ກົມສື່ສານ ກະຊວງປ້ອງກັນຄວາມສະຫງົບ ຈັດກອງປະຊຸມສະຫຼຸບວຽກງານສື່ສານທົ່ວປະເທດ ປະຈຳປີ 2023 ແລະ ທິດ ທາງແຜນການວຽກງານປີ 2024 ໃນວັນທີ 21 ກຸມພານີ້, ຢູ່ຫ້ອງປະຊຸມກົມສື່ສານ ໂດຍຜ່ານລະບົບກອງປະຊຸມວິດີໂອທາງ ໄກ, ເປັນປະທານໂດຍ ພົຈວ ແສງປະເສີດ ສຸທຳມະວົງ ຫົວໜ້າກົມສື່ສານ, ມີບັນດາຄະນະ ພັກ-ຄະນະກົມ, ຫົວໜ້າ-ຮອງ ພະແນກ, ພະແນກສື່ສານ ປກສ ແຂວງ ທົ່ວປະ ເທດ, ນາຍ ແລະ ພົນຕຳຫຼວດ ທົ່ວກົມສື່ສານ ເຂົ້າຮ່ວມ.
ໃນກອງປະຊຸມ, ພັທ ຄໍາຜາ ພົມມະສອນ ຫົວໜ້າຫ້ອງການກົມສື່ສານ ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານສື່ສານປ້ອງກັນຄວາມສະຫງົບ ວ່າ: ໃນໄລຍະ ຜ່ານມາ, ຄະນະພັກ-ຄະນະບັນຊາແຕ່ລະຂັ້ນໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ ນາຍ ແລະ ພົນຕຳຫຼວດ ໂດຍຕິດພັນກັບວຽກງານວິຊາສະເພາະ, ຄົ້ນຄວ້າບັນດາຄູ່ມືການນໍາໃຊ້, ບຳລຸງຮັກສາ, ຕິດຕັ້ງບັນດາເຄື່ອງຈັກອຸປະກອນເຕັກ ນິກສື່ສານຂອງບັນດາກົມກອງ, ທ້ອງຖິ່ນໃຫ້ມີຄວາມເປັນເອກະພາບຖືກຕ້ອງຕາມມາດຖານເຕັກນິກ, ນໍາໃຊ້ໃຫ້ມີປະສິດທິພາບສູງ, ສຸມໃສ່ການຄົ້ນຄວ້າປ່ຽນແທນເຄື່ອງຈັກສື່ສານ, ອຸປະ ກອນເຕັກນິກ, ອຸປະກອນສູນທີ່ເປ່ ເພຂອງບັນດາກົມກອງທ້ອງຖິ່ນ ເພື່ອແນໃສ່ການປັບປຸງຄຸນນະພາບ ໃນການຕິດຕໍ່ສື່ສານໃຫ້ມີຄວາມຮັບ ປະກັນ, ຕິດຕັ້ງເຄື່ອງວິທະຍຸສື່ສານໃສ່ລົດດັບເພີງໃຫ້ບັນດາ ປກສ ແຂວງພາກເໜືອ ຈຳນວນ 336 ເຄື່ອງ, ສຳເລັດການເປີດນໍາໃຊ້ເຄືອຂ່າຍລະຫວ່າງກົມສື່ສານປ້ອງກັນຄວາມສະຫງົບ ແລະ ກົມສື່ສານປ້ອງກັນປະເທດ, ໄດ້ເອົາໃຈໃສ່ຕິດ ຕາມກວດກາການເຮັດວຽກຂອງສູນວິທະຍຸສື່ສານທີ່ໄດ້ຕິດ ຕັ້ງໄປແລ້ວໃນທົ່ວປະເທດ 150 ເບດ ແລະ ໄດ້ຈັດສັນກຸ່ມຕິດຕໍ່ໃຫ້ ກົມກອງອ້ອມຂ້າງ ກະຊວງ, ກົມກອງທ້ອງຖິ່ນຄືນໃໝ່ (ສະເພາະ ປກສ ນະຄອນຫຼວງ 40 ກຸ່ມ), ປັບປຸງລະບົບວິທະຍຸຄື້ນຍາວ (HF) 9 ຄັ້ງ, ລົງປັບປຸງສູນວິທະຍຸ 1 ຄັ້ງ, ໄປຕິດຕັ້ງເບດໃໝ່ໃສ່ເມືອງໄຊຈຳພອນ ແຂວງບໍລິຄໍາໄຊ, ຍົກຍ້າຍເບດຢູ່ເມືອງບາຈຽງ ແຂວງຈຳ ປາສັກ, ຍົກຍ້າຍເບດຈາກເມືອງ ໂພນທອງ ມາຕິດຕັ້ງຢູ່ນະຄອນຫຼວງພະບາງ ແລະ ຕໍ່ເຕີມເສົາອັງແຕນຢູ່ດ່ານສາກົນບໍ່ເຕັນ, ເຂົ້າໂປຣແກຣມຈັກໃຫ້ກົມກອງອ້ອມຂ້າງ ກະຊວງ ແລະ ທ້ອງຖິ່ນໄດ້ 803 ເຄື່ອງ ແລະ ສ້ອມ ແປງເຄື່ອງຈັກ 58 ເຄື່ອງ ແລະ ປັບປຸງ ID ຢູ່ນະ ຄອນຫຼວງ 2 ຄັ້ງ, ປ່ຽນ Ups ລະບົບໄຟສໍາຮອງ, ຈັກປັ່ນໄຟຂອງສູນວິທະຍຸ 8 ຄັ້ງ, ສ້ອມແປງປ່ຽນຖ່າຍອາໄຫຼ່ວິທະຍຸ ແລະ ໝໍ້ດັດ (HF) ໃຫ້ທ້ອງຖິ່ນ 22 ເຄື່ອງ, ສ້ອມແປງຈັກ ແລະ ປ່ຽນແບັດເຕີ ລີ 40 ເຄື່ອງ, ສ້ອມແປງໝໍ້ແບ່ງ, ເຄື່ອງພະລັງງານແສງອາທິດ 6 ຄັ້ງ, ສ້ອມແປງໂທລະສັບໄດ້ 125 ຄັ້ງ, ສ້ອມແປງ ແລະ ຕິດຕັ້ງອິນເຕີເນັດ, ໄດ້ສົມທົບກັບບໍລິສັດຜູ້ໃຫ້ບໍລິການໂທລະຄົມໃນການຂຶ້ນທະບຽນເບີໂທລະສັບໃຫ້ກຳລັງປ້ອງກັນຄວາມສະຫງົບ 614 ເລກໝາຍ, ໄດ້ຈັດຕັ້ງປະຕິບັດໂຄງການຍົກລະດັບກ້ອງວົງຈອນປິດຢູ່ສຳນັກງານນາຍົກລັດຖະມົນຕີສຳເລັດ 80% ຂອງໜ້າວຽກທັງໝົດ ແລະ ຕິດຕັ້ງຂະຫຍາຍກ້ອງເພີ່ມຢູ່ນະຄອນຫຼວງວຽງຈັນ 61 ຈຸດ, ໄດ້ສຸມໃສ່ການຄຸ້ມຄອງ, ຕິດ ຕາມ, ກວດກາລະບົບຕາໜ່າງການຕິດຕໍ່ສື່ສານທາງໄກຄື້ນຍາວ (HF) ມີທັງໝົດ 252 ຫ້ອງສາຍ, ໄດ້ ລົງກວດກາ, ປັບປຸງຕາໜ່າງຕິດຕໍ່ ລະບົບປ້ອງກັນຕົວເມືອງໃຫ້ບັນດາກົມກອງອ້ອມຂ້າງກະຊວງ, ປກສ ນະຄອນຫຼວງ, ປກສ ແຂວງໄດ້ 5.965 ເຄື່ອງ, ສ້າງເອ ກະສານກົດຕິດຕໍ່ຄົ້ນຍາວ (HF), ພື້ນຂຶ້ນ (UHF) ລະບົບປ້ອງກັນຕົວເມືອງໃນຂອບເຂດທົ່ວປະເທດ 59 ສະບັບ ແລະ ສ້າງເອກະສານກົດຕິດຕໍ່ປ້ອງກັນກອງປະຊຸມ, ວັນສໍາຄັນຕ່າງໆຂອງພັກຂອງຊາດ 45 ສະບັບ, ໄດ້ຈັດຕັ້ງປະຈຳການວິຊາສະເພາະຕະຫຼອດ 24 ຊົ່ວໂມງ, ຮັບປະກັນໃນການຮັບ-ສົ່ງຂໍ້ມູນຂ່າວສານແຕ່ສູນກາງລົງຮອດທ້ອງຖິ່ນ, ແຕ່ທ້ອງຖິ່ນຂຶ້ນຫາສູນກາງໄດ້ ທັນເວລາ, ປະຕິບັດຕາມພາລະບົດບາດຂອງວິຊາສະເພາະສື່ສານເປັນຢ່າງດີ, ຮັບປະກັນຄວາມລັບ, ວ່ອງໄວ, ທັນເວລາ ແລະ ຫັນເປັນທັນສະໄໝ.
ທິດທາງແຜນການໃນຕໍ່ໜ້າ, ຈະສືບຕໍ່ປັບປຸງກົງຈັກການຈັດຕັ້ງ, ພາລະບົດບາດວຽກງານວິຊາສະເພາະສື່ສານຂັ້ນສູນກາງ-ທ້ອງຖິ່ນ ໃຫ້ຕິດພັນກັບການຄົ້ນຄວ້າ, ປັບປຸງກົນໄກ, ແບບແຜນວິທີເຮັດວຽກ, ການພົວພັນປະສານງານລະຫວ່າງສູນກາງ ແລະ ທ້ອງຖິ່ນໃຫ້ເປັນລະບຽບໂລ່ງລຽນ, ເດັດດ່ຽວ ແກ້ໄຂຫຼາຍຂອດບໍລິຫານໃນວຽກ ງານອັນດຽວກັນໃຫ້ຖືກຕ້ອງ, ສືບຕໍ່ປັບປຸງ ແລະ ສ້າງບັນດານິຕິກຳຕ່າງໆໃນຂົງເຂດວຽກງານສື່ສານໃຫ້ເປັນລະບົບຄົບຊຸດຖືກຕ້ອງຕາມວຽກງານຕົວຈິງ ສາມາດຮັບ ປະ ກັນໃຫ້ແກ່ການເຄື່ອນໄຫວເຮັດໜ້າທີ່ການເມືອງຂອງກໍາລັງປ້ອງກັນຄວາມສະຫງົບ, ຮັບປະກັນວຽກງານສື່ສານ, ສະໜອງອຸປະກອນດ້ານຕ່າງໆຕາມຄວາມຕ້ອງການອັນຈຳເປັນໃຫ້ກຳລັງປ້ອງຄວາມສະຫງົບໄດ້ເຄື່ອນໄຫວວຽກງານວິຊາສະເພາະຢ່າງມີຜົນ ສຳເລັດ, ກໍ່ສ້າງ ແລະ ປັບປຸງກຳລັງສື່ສານປ້ອງກັນຄວາມສະຫງົບ ໃຫ້ມີຄວາມປອດໃສໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງທາງດ້ານການຈັດຕັ້ງ, ມີລະບຽບຢ່າງເຂັ້ມງວດ, ມີຄວາມສຳນິຊໍານານທາງດ້ານວິຊາສະ ເພາະ, ມີແບບແຜນນໍາພາບັນຊາເຄື່ອນໄຫວວຽກງານຢ່າງມີວິທະຍາສາດ, ຜັນຂະຫຍາຍແນວທາງການຕ່າງປະເທດສອດຫ້ອຍເຂົ້າໃນວຽກງານສື່ສານ ກຳນົດຄູ່ຮ່ວມຍຸດທະສາດໃຫ້ສອດ ຄ່ອງກັບໜ້າທີ່ການເມືອງໃນສະພາບການໃໝ່.
ຂ່າວ: ບຸນພະຈັນ
