ກົມໃຫຍ່ພະລາທິການກະຊວງ ປກສ ໄດ້ຈັດພິທີປະກາດບົ່ງຕົວແຕ່ງຕັ້ງກຳມະການປະຈໍາພັກ, ກໍາມະການຄະນະພັກ ແລະ ຮອງປະທານກວດກາພັກອົງຄະນະພັກກົມໃຫຍ່ພະລາທິການ ປກສ ແລະ ເປີດບັ້ນດຳເນີນຊີວິດການເມືອງ ປະຈໍາປີ 2023, ໂດຍມີ ສະຫາຍ ພົຕ ທອງສຸກ ຍ່າເອີລາວລີ ຄະນະປະຈໍາພັກ ກະຊວງເລຂາຄະນະພັກ ຫົວໜ້າກົມໃຫຍ່ພະລາທິການປ້ອງ ກັນຄວາມສະຫງົບ ມີບັນດາຄະນະພັກ-ຄະນະບັນຊາ, ຫົວໜ້າພະແນກ, ບັນດາກົມ ແລະ ທຽບເທົ່າ ເຂົ້າຮ່ວມ.
ສະຫາຍ ພັອ ສີທອນ ພິມສີວົງ ຄະນະພັກກົມໃຫຍ່ ເລຂາໜ່ວຍພັກຮາກຖານ ຫົວໜ້າຫ້ອງການເມືອງ ໄດ້ຜ່ານມະຕິຕົກລົງ ວ່າດ້ວຍການບົ່ງຕົວແຕ່ງຕັ້ງກຳມະການປະຈໍາພັກ, ກໍາມະການຄະນະພັກ ແລະ ຮອງປະທານກວດກາພັກອົງຄະນະພັກກົມ ໃຫຍ່ພະລາທິການ ປກສ ສະບັບ ເລກທີ 167/ຄພປກສ, ລົງວັນທີ 1 ກຸມພາ 2024. ໃນນີ້, ໄດ້ແຕ່ງຕັ້ງ ສະຫາຍ ພັອ ພູທອນ ພົນໂພສີລາຫົງ ເປັນກໍາມະການປະຈໍາພັກ ກົມໃຫຍ່; ສະຫາຍ ພັອ ແກ້ວອຸດອນ ພົມມະລາ; ສະຫາຍ ພັອ ສີພັນດອນ ພອນປະ ເສີດ ແລະ ສະຫາຍ ພັທ ພອນສະຫວັນ ວົງຄຳຈັນ ເປັນກຳມະການຄະນະພັກກົມໃຫຍ່ ແລະ ໄດ້ແຕ່ງຕັ້ງສະຫາຍ ພັທ ພຸດທອນ ສົມມະນີວັນ ເປັນຮອງປະທານກວດກາພັກກົມໃຫຍ່.
ການເປີດບັ້ນດຳເນີນຊີວິດການເມືອງ ປະຈໍາປີ 2023 ໃນຄັ້ງນີ້ ເປັນຂີດໝາຍລວມຂອງການເກັບກ່ຽວໝາກຜົນ ແລະ ຜົນງານລວມໄປເຖິງໜ້າທີ່ການເມືອງ, ວຽກ ງານວິຊາສະເພາະທີ່ ໄດ້ຮັບການມອບໝາຍຂອງແຕ່ລະສະຫາຍໃນໄລຍະຜ່ານມາ, ທັງເປັນການທົດສອບຄວາມຮູ້, ຄວາມສາມາດ, ເຕັກນິກ, ໄຫວພິກດ້ານປະລິມານ ແລະ ຄຸນນະພາບຂອງນາຍ ແລະ ພົນຕໍາຫຼວດ. ຈາກນັ້ນ, ສະຫາຍ ພົຈວ ໝູຈອນ ກ້ອນທອງດໍາ ຄະນະພັກກະຊວງ ຮອງເລຂາຄະນະພັກ ຮອງຫົວໜ້າກົມໃຫຍ່ພະລາທິການຂຶ້ນເຜີຍ ແຜ່ເອກະສານເສີມຂະຫຍາຍທາດແທ້-ມູນເຊື້ອປະຕິວັດອັນສະຫງ່າ ງາມຂອງກຳລັງປ້ອງກັນຄວາມສະ ຫງົບປະຊາຊົນລາວ. ຕັ້ງໜ້າຝຶກຝົນຫຼ່ໍຄຸນສົມບັດສິນທໍາປະຕິວັດ ແລະ ປັບປຸງແບບແຜນວິທີເຮັດວຽກຂອງນາຍ ແລະ ພົນຕໍາຫຼວດໃນໄລຍະໃໝ່, ຈັນຍາທໍາ ແລະ ຈັນຍາບັນຂອງນາຍ ແລະ ພົນຕໍາຫຼວດ, 17 ຂໍ້ຫ້າມ ຂອງກຳລັງປ້ອງກັນຄວາມສະຫົງບ. ພາຍຫຼັງສໍາເລັດການເຊື່ອມຊຶມເອກະສານແລ້ວນາຍ ແລະ ພົນຕຳຫຼວດ ຈະໄດ້ຂຽນໃບສໍາຫຼວດຕີລາຄາຕົນເອງ.
ຕອນທ້າຍ, ຍັງໄດ້ຟັງຄຳໂອ້ລົມຈາກສະຫາຍ ພົຕ ທອງສຸກ ຍ່າເອີລາວລີ ທ່ານໄດ້ເນັ້ນໃຫ້ບັນດາສະຫາຍທີ່ໄດ້ຮັບການແຕ່ງ ຕັ້ງເປັນກຳມະການປະຈໍາພັກກົມໃຫຍ່, ກຳມະ ການຄະນະພັກກົມໃຫຍ່ ແລະ ຮອງປະທານກວດກາພັກກົມໃຫຍ່ ເອົາໃຈໃສ່ປະຕິບັດວຽກງານທີ່ໄດ້ຮັບມອບໝາຍໃຫ້ ສຳເລັດຕາມແຜນການ, ສຸມໃສ່ປັບປຸງ-ກໍ່ສ້າງລະ ບົບການຈັດຕັ້ງຂອງພັກແຕ່ລະຂັ້ນໃຫ້ໜັກແໜ້ນ ເຂັ້ມແຂງ ແລະ ປອດໃສ, ສ້າງພະນັກງານ, ສ້າງສະມາຊິກພັກໃຫ້ ເຂັ້ມແຂງ ແລະ ການເປີດບັ້ນດຳເນີນຊີວິດການເມືອງຄັ້ງນີ້ ໄດ້ສຸ່ມໃສ່ໃນການຄົ້ນຄວ້າເຊື່ອມຊຶມບັນດາບັນດາເອກະສານທີ່ກ່ຽວຂ້ອງ. ພ້ອມກັນນັ້ນ, ບັນດາສະມາ ຊິກພັກ ແລະ ມະຫາຊົນຍັງຈະຕ້ອງໄດ້ຍົກສູງຄວາມຮັບ ຜິດຊອບຂອງຕົນເຂົ້າໃນການຂຽນໃບສໍາຫຼວດ ແລະ ຈັດປະເພດ, ຕິດພັນກັບການ ສໍາຫຼວດກວດກາ, ຕໍານິສົ່ງຂ່າວ, ເຊິ່ງກັນແລະກັນ ດ້ວຍຄວາມຈິງໃຈ, ຖືເອົາໂອກາດນີ້ ເພື່ອເປັນການກໍ່ສ້າງ-ປັບປຸງຕົນເອງ, ປັບປຸງວຽກງານຂອງຕົນໃຫ້ມີຄວາມໜັກແໜ້ນ, ເຂັ້ມແຂງ ແລະ ມີແບບແຜນທັນສະໄໝກ້າວຂຶ້ນຢ່າງບໍ່ຢຸດຢັ້ງ.
