ຫ້ອງວ່າການ ກະຊວງປ້ອງກັນຄວາມສະຫງົບ ຈັດພິທີມອບ-ຮັບໜ້າທີ່ລະຫວ່າງຫົວໜ້າຜູ້ເກົ່າ ແລະ ຜູ້ໃໝ່ ໃນວັນທີ 15 ທັນວາ 2023, ໂດຍການເຂົ້າຮ່ວມຂອງ ພົຕ ສົມວັນ ສາຍລ້ອງພາ ຮອງລັດຖະມົນຕີ ກະຊວງ ປກສ ຫົວໜ້າຫ້ອງວ່າການກະຊວງ ປກສ ຜູ້ເກົ່າ ພ້ອມດ້ວຍຄະນະພັກກະຊວງ, ຫົວໜ້າກົມກົມກອງອ້ອມຂ້າງ ແລະ ແຂກຮັບເຊີນ ເຂົ້າຮ່ວມ.
ໂອກາດນີ້, ພົຕ ສົມວັນ ສາຍລ້ອງພາ ໄດ້ມີຄຳເຫັນສະຫຼຸບສັງລວມໂດຍຫຍໍ້ການເຄື່ອນໄຫວ-ນຳພາ-ຊີ້ນຳຂອງຕົນຕໍ່ຂົງເຂດວຽກງານຫ້ອງວ່າການກະຊວງ ປກສ ນັບແຕ່ເດືອນມິຖຸນາ 2019 ເຖິງປັດຈຸບັນ, ເຊິ່ງໄດ້ຍົກໃຫ້ເຫັນສະພາບຜົນງານທີ່ພົ້ນເດັ່ນ, ບັນດາຜົນງານ ແລະ ໄຊຊະນະທີ່ຫ້ອງວ່າການກະຊວງຍາດມາໄດ້ ແລະ ຈຸດອ່ອນ-ຂໍ້ຄົງຄ້າງທີ່ຈະຕ້ອງໄດ້ສືບຕໍ່ແກ້ໄຂ ເຮັດໃຫ້ວຽກງານຂອງກະຊວງ, ຂອງຫ້ອງວ່າການ ແລະ ກຳລັງຂອງຫ້ອງວ່າການມີຄວາມເຕີບໃຫຍ່ຂະຫຍາຍຕົວຂຶ້ນເປັນ ກ້າວໆ.
ໂອກາດ ດັ່ງກ່າວ, ທ່ານ ໄດ້ໄດ້ຍົກໃຫ້ເຫັນບັນດາຄາດໝາຍສູ້ຊົນ ແລະ ວຽກງານຈຸດສຸມຕົ້ນຕໍທີ່ຫ້ອງວ່າ ການກະຊວງ ຕ້ອງສຸມໃສ່ເຮັດໃນຊຸມປີຕໍ່ໜ້າ. ພ້ອມກັນນັ້ນ, ກໍຮຽກຮ້ອງໃຫ້ຄະນະພັກ-ຄະນະບັນຊາ, ພະນັກງານຫຼັກແຫຼ່ງພາຍໃນຫ້ອງວ່າການກະຊວງ ຈົ່ງຍົກສູງສະຕິຄວາມຮັບຜິດຊອບທາງການເມືອງຂອງຕົນຕໍ່ພັກ, ຕໍ່ປະ ເທດຊາດ ແລະ ຕໍ່ປະຊາຊົນ, ສາມັກຄີຮ່ວມແຮງ ຮ່ວມໃຈກັນບຸກບືນສູ້ຊົນປະຕິບັດໜ້າທີ່ວຽກງານທີ່ການຈັດຕັ້ງມອບໝາຍໃຫ້ມີຜົນສຳເລັດເປັນຢ່າງດີ.
ຈາກນັ້ນ, ພົຕ ສົມວັນ ສາຍລ້ອງພາ ຫົວໜ້າຫ້ອງວ່າການກະຊວງຜູ້ເກົ່າ ແລະ ພົຈວ ສຸລິນະ ແກ້ວປະເສີດ ຫົວໜ້າຫ້ອງວ່າການກະຊວງຜູ້ໃໝ່ ກໍໄດ້ພ້ອມກັນລົງລາຍເຊັນມອບ-ຮັບໜ້າທີ່ວຽກງານໂດຍຊ່ອງໜ້າບັນດາສະຫາຍແຂກທີ່ເຂົ້າຮ່ວມ.
ຂ່າວ: ລັດດາວັນ
