ກຳລັງກອງບັນຊາການ ປກສ ເມືອງຫາດຊາຍຟອງ ໄດ້ລົງພື້ນທີ່ເຂົ້າຊ່ວຍເຫຼືອພໍ່-ແມ່ ປະຊາຊົນ ທີ່ໄດ້ຮັບຜົນກະທົບຈາກໄພນໍ້າຖ້ວມ ແຕ່ວັນທີ 11 ກັນຍາ ຜ່ານມາ ຈົນເຖິງວັນທີ 15 ກັນຍາ 2024, ໂດຍແບ່ງອອກເປັນ 2 ຈຸ, 7 ກຸ່ມບ້ານ 4 ສະຖານນີ ລວມທັງໝົດ 100 ກວ່າສະຫາຍ ໂດຍສົມທົບກັບອຳນາດການປົກຄອງບ້ານ 63 ບ້ານ ລົງຊ່ວຍເຫຼືອພໍ່-ແມ່ປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມ ແລະ ໄດ້ຮັບຜົນກະທົບໜັກ 28 ບ້ານ.
ພັທ ປທ ສີສະຫງ່າ ວົງຄຳມະນີ ຮອງຫົວໜ້າກອງບັນຊາການ ປກສ ໄດ້ໃຫ້ສຳພາດຕໍ່ສື່ມວນຊົນ ປກສ ວ່າ: ກຳລັງກອງບັນ ຊາການ ປກສ ເມືອງຫາດຊາດຟອງ ທຸກຂັ້ນໄດ້ປະຈໍາການ ແລະ ກຽມພ້ອມເຫດສຸກເສີນຕະຫຼອດ 24 ຊົ່ວໂມງ ເພື່ອກຽມ ພ້ອມແກ້ໄຂ ແລະ ກອບກູ້ໄພພິບັດທໍາມະຊາດທີ່ອາດຈະເກີດຂຶ້ນຢູ່ເຂດທີ່ຕົນຮັບຜິດຊອບ, ໂດຍເອົາໃຈໃສ່ຕິດຕາມ ກໍາແໜ້ນສະພາບຮອບດ້ານຢ່າງໃກ້ຊິດ ມີມາດຕະການ ວິທີການແກ້ໄຂຢ່າງລະອຽດ ຖ້າເຫດການເກີດຂຶ້ນຢູ່ຂອບເຂດຮັບຜິດ ຊອບ, ແມ່ນເນັ້ນເປັນເຈົ້າການສົມທົບກັບແຕ່ລະພາກສ່ວນເພື່ອຕອບຕ້ານ ແລະ ກອບກູ້ຊ່ວຍເຫຼືອໃຫ້ທັນເວລາ. ໃນນີ້ເພີ່ມທະວີຄວາມເປັນເຈົ້າການໃນການປະສານສົມທົບກັບພາກສ່ວນທີ່ກ່ຽວຂ້ອງປຸກລະດົມກໍາລັງເຂົ້າຮ່ວມເຮັດໜ້າທີ່ກຽມ ພ້ອມຊ່ວຍເຫຼືອ ແລະ ກອບກູ້ ຍົກຍ້າຍເອົາພາກສ່ວນທີ່ຖືກຜົນກະທົບໄປສູ່ເຂດປອດໄພ ແລະ ເອົາໃຈໃສ່ການປ້ອງກັນເວນຍາມໃຫ້ມີຄວາມປອດໄພ.
