັ່ງແນະນໍາຂອງຄະນະບໍລິຫານງານພັກກະຊວງ ວ່າດ້ວຍການກະກຽມ ແລະ ດໍາເນີນກອງປະຊຸມໃຫຍ່ຂອງພັກແຕ່ລະຂັ້ນ ໃນທົ່ວອົງຄະນະພັກກະຊວງປ້ອງກັນຄວາມສະຫງົບ ໃຫ້ຖືກຕ້ອງ, ມີຄວາມເປັນເອ ກະພາບ, ທັນເວລາ ແລະ ໄດ້ຮັບຜົນດີ.
ຂ່າວ: ແກ້ວ
