ກອງປະຊຸມຄົບຄະນະຂອງກຳມາທິການປ້ອງກັນຊາດ-ປ້ອງກັນຄວາມສະຫງົບ (ກປຊສ) ປະຈຳປີ 2024 ໄດ້ຈັດຂຶ້ນເມື່ອວັນ ທີ 4 ພະຈິກຜ່ານມາ, ທີ່ສະພາແຫ່ງຊາດ (ສພຊ) ໂດຍການເປັນປະທານຂອງ ທ່ານ ພົຕ ປອ ວົງສັກ ພັນທະວົງ ຄະນະປະຈຳສະພາແຫ່ງຊາດ, ປະທານກໍາມາທິການປ້ອງກັນຊາດ-ປ້ອງກັນຄວາມສະຫງົບ; ມີບັນດາທ່ານປະທານ-ຮອງປະທານກໍາມາທິການພາຍໃນ ສພຊ, ສະມາຊິກສະພາແຫ່ງ ຊາດທີ່ເປັນກຳມະການສັງກັດ ກປຊສ, ຮອງລັດຖະມົນຕີກະຊວງປ້ອງກັນປະ ເທດ, ຮອງລັດຖະມົນຕີກະຊວງປ້ອງກັນຄວາມສະຫງົບ, ຮອງປະທານສະຫະພັນນັກຮົບເກົ່າແຫ່ງຊາດ, ຫົວໜ້າຫ້ອງການຄະນະກຳ ມະການປ້ອງກັນຊາດ-ປ້ອງກັນຄວາມສະຫງົບ (ປກຊ-ປກສ) ສູນກາງ, 2 ກອງບັນຊາການທະຫານ ແລະ ປກສ ນະຄອນຫຼວງ ແລະ ແຂກຖືກເຊີນເຂົ້າຮ່ວມ.
ກອງປະຊຸມຄັ້ງນີ້, ໄດ້ຮັບຟັງບົດສະຫຼຸບ, ຕີລາຄາການເຄື່ອນໄຫວວຽກງານປະຈໍາປີ 2024 ແລະ ທິດທາງແຜນການເຄື່ອນ ໄຫວວຽກງານປະຈໍາປີ 2025 ຂອງກໍາມາທິການປ້ອງກັນຊາດ-ປ້ອງກັນຄວາມສະຫງົບ, ບົດລາຍງານຂອງກະຊວງປ້ອງກັນປະເທດພາຍໃຕ້ຫົວຂໍ້ “ສະພາບ ແລະ ການປົກປັກຮັກສາຄວາມສະຫງົບຮຽບຮ້ອຍຕາມຊາຍແດນ”, ບົດລາຍງານຂອງກະຊວງປ້ອງກັນຄວາມສະຫງົບ ພາຍໃຕ້ຫົວຂໍ້ “ການແກ້ໄຂບັນຫາຢາເສບຕິດ ແລະ ປາກົດການຫຍໍ້ທໍ້ເກີດຂຶ້ນໃນສັງຄົມປັດຈຸບັນ”, ບົດລາຍງານຂອງສະຫະພັນນັກຮົບເກົ່າແຫ່ງຊາດ ພາຍໃຕ້ຫົວຂໍ້ “ການສຶກສາອົບຮົມຄົນຮຸ່ນໃໝ່ ແລະ ການປະຕິບັດນະໂຍບາຍຕໍ່ສາມະຊິກນັກຮົບເກົ່າ”, ບົດລາຍງານຂອງຫ້ອງການຄະນະກຳມະການປ້ອງກັນຊາດ-ປ້ອງ ກັນຄວາມສະຫງົບສູນກາງ ພາຍໃຕ້ຫົວຂໍ້ “ສະພາບການພົ້ນເດັ່ນຂອງໂລກ ແລະ ພາກພຶ້ນໃນປັດຈຸບັນ ແລະ ກົນອຸບາຍຂອງອິດທິກຳ ລັງປໍລະປັກ ຕໍ່ ສປປ ລາວ”; ຈາກນັ້ນ, ບັນດາຜູ້ແທນກອງປະຊຸມກໍໄດ້ຄົ້ນຄວ້າ, ປະກອບຄຳຄິດຄຳເຫັນຕໍ່ບົດສະຫຼຸບ ແລະ ແຜນການຂອງ ກປຊສ, ຕໍ່ບັນດາບົດລາຍງານຂອງ 4 ພາກສ່ວນ ແລະ ບັນຫາທີ່ພົວພັນເຖິງຄວາມໝັ້ນຄົງໃນສະເພາະໜ້າ ແລະ ຍາວນານເພື່ອນຳສະເໜີລາຍງານຕໍ່ຄະນະປະຈຳສະພາແຫ່ງຊາດໃຫ້ທິດຊີ້ນຳໃນການແກ້ໄຂພ້ອມທັງຮັບຮອງເອົາຮ່າງມະຕິກອງປະຊຸມຄົບຄະນະປະຈໍາປີ 2024 ຂອງກໍາມາທິການປ້ອງກັນຊາດ-ປ້ອງກັນຄວາມສະຫງົບ.
