ກົມພະນັກງານ ກົມໃຫຍ່ການເມືອງ ກະຊວງປ້ອງກັນຄວາມສະຫງົບ ໄດ້ຈັດກອງປະຊຸມສະຫຼຸບວຽກງານປະຈໍາປີ 2023 ແລະ ທິດທາງແຜນການປີ 2024 ໃນວັນທີ 15 ກຸມພານີ້, ໂດຍການເປັນປະທານຂອງ ພົຈວ ຄອນສະຫວັນ ສົມພາໄຊ ຄະນະພັກກະຊວງ, ຮອງຫົວໜ້າກົມໃຫຍ່ການເມືອງ ປ້ອງກັນຄວາມສະຫງົບ ຫົວໜ້າກົມພະ ນັກງານ, ມີຄະນະພັກ, ພ້ອມດ້ວຍ ນາຍ ແລະ ພົນຕໍາ ຫຼວດເຂົ້າຮ່ວມ.
ພັອ ສົມພອນ ແກ້ວພູທອນ ຮອງຫົວໜ້າກົມພະນັກງານ ໄດ້ຜ່ານບົດສະຫຼຸບຕີລາຄາການນໍາພາຈັດຕັ້ງປະຕິບັດໜ້າທີ່ວຽກ ງານວິຊາສະເພາະໃນ 1 ປີ ຜ່ານມາ, ເຊິ່ງທ່ານໄດ້ຍົກໃຫ້ເຫັນດ້ານດີຜົນງານບາງດ້ານທີ່ເຮັດໄດ້ ເປັນຕົ້ນວຽກງານຈັດຕັ້ງກົງຈັກຄະ ນະພັກ-ຄະນະບັນຊາກົມພະນັກງານເປັນເສນາທິການໃນການຄົ້ນຄວ້າປະສານ ສົມ ທົບກັບບັນດາກົມກອງອ້ອມຂ້າງ ແລະ ທ້ອງຖິ່ນ ກ່ຽວກັບການແຕ່ງຕັ້ງ, ຍົກຍ້າຍນາຍຕຳຫຼວດຂຶ້ນນໍາພາ-ບັນຊາ, ຂຶ້ນແຜນສ້າງພະນັກງານສືບທອດປ່ຽນແທນ, ປັບ ປຸງ ໂຄງຮ່າງກົງຈັກການຈັດຕັ້ງຂອງບັນດາກົມກອງອ້ອມຂ້າງ ແລະ ທ້ອງຖິ່ນໃນກຳ ລັງປ້ອງກັນຄວາມສະຫງົບ ຄື: ໄດ້ອອກຂໍ້ຕົກລົງກຳນົດໂຄງຮ່າງກົງຈັກການຈັດຕັ້ງຂອງກົມຕຳຫຼວດຄຸ້ມຄອງຄົນຕ່າງປະເທດທີ່ຂຶ້ນກັບກົມໃຫຍ່ສັນຕິບານ, ຍຸບກອງກໍ່ສ້າງ-ສ້ອມແປງທີ່ຂຶ້ນກັບກົມໃຫຍ່ພະລາທິການ, ຍຸບພະແນກການເມືອງທີ່ຂຶ້ນກັບກົມກວດກາ-ກວດການ ປກສ, ກຳນົດໂຄງຮ່າງກົງຈັກການຈັດຕັ້ງຂອງກອງບັນຊາ ການປ້ອງກັນຄວາມສະຫງົບ ເຂດພິເສດສາມຫຼ່ຽມຄໍາໃຫ້ຂຶ້ນກັບ ກະຊວງ ປກສ, ກຳ ນົດໂຄງຮ່າງກົງຈັກການຈັດຕັ້ງຂອງວິທະຍາຄານຕໍາຫຼວດປະຊາຊົນ ແລະ ວິທະຍາ ຄານສັນຕິບານປະຊາຊົນ, ຄົ້ນຄວ້າມາດຕະຖານເງື່ອນໄຂຂອງນາຍຕຳຫຼວດທີ່ລົງກໍ່ ສ້າງຮາກຖານການເມືອງໃນກຳລັງປ້ອງກັນຄວາມສະຫງົບ, ອອກໜັງສືແຈ້ງຕອບກ່ຽວກັບການຂໍອະນຸມັດແຕ່ງຕັ້ງນາຍຕຳຫຼວດຂັ້ນຫ້ອງຂອງກອງບັນຊາການປ້ອງ ກັນສູນກາງ ແລະ ການຂໍກຳລັງໄປປະຈຳການຂອງກຳມາທິການ ປກຊ-ປກສ ສະພາ ແຫ່ງຊາດ, ອອກຂໍ້ຕົກລົງຖອນ, ແຕ່ງຕັ້ງນາຍຕໍາຫຼວດຂອງອົງການຜູ້ຕາງໜ້າຂອງກະຊວງປ້ອງກັນຄວາມສະຫງົບລາວ ປະຈຳ ສສ ຫວຽດນາມ ຈຳນວນ 6 ສະຫາຍ ຍິງ 2 ສະຫາຍ; ອອກຂໍ້ຕົກ ລົງ, ຄໍາເຫັນຖອນ, ຍົກຍ້າຍ, ແຕ່ງຕັ້ງ ນາຍ-ພົນຕຳຫຼວດຢູ່ບັນດາກົມກອງອ້ອມຂ້າງ-ທ້ອງຖິ່ນ ຈຳນວນ 3.351 ສະຫາຍ ຍິງ 655 ສະ ຫາຍ, ຊັ້ນນາຍພັນ 2.192 ສະ ຫາຍ ຍິງ 178 ສະຫາຍ, ຊັ້ນນາຍ ຮ້ອຍ 2.669 ສະຫາຍ ຍິງ 421 ສະຫາຍ, ຊັ້ນນາຍສິບ 489 ສະຫາຍ ຍິງ 56 ສະຫາຍ; ອອກຂໍ້ຕົກລົງສັບຊ້ອນ-ນໍາສົ່ງນາຍ ແລະ ພົນຕຳຫຼວດທີ່ສໍາເລັດການສຶກສາ, ຄົ້ນຄວ້າລະດັບຕ່າງໆທັງພາຍ ໃນ ແລະ ຕ່າງປະເທດ, ນາຍຕຳຫຼວດທີ່ສໍາເລັດການຮຽນບຳລຸງວິຊາສະເພາະປ້ອງກັນຄວາມສະ ຫງົບ ລະບົບເລັ່ງລັດ 6 ເດືອນ ຈາກວິທະຍາຄານສັນຕິບານປະຊາຊົນປະຈຳ ປີ 2023 ຂອງບັນດາກົມກອງອ້ອມຂ້າງ-ທ້ອງຖິ່ນ ຈຳນວນ 1.090 ສະຫາຍ ຍິງ 201 ສະຫາຍ, ສັບຊ້ອນໃຫ້ກະຊວງປ້ອງກັນປະເທດ 6 ສະຫາຍ, ຖອນ ແລະ ແຕ່ງຕັ້ງນາຍຕຳ ຫຼວດຢູ່ບັນດາກອງກໍ່ສ້າງຮາກຖານການເມືອງ ຈຳນວນ 833 ສະຫາຍ, ໂອນນາຍ ແລະ ພົນຕຳຫຼວດຈາກກົມກອງອ້ອມຂ້າງ ກະຊວງ ແລະ ທ້ອງຖິ່ນ ໃຫ້ຂຶ້ນກັບກອງບັນຊາການ ປກສ ເຂດເສດຖະກິດພິເສດສາມຫຼ່ຽມຄໍາ ແລະ ວິທະຍາຄານການເມືອງປ້ອງກັນຄວາມສະຫງົບ ຈຳນວນ 357 ສະຫາຍ ຍິງ 76 ສະຫາຍ; ຍົກ ຍ້າຍນາຍຕຳຫຼວດໄປປະຈຳຢູ່ກົມກອງ-ທ້ອງຖິ່ນ ຈຳນວນ 175 ສະ ຫາຍ ຍິງ 37 ສະຫາຍ.
ຄຽງຄູ່ກັນນີ້, ຍັງໄດ້ເປັນເສນາທິການໃນການຄົ້ນຄວ້ານໍາສະເໜີຂຶ້ນເທິງປະຕິບັດນະ ໂຍບາຍການເລື່ອນຊັ້ນ, ປະດັບຊັ້ນ, ສັບຊ້ອນນາຍ ແລະ ພົນຕຳຫຼວດຜູ້ທີ່ມີຜົນງານ, ຄົບມາດຖານເງື່ອນໄຂ ແລະ ສຳເລັດ ການສຶກສາ, ການຄົ້ນຄວ້າລະດັບຂັ້ນຕ່າງໆທັງພາຍໃນ ແລະ ຕ່າງປະເທດໃນກຳລັງປ້ອງກັນຄວາມສະຫງົບ ຄື: ນໍາສະເໜີຂຶ້ນເທິງ ອອກລັດຖະດຳລັດຂອງປະທານປະເທດ ແລະ ດຳລັດຂອງນາຍົກລັດຖະມົນຕີວ່າດ້ວຍການເລື່ອນຊັ້ນນາຍຕຳຫຼວດຂັ້ນສູງກະຊວງປ້ອງກັນຄວາມສະຫງົບ ຈຳ ນວນ 89 ສະຫາຍ ຍິງ 3 ສະຫາຍ, ເລື່ອນຊັ້ນໃຫ້ນາຍ ແລະ ພົນຕຳຫຼວດໃນກຳລັງປ້ອງກັນ ຄວາມສະຫງົບ ປະຈຳປີ 2023 ຈຳນວນ 6.706 ສະຫາຍ ຍິງ 1.332 ສະຫາຍ, ເລື່ອນຊັ້ນ, ປະດັບຊັ້ນໃຫ້ນາຍ ແລະ ພົນຕຳຫຼວດທີ່ສຳເລັດການສຶກສາທັງພາຍໃນ ແລະ ຕ່າງປະເທດ ສົກປີ 2023 ຈຳນວນ 3.285 ສະຫາຍ, ຍິງ 686 ສະຫາຍ ແລະອື່ນໆ.
ໂອກາດດັ່ງກ່າວ, ພົຈວ ຄອນສະຫວັນ ສົມພາໄຊ ໄດ້ເນັ້ນໃຫ້ຄະນະພັກ-ຄະນະກົມ ສືບຕໍ່ປັບປຸງ, ຍົກລະດັບວຽກງານເສນາ ທິການແຕ່ລະດ້ານໃຫ້ແກ່ກະຊວງ ກໍຄືກົມໃຫຍ່ດ້ວຍການຄົ້ນຄວ້າ, ເປັນເຈົ້າການເກັບກຳ, ສັງລວມ ສະພາບການ, ສະພາບພະນັກ ງານ ແຕ່ລະຂັ້ນໃຫ້ມີຄວາມຊັດເຈນ, ທັນການ ແລະ ສ້າງແຜນການເຄື່ອນໄຫວ-ປັບ ປຸງກໍ່ສ້າງກໍາລັງໃຫ້ປອດໃສ ເຂັ້ມແຂງ ໜັກແໜ້ນ, ເອົາໃຈໃສ່ຍູ້ແຮງສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານຕໍ່ວຽກງານວິຊາສະເພາະ; ສືບຕໍ່ຊຸກຍູ້ຕິດຕາມກົມກອງສ້າງແຜນປະເມີນ ແລະ ກວດກາຄືນແຜນກຳນົດພະນັກງານນຳ ພາ-ບັນຊາຂັ້ນກະຊວງຄຸ້ມຄອງຂອງບັນດາກົມໃຫຍ່, ກົມ, ວິທະ ຍາຄານ, ກອງບັນ ຊາການ ເພື່ອຮອງຮັບດ້ານການກະກຽມບຸກຄະລາກອນໃຫ້ແກ່ການດຳເນີນກອງ ປະຊຸມໃຫຍ່ພັກ 3 ຂັ້ນ; ສືບຕໍ່ຊຸກຍູ້ການປັບປຸງພາລະບົດບາດຂອງບັນດາກົມກອງ ໂດຍສະເພາະບັນດາ 18 ກົມກອງທີ່ຂຶ້ນກັບກະຊວງ ແລະ ການຂຶ້ນແຜນກຳນົດຕຳແໜ່ງງານ.
ຂ່າວ: ສົມສະໄຫວ
