ກົມໃຫຍ່ການເມືອງ ກະຊວງ ປກສ ໄດ້ຈັດພິທີປະກາດຍົກຍ້າຍ-ແຕ່ງຕັ້ງ ນາຍຕຳຫຼວດຂັ້ນກົມ, ພະແນກ ທີ່ຂຶ້ນກັບກົມໃຫຍ່ການເມືອງ ປກສ, ໃນວັນທີ 13 ກັນຍາ 2024 ໂດຍມີ ພົຕ ປອ ສຸວັນນີ ສີສຸພາບມີໄຊ ຫົວໜ້າກົມໃຫຍ່ການເມືອງ ກະຊວງ ປກສ ພ້ອມດ້ວຍພະນັກງານຫຼັກແຫ່ງອ້ອມຂ້າງກົມໃຫຍ່ການເມືອງ ປກສ ເຂົ້າຮ່ວມ.
ພັທ ແປງສີ ສົມພອນເທວາ ຮອງຫົວໜ້າຫ້ອງການເມືອງ ກົມໃຫຍ່ການເມືອງ ປກສ ໄດ້ຜ່ານຂໍ້ຕົກລົງຍົກຍ້າຍ, ແຕ່ງຕັ້ງນາຍຕຳຫຼວດ ທີ່ຂຶ້ນກັບກົມໃຫຍ່ການເມືອງ ປກສ ໃນນີ້ມີ: ພັອ ນາງ ໄລທອງ ໄຊຍະສອນ ຈາກຫ້ອງການເມືອງ ໄປຮັບໜ້າທີ່ໃໝ່ເປັນຮອງຫົວໜ້າກົມໂຄສະນາອົບຮົມ.; ພັທ ພອນສະຫວັນ ພິມມະເສນ ຈາກກົມໂຄສະນາອົບຮົມ ໄປຮັບໜ້າທີ່ໃໝ່ເປັນຮອງຫົວໜ້່າຫ້ອງກຳມະບານກະຊວງ ປກສ; ພັທ ໄຊຍະພອນ ຈັນທະວີໄຊ ຈາກກົມສື່ມວນຊົນ ໄປຮັບໜ້າທີ່ໃໝ່ເປັນຫົວໜ້່າພະແນກໂຄສະນາ-ອົບຮົມ ຫ້ອງຊາວໜຸ່ມກະຊວງ ປກສ; ພັຕ ກົງແສງ ສາວໄພອ່ອນ ຈາກກົມພະນັກງານ ໄປຮັບໜ້າທີ່ໃໝ່ເປັນຮອງຫົວໜ້າພະແນກຄົ້ນຄວ້າສັງລວມ-ພົວພັນຕ່າງປະເທດ ຫ້ອງການ ກົມໃຫຍ່ການເມືອງ ປກສ.
ນອກນັ້ນຍັງມີການປະກາດແຕ່ງຕັ້ງດັ່ງນີ້: ພັຕ ສຸທິນ ສຸວັນນະລາດ ແລະ ຮອ ພັນທະມິດ ຈັນເຕັມ ເປັນຮອງພະແນກຄົ້ນຄວ້າການອຸດໜູນ, ພັທ ນາງ ພວງວັນ ນາມວົງສາ ເປັນຫົວໜ້າ ແລະ ຮອ ນາງ ມະນີວອນ ປະພັດສະລາງ ເປັນຮອງພະ ແນກປະກັນສຸຂະພາບ ທີ່ຂຶ້ນກັບກົມປະກັນສັງຄົມ; ພັທ ພອນທິບ ພັນທະວົງ ເປັນຫົວໜ້າກອງກິລາ ກົມໂຄສະນາອົບຮົມ; ຮອ ນາງ ວອນໃຈ ລໍບຸນໄຊ ເປັນຮອງພະແນກໂຄສະນາ-ອົບຮົມ, ພັທ ຈັນເພັງ ແກ້ວປະເສີດ ເປັນຫົວໜ້າ ແລະ ຮອ ນາງ ພັນມະນີ ພົງເທບ ເປັນຮອງພະແນກຂະບວນການ, ພັທ ວຽງຄຳ ນະວົງໄຊ ເປັນຫົວໜ້າພະແນກຈັດຕັ້ງ-ນະໂຍບາຍ ທີ່ຂຶ້ນກັບຫ້ອງຊາວໜຸ່ມກະຊວງ ປກສ. ອີກທັງມີການປະກາດແຕ່ຕັ້ງບັນດາຫົວໜ້າ-ຮອງໜ່ວຍງານທີ່ຂຶ້ນກັບຫ້ອງການບໍລິຫານ, ພະແນກພະລາທິການ, ພະແນກກວດກາພັກ, ພະແນກກວດກາລັດ ແລະ ຕ້ານການສໍ້ລາດບັງຫຼວງ, ພະແນກແກ້ໄຂຄຳສະເໜີ ແລະ ຄຳຮ້ອງຟ້ອງ ທີ່ຂຶ້ນກັບກົມກວດກາ-ກວດການ ກົມໃຫຍ່ການເມືອງ ປກສ.
