ໃນປີ 2023 ຜ່ານມາ, ຄະນະພັກກົມໃຫຍ່ຕໍາຫຼວດໄດ້ຍົກສູງຄວາມຮັບຜິດຊອບໜ້າທີ່ການເມືອງຂອງຕົນໃນການນໍາພາ-ຊີ້ນໍາບັນດາໜ່ວຍພັກກົມເຄື່ອນໄຫວເຮັດວຽກງານວິຊາສະເພາະ ເພື່ອສຸມໃສ່ນໍາພາການດໍາເນີນຄະດີແກ້ໄຂຕາມລະບຽບກົດໝາຍ ແລະ ຫຼັກວິຊາສະເພາະ; ເຊິ່ງໃນປີຜ່ານມາ, ທົ່ວປະເທດມີຄະດີເກີດຂຶ້ນທັງໝົດ 5.201 ເລື່ອງ. ໃນນີ້, ແກ້ໄຂສໍາເລັດ 3.480 ເລື່ອງ.
ພົຈວ ແກ່ນຈັນ ພົມມະຈັກ ຄະນະພັກກະຊວງ ຄະນະປະຈໍາພັກກົມໃຫຍ່ ເລຂາໜ່ວຍພັກ ຮອງຫົວໜ້າກົມໃຫຍ່ຕຳຫຼວດ ຫົວໜ້າກົມຕໍາຫຼວດສືບສວນ-ສອບສວນ ກະຊວງ ປກສ ໄດ້ກ່າວໃນກອງປະຊຸມສະຫຼຸບຕີລາຄາການເຄື່ອນໄຫວນໍາພາ-ຊີ້ນຳວຽກງານພັກປະຈໍາປີ ແລະ ວາງທິດທາງ ແຜນການປະຈໍາປີ 2024 ຂອງຄະນະ ພັກກົມໃຫຍ່ຕໍາຫຼວດ ພ້ອມທັງເປີດບັ້ນດໍາເນີນຊີວິດການເມືອງໃນວັນທີ 14 ກຸມ ພາ ນີ້, ໂດຍການເປັນປະທານຂອງ ພົຕ ຄໍາກິ່ງ ຜຸຍຫຼ້າມະນີວົງ ຄະນະປະຈໍາພັກກະ ຊວງ ເລຂາຄະນະພັກ ຮອງລັດຖະມົນຕີ ຫົວໜ້າກົມໃຫຍ່ຕຳຫຼວດ ວ່າ: ໄລຍະຜ່ານມາ, ຄະນະພັກກົມໃຫຍ່ຕຳຫຼວດ ໄດ້ຍົກສູງຄວາມຮັບຜິດຊອບການເມືອງຂອງຕົນໃນການນໍາພາ-ຊີ້ນໍາບັນດາໜ່ວຍພັກກົມ ແລະ ຫ້ອງ ເຄື່ອນໄຫວເຮັດໜ້າທີ່ວຽກ ງານວິຊາສະເພາະຕາມພາ ລະບົດບາດຂອງຕົນ ເປັນຕົ້ນແມ່ນການຈັດຕັ້ງຜັນຂະ ຫຍາຍມະຕິກອງປະຊຸມໃຫຍ່ຄັ້ງທີ VI ສຸມ ໃສ່ຈັດຕັ້ງປະຕິບັດໃນ 1 ແຜນງານ, 2 ແຜນຍຸດທະສາດ, 4 ໂຄງການ, 17 ວຽກຈຸດສຸມຂອງກົມໃຫຍ່ຕຳຫຼວດວາງອອກຫັນມາເປັນແຜນງານ, ໂຄງການວຽກງານ ຈຸດສຸມພົ້ນເດັ່ນແມ່ນການນໍາພາຈັດຕັ້ງຜັນຂະຫຍາຍຍຸດທະສາດ ຕ້ານຢາເສບຕິດ ມາເປັນວາລະ ແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ແຕ່ປີ 2021-2025, ສຸມໃສ່ນໍາພາການດໍາເນີນແກ້ໄຂຄະດີຕາມກົ ດໝາຍ ແລະ ຫຼັກການວິຊາສະເພາະ; ເຊິ່ງໃນ 1 ປີຜ່ານມາ, ມີຄະດີເກີດຂຶ້ນທັງ ໝົດ 5.201 ເລື່ອງ ໃນນີ້, ດໍາ ເນີນສຳເລັດ 3.480 ເລື່ອງ ແລະ ສືບຕໍ່ດໍາເນີນ 1.721 ເລື່ອງ; ເອົາໃຈໃສ່ນໍາພາວຽກງານກໍາສະພາບແຫຼ່ງຂ່າວ, ຕິດຕາມເປົ້າໝາຍອາ ຊະຍາກໍາປະເພດຕ່າງໆ ໄດ້ 432 ເປົ້າໝາຍ, ສືບຄົ້ນຫາຄຸ້ມຄອງເປົ້າໝາຍ-ຊັນນະສູດເປົ້າໝາຍໄດ້ 524 ເປົ້າໝາຍ; ໄດ້ຄົ້ນຄວ້າສ້າງລະບົບຖານຂໍ້ມູນຕ້ານອາຊະຍາກໍາ, ສ້າງແຜນແກ້ໄຂຕູ້ເກມ, ຫວຍອອນລາຍ, ການແລກປ່ຽນ ເງິນຕາບໍ່ຖືກຕ້ອງຕາມກົດໝາຍ.
ນອກນັ້ນ, ຍັງໄດ້ຈັດຕັ້ງກຳລັງວິຊາສະເພາະເຂົ້າເປັນຄະນະກຳມະການສະເພາະກິດນໍາພາກສ່ວນຕ່າງໆ ຈຳນວນ 19 ສະນຸກຳມະການ; ໄດ້ນໍາພາມ້າງຄະດີກຸ່ມແກ້ງຄ້າ-ຂາຍຢາເສບຕິດທັງໝົດ ຈຳນວນ 4.663 ເລື່ອງ, ມີຜູ້ຖືກຫາ 7.170 ຄົນ ຍິງ 786 ຄົນ. ໃນນັ້ນ, ຢຶດຂອງກາງປະເພດຢາບ້າ 95. 970.387 ເມັດ, ເຮໂລອິນ 487, 31 ກິໂລກຼາມ, ໄອສ໌ 4.044,09 ກິໂລກຼາມ, ຝິ່ນ 131.18 ກິໂລກຼາມ, ເຄຕາມິນ 1.044,51 ກິໂລ ກຼາມ; ກັນຊາ 5.579,02 ກິໂລກຼາມ; ລົດຈັກ 700 ຄັນ, ລົດໃຫຍ່ 129 ຄັນ; ອາວຸດປືນ 25 ກະ ບອກ, ລູກກະສູນ 702 ລູກ, ໝາກແຕກ: 1 ໜ່ວຍ; ເງິນກີບ 590.776.000 ກີບ, ເງິນບາດ ໄທ 8.623.790 ບາດ; ເງິນ ໂດລາ: 175.900 ໂດລາ ແລະ ຂຶ້ນອັດປ່ອງຂ້າມລອຍຢາເສບ ຕິດຢູ່ 3 ແຂງພາກເໜືອ ຈໍານວນ 64 ເທື່ອສະຫາຍ.
ພ້ອມນີ້, ຍັງ ໄດ້ນໍາພາສ້າງແຜນແມ່ບົດວຽກງານສະກັດກັ້ນແກ້ໄຂອຸປະຕິເຫດ, ຜະລິດປ້າຍ ແລະ ຕິດປ້າຍລົດແຕ່ລະປະເພດ ໃນທົ່ວປະເທດ ໄດ້ທັງໝົດ 38.605 ຄັນ, ລົງເຜີຍແຜ່ໂຄສະນາລະບຽບ ກົດຈາລະຈອນຕາມຈຸດຕ່າງໆ ໄດ້ 27 ຄັ້ງ, ປ້ອງກັນ, ຈັດລະບຽບ-ເປີດທາງໃຫ້ການນໍາພັກ-ລັດ, ແຂກພາຍໃນ ແລະ ແຂກຕ່າງປະເທດ 229 ຄັ້ງ.
ຂ່ວ: ລັດດາວັນ
