ເນື່ອງໃນໂອກາດທີ່ ທ່ານ ໂຄອິຊູມິ ຊຶໂຕະມຸ ໄດ້ດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ຢີ່ປຸ່ນ ປະຈໍາ ສປປ ລາວ ຜູ້ໃໝ່. ໃນວັນທີ 6 ພະຈິກ 2024, ທ່ານ ໂຄອິຊູມິ ຊຶໂຕະມຸ ຈຶ່ງໄດ້ເຂົ້າຢ້ຽມຂໍ່ານັບ ພົຕ ຄໍາກິ່ງ ຜຸຍຫູ້າມະນີວົງ ຮອງລັດຖະມົນກະຊວງ ປກສ, ຫົວໜ້າກົມໃຫຍ່ຕໍາຫຼວດ ເພື່ອແນະນໍາຕົວ ແລະ ສືບຕໍ່ເພີ່ມທະວີສາຍພົວພັນຮ່ວມມື.
ພົຕ ຄໍາກິ່ງ ຜຸຍຫຼ້າມະນີວົງ ໄດ້ສະແດງຄວາມຕ້ອນຮັບອັນອົບອຸ່ນ ພ້ອມທັງຕີລາຄາສູງຕໍ່ການມາດໍາລົງຕໍາແໜ່ງ ເປັນເອກອັກຄະລັດຖະທູດ ແຫ່ງ ຢີ່ປຸ່ນ ປະຈໍາ ສປປ ລາວ ຜູ້ໃໝ່ ຂອງ ທ່ານ ໂຄອິຊູມິ ຊຶໂຕະມຸ, ສປປ ລາວ ຍິນທີ່ຕ້ອນຮັບ ແລະ ສະໜັບສະໜູນໃນການເຄື່ອນໄຫວວຽກງານຕ່າງໆຮ່ວມກັນ, ພ້ອມທັງສະແດງຄວາມຂອບໃຈຕໍ່ການຊ່ວຍເຫຼືອດ້ານຕ່າງໆ ຂອງລັດຖະບານຢີ່ປຸ່ນ ທີ່ມີຕໍ່ລັດຖະບານລາວ ໃນປະກອບສ່ວນເຂົ້າໃນວຽກງານກອງປະຊຸມສຸດຍອດອາຊຽນ ຄັ້ງທີ 44-45 ທີ່ ສປປ ລາວ ໄດ້ຮັບກຽດເປັນເຈົ້າພາບ ໄດ້ຮັບຜົນສໍາເລັດຢ່າງຈົບງາມ ແລະ ເຊື່ອໝັ້ນວ່າການມາດໍາລົງຕໍາແໜ່ງຂອງທ່ານເອກອັກຄະລັດຖະທູດໃນຄັ້ງນີ້ ຈະເປັນການສືບຕໍ່ພົວພັນຮ່ວມມືທາງດ້ານວຽກງານປ້ອງກັນຄວາມສະຫງົບ ລາວ-ຢີ່ປຸ່ນ ໃຫ້ແໜ້ນແຟ້ນຍິ່ງໆຂຶ້ນ.
ທ່ານ ໂຄອິຊູມິ ຊຶໂຕະມຸ ໄດ້ກ່າວສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ຂອງທ່ານຮອງລັດຖະມົນຕີກະຊວງປ້ອງກັນຄວາມສະຫງົບ, ພ້ອມທັງສະແດງຄວາມຊົມເຊີຍຕໍ່ ການເປັນເຈົ້າພາບກອງປະຊຸມສຸດຍອດອາຊຽນ ຄັ້ງທີ 44-45 ທີ່ໄດ້ສໍາເລັດລົງຢ່າງຈົບງາມ, ລັດຖະບານຢີ່ປຸ່ນແມ່ນໄດ້ມີການພົວພັນຮ່ວມມືວຽກງານຮອບດ້ານກັບລັດຖະບານ ສປປ ລາວ ໃນໄລຍະທີ່ຜ່ານມາໂດຍສະເພາະທາງດ້ານວຽກງານປ້ອງກັນຄວາມສະຫງົບ ໃນການປະສານສົມທົບຮ່ວມມືກັນເຮັດວຽກ ງານປ້ອງກັນຄວາມສະຫງົບ ຢ່າງມີຜົນສໍາເລັດຕະຫຼອດມາເຊີ່ງໄດ້ເປັນໝາກຜົນອັນດີໃນການສືບຕໍ່ພົວພັນຮ່ວມມື ລະ ຫວ່າງ ສອງພັກ, ສອງລັດ ຖະບານ ຢີ່ປຸ່ນ-ລາວ ແລະ ອວຍພອນໃຫ້ ສປປ ລາວ ດໍາເນີນກອງປະຊຸມສຸດຍອດປິ່່ນອ້ອມພາຍໃນປິ 2024 ໃຫ້ສໍາເລັດຢ່າງຈົບງາມ.
