ພັທ ອໍາພອນ ຄໍາອຸ່ນທອນ ຮອງຫົວໜ້າພະແນກຕຳຫຼວດ ຈະລາຈອນນະຄອນຫຼວງ ຜູ້ຊີ້ນໍາວຽກງານຈະລາຈອນເມືອງໄຊເສດຖາ ໃຫ້ສໍາພາດໃນວັນທີ 13 ພະຈິກ 2024 ວ່າ: ເພື່ອຮັບປະກັນຄວາມສະຫງົບ, ມີຄວາມປອດໄພຮອບດ້ານໃຫ້ແກ່ການນຳພັກ-ລັດ ແລະ ມວນຊົນນັກທ່ອງທ່ຽວ ພາຍໃນ ແລະ ຕ່າງປະເທດທີ່ມາຫຼິ້ນບຸນປະເພນີຂອງຊາດລາວ ເວົ້າລວມເວົ້າສະເພາະກໍຄືງານບຸນນະມັດ ສະການພຣະທາດຫຼວງວຽງຈັນ ແລະ ງານວາງສະແດງສິນຄ້າລາວໄອ-ເຕັກ ໃນລະຫວ່າງວັນ ທີ 11-15 ພະຈິກ ໃຫ້ມີຄວາມເບີກບານມ່ວນຊື່ນ, ມີຄວາມສະຫງົບ, ຄວາມປອດໄພຮອບດ້ານ ແລະ ເປັນລະບຽບຮຽບຮ້ອຍໂດຍພື້ນຖານ.
ດັ່ງນັ້ນ ເຈົ້າໜ້າພະແນກຕຳຫຼວດຈະລາຈອນ ຫ້ອງຕຳຫຼວດ ກອງບັນຊາການ ປກສ ນະຄອນຫຼວງວຽງຈັນ ໂດຍສົມທົບກັບພາກ ສ່ວນທີ່ກ່ຽວຂ້ອງ ຈຶ່ງໄດ້ ສ້າງແຜນປ້ອງກັນ ລວມມີ 111 ຈຸດ, ວົງໃນ 59 ຈຸດ, ຈຸດວົງນອກ 38 ຈຸດ, ມີ 10 ຈຸດຄອຍເຫດ ແລະ ມີ 4 ດ່ານກວດກາ.
ທັງນີ້, ກໍເພື່ອເຮັດໃຫ້ການຈັດງານບຸນໄດ້ດໍາເນີນໄປດ້ວຍບັນຍາກາດເບີກບານມ່ວນຊື່ນ,ມີຄວາມສະຫງົບ,ເປັນລະບຽບຮຽບຮ້ອຍ.
