ກອງປະຊຸມລັດຖະມົນຕີອາຊຽນວ່າດ້ວຍການຕ້ານອາຊະຍາກໍາຂ້າມຊາດ ຄັ້ງທີ 18 ທີ່ ສປປ ລາວ ໄດ້ຮັບກຽດເປັນເຈົ້າພາບ ໄດ້ເປີດຂຶ້ນໃນວັນທີ 28 ສິງຫາ 2024, ຢູ່ທີ່ນະ ຄອນຫຼວງວຽງຈັນ, ໂດຍການເປັນປະທານຂອງ ທ່ານ ພົນເອກ ວິໄລ ຫຼ້າຄໍາຟອງ ກຳມະການກົມການເມືອງ ຮອງນາ ຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະ ຫງົບ ແຫ່ງ ສປປ ລາວ, ໂດຍການໃຫ້ກຽດເຂົ້າຮ່ວມຂອງ ທ່ານ ດຣ ກາວ ກິມ ຮຸນ ເລຂາທິການໃຫຍ່ອາຊຽນ, ມີບັນດາລັດຖະມົນຕີປະເທດສະມາ ຊິກອາຊຽນ, ປະເທດຕີມໍເລສເຕ, ປະເທດຄູ່ຮ່ວມເຈລະຈາ ທີ່ຮັບຜິດຊອບວຽກ ງານການຕ້ານອາຊະຍາກໍາຂ້າມຊາດ ພ້ອມດ້ວຍຄະນະຜູ້ແທນ ເຂົ້າຮ່ວມ.
ໃນໂອກາດນີ້, ທ່ານ ດຣ ກາວ ກິມ ຮຸນ ເລຂາທິການໃຫຍ່ອາຊຽນ ໄດ້ມີຄໍາເຫັນຕໍ່ກອງປະຊຸມ ວ່າ: ກອງປະຊຸມຄັ້ງນີ້ ຈະໄດ້ຮັບການຮັບຮອງເອົາບັນດາເອກະສານສຳຄັນທີ່ສະ ທ້ອນໃຫ້ເຫັນວິໄສທັດຂອງບັນດາປະເທດສະມາຊິກອາຊຽນ ແລະ ຄູ່ຮ່ວມເຈລະຈາເພື່ອເພີ່ມທະວີການຮ່ວມມືໃນ ການແກ້ໄຂບັນຫາອາດຊະຍາກຳຂ້າມຊາດໃນອະນາຄົດ. ບົດແນະນຳກ່ຽວກັບການປະຕິບັດວຽກງານທີ່ດີທີ່ສຸດ, ຈະເປັນບ່ອນອີງທີ່ສຳຄັນໃນການຊຸກຍູ້ການປະສານງານຢ່າງມີປະສິດທິຜົນ ເພື່ອອຳນວຍຄວາມສະດວກໃຫ້ແກ່ການຮ່ວມມືໃນການຈັດຕັ້ງປະຕິບັດຕົວຈິງ, ທັງເປັນການຍຶດ ໝັ້ນຫຼັກການສູນກາງອາຊຽນ ແນໃສ່ສ້າງປະຊາຄົມອາຊຽນໃຫ້ມີຄວາມສະຫງົບປອດໄພ.
ພ້ອມນີ້, ທ່ານ ພົນເອກ ວິໄລ ຫຼ້າຄໍາຟອງ ໄດ້ກ່າວເປີດກອງປະຊຸມ ລັດຖະມົນຕີອາຊຽນວ່າດ້ວຍການຕ້ານອາຊະຍາກໍາຂ້າມຊາດ ຄັ້ງທີ 18 ຢ່າງເປັນທາງການ, ເຊິ່ງທ່ານໄດ້ສະແດງຄວາມຮູ້ສຶກເປັນກຽດ ແລະ ພາກພູມໃຈຢ່າງສູງ ທີ່ ສປປ ລາວ ໄດ້ຮັບກຽດເປັນເຈົ້າພາບ ແລະ ປະທານກອງປະຊຸມລັດຖະມົນຕີອາຊຽນ ວ່າດ້ວຍການຕ້ານອາຊະຍາ ກຳຂ້າມຊາດ ຄັ້ງທີ 18 ແລະ ກອງປະຊຸມອື່ນໆທີ່ກ່ຽວຂ້ອງ ໃນປີ 2024 ນີ້. ພ້ອມນີ້, ທ່ານກໍໄດ້ສະແດງຄວາມຍິນດີຕ້ອນຮັບອັນອົບອຸ່ນມາຍັງບັນດາທ່ານ ຫົວໜ້າຄະນະຜູ້ ແທນ, ແຂກທີ່ມີກຽດ ແລະ ຜູ້ແທນກອງປະຊຸມທັງໝົດ ແລະ ສະແດງຄວາມຂອບໃຈທີ່ໄດ້ໃຫ້ການສະໜັບສະ ໜູນ, ຊ່ວຍເຫຼືອ ສປປ ລາວ ໃນການເປັນເຈົ້າພາບ ແລະ ປະທານກອງປະຊຸມລັດຖະມົນຕີອາຊຽນວ່າດ້ວຍການຕ້ານອາ ຊະຍາກຳຂ້າມຊາດ ຄັ້ງທີ 18, ເຮັດໃຫ້ ສາມາດຈັດກອງປະຊຸມນີ້ໄດ້ຕາມ ແຜນການທີ່ກໍານົດໄວ້. ສປປ ລາວ ຮັບຮູ້ ແລະ ເຂົ້າ ໃຈດີວ່າ ບໍ່ມີປະເທດໃດຢາກໃຫ້ມີອາຊະ ຍາກຳເກີດຂຶ້ນໃນດິນແດນຂອງຕົນ ແຕ່ຍ້ອນສະພາບທີ່ຕັ້ງພູມສາດ ແລະ ເງື່ອນໄຂການເຂົ້າ-ອອກປະເທດທີ່ເອື້ອອໍານວຍ ເຮັດໃຫ້ພວກຄົນບໍ່ດີທີ່ກໍ່ອາຊະຍາກຳສາມາດຫຼົບຫຼີກ ແລະ ເຄື່ອນໄຫວກະທຳຜິດຢູ່ ໃນດິນແດນຂອງຕົນ, ບັນຫາອາຊະຍາກຳຂ້າມຊາດເປັນບັນຫາລວມຂອງວົງຄະນາຍາດສາກົນ, ມີຄວາມສະຫຼັບສັບຊ້ອນສາ ມາດເກີດຂຶ້ນໄດ້ຢູ່ທຸກພາກພື້ນ ແລະ ບໍ່ມີປະເທດໃດຈະສາມາດແກ້ໄຂບັນຫາດັ່ງກ່າວໄດ້ດ້ວຍຕົນເອງ. ສະນັ້ນ, ຍາມໃດ ສປປ ລາວ ກໍເຫັນວ່າຄວາມພະຍາຍາມຮ່ວມກັນ, ຄວາມເຊື່ອໝັ້ນ, ຄວາມເຂົ້າອົກເຂົ້າໃຈ ແລະ ການຮ່ວມມືທີ່ຈິງໃຈ ລະ ຫວ່າງ ບັນດາປະເທດ ໃນພາກພື້ນ ແລະ ສາກົນ ເປັນສິ່ງທີ່ສໍາຄັນ ແລະ ຈໍາເປັນທີ່ສຸດ ສໍາລັບການແກ້ໄຂບັນຫາອາຊະຍາກຳຂ້າມຊາດ. ດ້ວຍເຫດຜົນດັ່ງກ່າວ ທ່ານເຊື່ອໝັ້ນວ່າ ກົນໄກກອງປະຊຸມລັດຖະມົນຕີອາຊຽນວ່າດ້ວຍການຕ້ານອາຊະຍາກຳຂ້າມຊາດ ແລະ ບັນດາກົນໄກທີ່ຂຶ້ນກັບ ເປັນກົນໄກທີ່ສອດຄ່ອງ ເໝາະສົມສໍາລັບການແກ້ໄຂບັນຫາອາຊະຍາກຳຂ້າມຊາດ ໃນພາກພື້ນອາຊຽນ.
ກອງປະຊຸມລັດຖະມົນຕີອາຊຽນ ວ່າດ້ວຍການຕ້ານອາຊະ ຍາກຳຂ້າມຊາດ ແມ່ນກົນໄກ ປຶກສາຫາລືລະດັບສູງທີ່ມີບົດບາດສໍາຄັນໃນການສົ່ງເສີມການຮ່ວມມື ເພື່ອສະກັດກັ້ນ ແລະ ຕ້ານອາຊະຍາກຳຂ້າມຊາດ. ນັບແຕ່ໄດ້ຮັບການສ້າງຕັ້ງ ຂຶ້ນ ໃນປີ 1997 ເປັນຕົ້ນມາ ກົນໄກກອງປະຊຸມໄດ້ເຕີບໃຫຍ່ຂະຫຍາຍຕົວຢ່າງຕໍ່ເນື່ອງ; ບັນດາປະເທດສະ ມາຊິກ ແລະ ຄູ່ຮ່ວມເຈລະ ຈາ ໄດ້ສ້າງ ແລະ ປັບປຸງກົນໄກກອງປະຊຸມລະດັບລັດຖະມົນຕີ ແລະ ບັນດາກົນໄກທີ່ຂຶ້ນກັບ ເພື່ອໃຫ້ສອດຄ່ອງກັບສະພາບ ການຕົວຈິງໃນແຕ່ລະໄລຍະ, ສ້າງ ແລະ ປັບປຸງບັນດາເອກະສານທີ່ເປັນບ່ອນອີງໃຫ້ແກ່ການຮ່ວມມື ເປັນຕົ້ນແມ່ນສົນທິສັນ ຍາ, ແຜນປະຕິ ບັດງານ, ແຜນງານ, ແຜນວຽກ ເພື່ອຕ້ານອາຊະຍາກຳຂ້າມຊາດໃນພາກພື້ນ ແລະ ມີການຈັດກອງປະຊຸມປຶກສາຫາ ທົບທວນຄືນການຈັດຕັ້ງປະຕິບັດການຮ່ວມມື ໃນແຕ່ລະປີ, ຊອກວິທີແກ້ໄຂບັນຫາອາຊະຍາກຳຂ້າມຊາດຮ່ວມ ກັນ, ແລກປ່ຽນບົດຮຽນໃນແກ້ໄຂບັນຫາອາຊະຍາກຳຂ້າມຊາດ ໃນລະດັບສາກົນ, ພາກພື້ນ ແລະ ລະດັບຊາດ.
ກອງປະຊຸມລັດຖະມົນຕີອາຊຽນວ່າດ້ວຍການຕ້ານອາຊະ ຍາກຳຂ້າມຊາດ ໄດ້ມີບົດບາດສໍາຄັນໃນການຊຸກຍູ້ບັນດາກົນໄກທີ່ຂຶ້ນກັບໂດຍສະເພາະແມ່ນ ກອງປະຊຸມເຈົ້າໜ້າທີ່ ອາວຸໂສອາຊຽນວ່າດ້ວຍການຕ້ານອາຊະຍາກຳຂ້າມຊາດ ແລະ ກອງປະ ຊຸມຫົວໜ້າກົມຕຳຫຼວດກວດຄົນ ເຂົ້າ-ອອກເມືອງ ແລະ ຫົວໜ້າພະແນກກົງສູນຂອງກະຊວງການຕ່າງປະເທດອາຊຽນ ຈັດ ຕັ້ງປະຕິບັດການຮ່ວມມືພາຍໃຕ້ກົນ ໄກຂອງຕົນຢ່າງເປັນປົກກະຕິຕໍ່ເນື່ອງ ປະກອບສ່ວນຮັບ ປະກັນຄວາມສະຫງົບປອດໄພ, ສ້າງເງື່ອນໄຂອໍານວຍຄວາມສະດວກໃຫ້ແກ່ການພັດທະນາເສດຖະກິດ-ສັງຄົມ ຍົກລະດັບຊີວິດການເປັນຢູ່ໃນພາກພື້ນໃຫ້ນັບມື້ດີຂຶ້ນ.
ກົນໄກກອງປະຊຸມລັດຖະມົນຕີອາຊຽນວ່າດ້ວຍການຕ້ານອາຊະຍາກຳຂ້າມຊາດ ຈະສືບຕໍ່ເປັນໃຈກາງໃນການກຳນົດນະໂຍ ບາຍ ແລະ ມາດຕະການຕ່າງໆ ເພື່ອຕ້ານອາຊະຍາ ກຳຂ້າມຊາດໃນພາກພື້ນ. ພ້ອມນັ້ນ, ກອງປະຊຸມຄັ້ງນີ້ ຈະເປັນກອງປະ ຊຸມທີ່ມີໝາກມີຜົນ, ປຶກສາຫາລື ແລະ ຮັບ ຮອງເອົາຫຼາຍບັນຫາທີ່ສໍາຄັນສໍາລັບການຕ້ານອາຊະຍາກຳຂ້າມຊາດ ເພື່ອເຮັດໃຫ້ພາກພື້ນຂອງພວກເຮົາມີຄວາມສະຫງົບປອດໄພດີກວ່າເກົ່າ.
