ວິທະຍາຄານສັນຕິບານປະຊາຊົນ (ວສປ) ກະຊວງ ປກສ ໄດ້ຈັດພິທີປິດຊຸດຮຽນໃຫ້ຜູ້ສຳເລັດການສຶກສາລະດັບປະລິນຍາໂທ ຮຸ່ນທີ 13 ແລະ ປະລິນຍາຕີ ລະບົບຕໍ່ເນື່ອງ ຮຸ່ນທີ 19 ໃນວັນທີ 15 ທັນວາ 2023, ໂດຍມີ ພົທ ກົງທອງ ພົງວິຈິດ ກຳມະການສູນ ກາງພັກ ຮອງລັດຖະມົນຕີກະຊວງ ປກສ, ມີບັນດາຄະນະພັກ-ຄະນະອຳນວຍການ, ແຂກຮັບເຊີນ, ພ້ອມດ້ວຍພະນັກ ງານ, ຄູ-ອາຈານ ແລະ ນັກສຶກສາເຂົ້າຮ່ວມ.
ພົຈວ ປອ ວັນສົມ ສີສົມບັດ ຫົວໜ້າອຳນວຍການ ວສປ ໄດ້ຂຶ້ນ ຜ່ານບົດສະຫຼຸບປິດຊຸດຮຽນໃຫ້ຜູ້ສຳເລັດການສຶກສາວ່າ: ນັກສຶກ ສາລະບົບປະລິນຍາໂທ ຮຸ່ນທີ 13 ມີຈຳ ນວນພົນ ທັງໝົດ 24 ສະຫາຍ ຍິງ 2 ສະຫາຍ ໂຄງການສຶກສາຮໍ່າ ຮຽນແມ່ນ 2 ປີ, ຜ່ານການປ້ອງກັນວິທະຍານິພົນຈົບຊັ້ນຂອງ 24 ສະຫາຍ ສາມາດບັນລຸໄດ້ຄະແນນ ສູງສຸດ 9,48 ມີ 17 ສະຫາຍ ຍິງ 2 ສະຫາຍ ແລະ 9,47 ມີ 5 ສະຫາຍ, 9,46 ມີ 2 ສະຫາຍ; ນັກ ສຶກສາລະບົບປະລິນຍາຕີຕໍ່ເນື່ອງ ຮຸ່ນທີ 19 ມີຈຳນວນພົນທັງ ໝົດ 159 ສະຫາຍ ຍິງ 11 ສະຫາຍ ໂຄງການສຶກສາຮໍ່າຮຽນແມ່ນ 2 ປີ; ຜ່ານການຈັດຕັ້ງຕີລາຄາໝາກຜົນການສອບເສັງຈົບຊັ້ນ ແລະ ປ້ອງກັນບົດໂຄງການຈົບຊັ້ນ ໄດ້ຄະ ແນນປ້ອງກັນບົດໂຄງການຈົບຊັ້ນປະເພດ ເກດ A ມີ 28 ສະຫາຍ ຍິງ 3 ສະ ຫາຍ, ປະເພດເກດ B+ ຈຳນວນ 4 ສະຫາຍ, ຄະແນນ ຈົບຊັ້ນວິຊາ ສະເພາະຄະແນນ A ມີ 87 ສະຫາຍ ຍິງ 7 ສະຫາຍ, ຄະແນນ B+ ມີ 34 ສະຫາຍ ຍິງ 1 ສະ ຫາຍ, ຄະແນນ B ມີ 3 ສະ ຫາຍ, ຄະແນນລວມ 9,00 ມີ 156 ສະຫາຍ ຍິງ 11 ສະຫາຍ ເຫັນໄດ້ວ່າຊຸດຮຽນດັ່ງກ່າວແມ່ນ ບັນລຸຄາດໝາຍ 100%.
ນັກສຶກສາຮຸ່ນທີ 19 ທີ່ສຳ ເລັດການສຶກສາໃນຄັ້ງນີ້ ໄດ້ຮັບການປະຕິບັດນະໂຍບາຍດັ່ງນີ້: ໄດ້ຮັບການເລື່ອນຊັ້ນ ພັນໂທ 1 ສະຫາຍ, ພັນຕີ 6 ສະຫາຍ ຍິງ 1 ສະຫາຍ, ຮ້ອຍເອກ 9 ສະຫາຍ, ປະດັບຊັ້ນຮ້ອຍໂທ 4 ສະຫາຍ ຍິງ 1 ສະຫາຍ, ຮັກສາຊັ້ນເກົ່າ ພັນຕີ 14 ສະຫາຍ ຍິງ 1 ສະຫາຍ, ຊັ້ນຮ້ອຍເອກ 37 ສະຫາຍ ຍິງ 1 ສະຫາຍ, ຊັ້ນ ຮ້ອຍໂທ 85 ສະຫາຍ ຍິງ 7 ສະ ຫາຍ; ດ້ວຍໝາກຜົນສຳເລັດ ການສຶກສາທຽບໃສ່ 5 ຫຼັກມູນທີ່ກະຊວງສຶກສາທິການ ແລະ ກິລາວາງອອກ, ດ້ວຍຜົນງານຂອງການຄົ້ນຄວ້າຮໍ່າຮຽນຕະຫຼອດໄລຍະ 2 ປີ ຜ່ານມາ ຂອງນັກສຶກສາທັງ 2 ລະບົບ ໄດ້ຮັບການຍ້ອງຍໍຂັ້ນກະຊວງ ປກສ ມີທັງໝົດ 15 ສະຫາຍ ຍິງ 1 ສະຫາຍ, ໄດ້ຮັບການຍ້ອງຍໍຂັ້ນກົມໃຫຍ່ການເມືອງ ປກສ ມີ 24 ສະຫາຍ ຍິງ 1 ສະຫາຍ, ໄດ້ຮັບການຍ້ອງຍໍຂັ້ນວິທະຍາຄານສັນຕິບານປະຊາຊົນ ມີ 40 ສະຫາຍ ຍິງ 8 ສະຫາຍ, ໄດ້ຮັບໃບຊົມເຊີຍ ມີ 69 ສະຫາຍ ຍິງ 1 ສະຫາຍ.
ໃນພິທີ, ພົທ ກົງທອງ ພົງວິຈິດ ກໍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຂອງຄູ-ອາຈານທີ່ຂຶ້ນຫ້ອງສິດສອນເຮັດໃຫ້ນັກ ຮຽນ 2 ລະບົບດັ່ງກ່າວທີ່ປະສົບຜົນສຳ ເລັດ ແລະ ພວມຈະກ້າວອອກໄປຮັບໃຊ້ໜ້າທີ່ການເມືອງຢູ່ບັນດາກົມກອງທ້ອງຖິ່ນໃນທົ່ວປະເທດ; ພ້ອມທັງເນັ້ນຫຼາຍບັນຫາສຳຄັນຕໍ່ຄະນະພັກ-ຄະນະອຳນວຍການ, ພະນັກ ງານ-ຄູ-ອາຈານ ຕ້ອງຖືເອົາຜົນ ສຳເລັດຂອງການກໍ່ສ້າງນັກ ສຶກສາທັງສອງລະບົບ ເພື່ອເປັນ ການຖອດຖອນບົດຮຽນ, ເສີມຂະ ຫຍາຍດ້ານດີ, ປັບປຸງລະບົບການ ຮຽນ-ການສອນ ໃຫ້ໄປຕາມທິດການສຶກສາແຫ່ງຊາດ ເພື່ອຮັບປະກັນໃຫ້ຄຸນນະ ພາບການຮຽນ-ການສອນມີປະສິດ ທິຜົນຍິ່ງຂຶ້ນ.
